Read Uzbek Muqaddas Kitob Hikmatlar 13 Bible Online

Hikmatlar 13 - Uzbek Muqaddas Kitob bible

Hikmatlar 13

¹Aqlli farzand[49] otasining nasihatlarini qabul qiladi, mazax qiluvchi esa tanbehga quloq solmaydi.

²Yaxshi odam soʻzlari bilan yaxshilikka erishadi, xoin esa zoʻravonlikka.

³Tilini tiygan jonini asraydi, tiliga erk bergan esa halokatga uchraydi.

⁴Dangasaning koʻngli xohlaydi — yu, ammo hech narsaga erisha olmaydi, tirishqoq esa orzusiga yetishadi.

⁵Solih yolgʻondan nafratlanadi, fosiq esa uyatli va sharmandali ishlar qiladi.

⁶Solihlik toʻgʻri yuradiganni himoya qiladi, fosiqlik esa gunohkorni halok qiladi.

⁷Shunday odam bor, hech narsasi yoʻgʻ — u, oʻzini boy koʻrsatadi. Yana shunday odam bor, boyligi koʻp — u, oʻzini qashshoq koʻrsatadi.

⁸Jonning haqi — uning boyligi, kambagʻal esa doʻq — poʻpisadan qoʻrqmaydi.

⁹Solihlarning chirogʻi doim charogʻon, fosiqniki esa oʻchib qoladi.

¹⁰Magʻrurlikdan faqat urush chiqadi, nasihatga quloq solgan odamda esa donolik bor.

¹¹Hiyla bilan topilgan davlat yoʻqoladi, mehnat bilan topilgani esa koʻpayadi.

¹²Roʻyobga chiqmagan umid yurakni ezadi, ushalgan orzu esa hayot daraxti kabidir.

¹³Pand — nasihatlardan nafratlangan oʻziga halokat keltiradi, amrga quloq solgan esa taqdirlanadi.

¹⁴Dononing ta’limoti hayot manbaidir, u odamni oʻlim tuzogʻidan asraydi.

¹⁵Idrokli inson marhamatga erishadi, xoinning yoʻli esa mashaqqatlidir[50].

¹⁶Zukko odam aql bilan ish qiladi, aqlsiz esa ahmoqligini koʻrsatadi.

¹⁷Yomon xabarchi kulfat olib keladi, sodiq xabarchi esa yurakka shifo keltiradi.

¹⁸Nasihatga quloq solmaganlarga qashshoqlik va uyat keladi, tanbehga quloq solganlar esa hurmat va izzat topadi.

¹⁹Amalga oshgan tilak jonga rohat beradi, nodon odam yomonlikdan ayrilishni rad etadi.

²⁰Donoga hamroh boʻlgan dono boʻladi, ahmoqqa yoʻldosh boʻlgan esa halok boʻladi.

²¹Baxtsizlik gunohkorning ketidan quvib yuradi, solihning mukofoti esa baxt — saodatdir.

²²Yaxshi odam bolalarining bolalariga ham meros qoldiradi, fosiqning boyligi esa solihga nasib etadi.

²³Kambagʻalning dalasida gʻalla moʻl, lekin adolatsizlik tufayli vayron boʻladi.

²⁴Kaltakni oʻgʻlidan ayagan odam uni yomon koʻradi, oʻgʻlini sevgan esa yoshlikdan tartib — intizomga oʻrgatadi.

²⁵Solih qorni toʻyib ovqat yeydi, fosiq esa och qoladi.