Read Uzbek Muqaddas Kitob Hikmatlar 27 Bible Online

Hikmatlar 27 - Uzbek Muqaddas Kitob bible

Hikmatlar 27

¹Ertangi kun bilan maqtanma, uning nima olib kelishini bilmaysan — ku!

²Seni oʻzing emas, boshqalar, oʻz ogʻzing emas, oʻzgalar maqtasin.

³Tosh ham, qum ham ogʻir, aqlsizning gʻazabi esa ikkovidan ham ogʻirroq.

⁴Jahl — zolim, gʻazab bir toshqindir, rashk oldida kim bardosh bera oladi?!

⁵Oshkora tanbeh pinhona mehrdan yaxshiroq.

⁶Dushmanning shirin soʻzi emas, doʻstning kaltaklashi sadoqatni koʻrsatadi.

⁷Toʻq odam asalni ham oyoq osti qiladi, ochga esa achchiq narsa ham shirin.

⁸Oʻz uyini tashlab ketgan odam inidan ayrilgan qushga oʻxshaydi.

⁹Xushboʻy moy va muattar atir koʻngilni shod qiladi, doʻstning samimiy maslahati quvonch keltiradi.

¹⁰Oʻz doʻstingni va otangning doʻstini tashlab ketma, ogʻir kunda akangnikiga chopma, yaqin qoʻshni uzoqdagi akadan yaxshiroq.

¹¹Ey oʻgʻlim[90], dono boʻl, qalbimni quvontir, shunda birov meni tanqid qilsa ham, javob qaytara olaman.

¹²Es — hushli odam xavf — xatarni koʻrib yashirinadi, sodda[91] esa toʻxtamasdan boraveradi, shuning uchun qiynaladi.

¹³Begonaga kafillik qilganning[92] toʻnini yechib ol, ha, bunday aqlsiz odamdan kiyimini garov qilib ol.

¹⁴Tong — saharlab doʻstiga hamdu sano aytgan odam unga la’nat oʻqigan boʻladi.

¹⁵Janjalkash xotin yomgʻirli kunda toʻxtamay tomayotgan chakkaga oʻxshaydi.

¹⁶Uni boshqarish shamolni boshqarish yoki oʻng qoʻl bilan moyni ushlash demakdir.

¹⁷Temir temirni oʻtkirlaydi, inson esa doʻstini.

¹⁸Anjirni parvarish qilgan odam uning mevasidan bahramand boʻladi, sohibiga yaxshi qaragan izzat — hurmatga ega boʻladi.

¹⁹Suv insonning yuzini aks ettirgani kabi, yuragi ham uning koʻzgusidir.

²⁰Oʻlim va Halokat[93] hech toʻymaganiday, insonning koʻzi ham aslo toʻymaydi.

²¹Kumush, oltin olovda sinaladi, odam esa maqtovda.

²²Ahmoqni keliga solib don bilan birga yanchsang ham, ahmoqligi undan ajralmaydi.

²³Qoʻylaringning ahvolini yaxshi bil, podalaringga yaxshi qara.

²⁴Chunki boylik ham, toj ham abadiy emas.

²⁵Oʻtlar qurib, yangi koʻkatlar oʻsib chiqqanda, qir — adirdagi oʻt — oʻlanlar yigʻib olinganda,

²⁶qoʻzilar kiyim — kechagingni, echkilar esa dala bahosini qoplaydi.

²⁷Echkilarning suti koʻp, senga ham, uy ahlingga ham, hatto xizmatkorlaringga ham yetarli boʻladi.