Read Uzbek Muqaddas Kitob Zabur 83 Bible Online

Zabur 83 - Uzbek Muqaddas Kitob bible

Zabur 83

¹Ijrochilar rahbariga. Soz joʻrligida aytiladigan Koʻrax naslining[233] sanosi.

²Sening makoning ajoyibdir, Ey Sarvari Olam!

³Ey Egam, Sening hovlingga kirmoqni Jonim istar, hatto orziqar. Ey barhayot Xudo! Qalbim, vujudim Sevinch ila Senga kuylar.

⁴Ey Sarvari Olam, Shohim, Xudoyim! Qurbongohing yonida chumchuq ham bir uy topgan, Polaponlarim uchun joy topay deya, Qaldirgʻoch ham oʻzi uchun bir in qurgan.

⁵Baxtlidir Sening uyingda istiqomat qiladiganlar, Ular doim Senga hamdu sano aytarlar.

⁶Baxtlidir Sendan qudrat olgan odamlar, Quddusni chin dildan ziyorat qilishga intiladiganlar.

⁷Qaqragan soylikdan[234] ular oʻtar ekanlar, Buloqlar oqa boshlar, Ilk yomgʻir bu yerni suv havzalariga[235] toʻldirar.

⁸Ular yurgan sari kuchayib borar, Ey Xudo, ular Quddusda[236] huzuringda hozir boʻlar.

⁹Ey Parvardigori Olam — Egam, eshit ibodatimni, Ey Yoqubning Xudosi, tinglagin meni.

¹⁰Ey Xudo, qara shohga — qalqonimizga, Oʻzing moy surtib tanlaganga lutf qilgin.

¹¹Sening hovlilaringda oʻtgan bir kun Afzaldir boshqa yerda oʻtgan ming kundan. Fosiqlarning chodirlarida yashagandan koʻra, Boʻlsaydim, ey Xudoyim, Sening uyingda darvozabon.

¹²Ey Parvardigor Egam, quyosh va qalqonsan, Sen bizga mehribonlik koʻrsatib, shon — shuhrat ato etasan. Ey Egam, toʻgʻri yurganlardan Ne’matingni darigʻ tutmaysan.

¹³Ey Sarvari Olam, Sendan umid qilgan odam baxtlidir!