Read Uzbek Muqaddas Kitob Zabur 89 Bible Online

Zabur 89 - Uzbek Muqaddas Kitob bible

Zabur 89

¹Xudo odami Musoning ibodati.

²Ey Rabbiy, nasllar osha Sen panohimiz boʻlgan eding.

³Togʻlar hali paydo boʻlmasdan oldin, Yeru olamni yaratmasingdan oldin, Abadulabad Sen Xudosan.

⁴Sen insonni tuproqqa qaytarasan[263], “Qaytinglar tuproqqa, ey bandalar”, deb aytasan.

⁵Ming yil Sening nazaringda bir kundaydir, Qisqa bir tun vaqtidaydir.

⁶Sen odamlarni supurib tashlaysan, Ular goʻyo tushga oʻxshaydi. Ular tongda ungan yangi maysa kabidir. Tongda maysa yangidan oʻsib chiqsa ham Oqshomda soʻlib, xazon boʻladi.

⁷Sening gʻazabingdan adoyi tamom boʻldik, Qahringdan biz vahimaga tushdik.

⁸Gunohlarimizni Sen oldingga keltirding, Yashirin gunohlarimizni nurlaring yoritib turadi.

⁹Kunlarimiz Sening gʻazabing ostida oʻtadi, Yillarimiz bir oh kabi, tez nihoyasiga yetadi.

¹⁰Kunlarimiz yetmish yil ekan, Agar bardam boʻlsak, sakson yil ekan. Eng ajoyib yillar zahmat, jafo bilan kecharkan, Umrimiz tez oʻtar, oʻzimiz uchib ketarmiz.

¹¹Sening gʻazabing qudratini kim bila olar?! Qahring, Oʻzingga loyiq qoʻrquv kabi buyukdir.

¹²Umrimiz kunlarini sanashni bizga oʻrgatgin, Toki biz dono qalbga ega boʻlaylik.

¹³Kel, ey Egam! Qachongacha kutamiz?! Oʻz qullaringga shafqat qilgin!

¹⁴Saharda sodiq sevging bilan bizni qondirgin, Umrimiz boʻyi qoʻshiq aytib, xursand boʻlaylik.

¹⁵Kulfatlar koʻrdik koʻp kunlar, Bizni qaygʻuga giriftor qilding qancha yillar, Oʻsha kunlar evaziga bizni xursand qil.

¹⁶Biz, Oʻz qullaringga qudratli ishlaringni koʻrsatgin, Bizning naslimiz ulugʻvorligingni koʻrsin.

¹⁷Ey Rabbimiz Xudo, lutf — karaming bizga yor boʻlsin, Qilgan ishimiz baroridan kelsin, Ha, ishlarimizga baraka bergin!