Read Uzbek Muqaddas Kitob Zabur 91 Bible Online

Zabur 91 - Uzbek Muqaddas Kitob bible

Zabur 91

¹Sano. Shabbat kuni aytilgan qoʻshiq.

²Ey Egam, Senga shukur aytmoq yaxshidir, Ey Xudoyi Taolo, Senga hamdu sano kuylamoq yaxshidir.

³E’lon qilmoq yaxshidir subhidamda sodiq sevgingni, E’lon qilmoq yaxshidir kechalari sadoqatingni.

⁴Yaxshidir aytmoq bularni musiqa chalib Oʻn torli asbobda, lirada, arfa joʻrligida!

⁵Ey Egam, qudratli ishlaringdan men shodman, Qilgan ishlaringdan xursand boʻlib kuylayman.

⁶Ey Egam, ishlaring naqadar buyukdir! Oʻylaring juda ham terandir!

⁷Aqlsiz kimsa buni bila olmaydi, Ahmoq kimsa buni tushuna olmaydi:

⁸Garchi fosiqlar maysa kabi unib chiqsa ham, Badkirdorlar gullab — yashnasa ham, Ular to abad yoʻq boʻladi.

⁹Sen — chi, ey Egam, to abad ulugʻvorsan.

¹⁰Ey Egam, dushmanlaring albatta yoʻq boʻladi, Ular shubhasiz halok boʻladi. Badkirdorlarning hammasi tarqalib ketadi.

¹¹Meni yovvoyi buqaday kuchli qilding, Qudrating bilan menga qaytadan kuch ato etding[265].

¹²Dushmanlarim magʻlubiyatin koʻzlarim koʻrdi, Badkirdorlar zavolin quloqlarim eshitdi.

¹³Solihlar palma daraxtiday gullab — yashnaydi, Lubnondagi sadr daraxtiday[266] yuksaladi.

¹⁴Ular Egamizning uyiga oʻtqazilgan, Xudoyimizning hovlisida ular yashnaydi.

¹⁵Keksalikda ham hamon hosil beradi, Yam — yashil, navqiron boʻlib turaveradi.

¹⁶Ular birgalikda shunday deb e’lon qiladi: “Egamiz odildir! U mening suyangan qoyamdir, Unda nohaqlik yoʻqdir.”