Read Uzbek Muqaddas Kitob Qo‘shiq 3 Bible Online

Qo‘shiq 3 - Uzbek Muqaddas Kitob bible

Qo‘shiq 3

¹Kechqurun oʻrnimda yotganimda, Butun qalbim bilan sevgan oshigʻimni qoʻmsadim. Juda qoʻmsadim, lekin uni topolmadim.

²Endi turib, shaharga chiqaman. Shahar maydonlariyu koʻchalarida yurib, Sevgilimni izlayman. Izladim — u, ammo uni topolmadim.

³Qoʻriqchilar shaharni kezib yurib, Meni koʻrib qolishdi. Ulardan: “Sevgilimni koʻrmadingizmi?” deb soʻradim.

⁴Ularning oldidan ketishim bilanoq, Sevgilimni topdim. Uni mahkam quchib, qoʻyib yubormadim. Onamning uyiga olib keldim. Uni oʻz tuqqan onamning xonasiga olib kirdim.

⁵Ey Quddus qizlari, Kiyigu yovvoyi ohular[12] haqi ont iching. Vaqt — soati kelmaguncha, Sevgini qoʻzgʻatmang, uygʻotmang.

⁶Dashtda tutunday koʻtarilib, Koʻrinayotgan narsa nimadir? Undan attor rastasidagi barcha xushboʻy atirlarning hidi, Mirra[13] va xushboʻy tutatqilarning hidi kelib turibdi.

⁷Qaranglar, u Sulaymonning taxtiravonidir[14], Uning atrofida oltmishta pahlavoni bor. Ular Isroil xalqi orasidagi eng bahodir jangchilardir.

⁸Qilich oʻynatishda hammasi mohir, Jangda ham juda mahoratlidirlar. Tunda boʻladigan hujumlardan saqlanish uchun Ularning hammasi qilich bilan qurollangan.

⁹Shoh Sulaymon oʻz taxtiravonini Lubnon yogʻochlaridan yasattirgan.

¹⁰Bu taxtiravon dastalari kumushdan, Orqasi tilladan yasalgan, Oʻrindigʻiga esa safsar kimxob[15] toʻshalgan. Quddus qizlari taxtiravonning ichini Muhabbat bilan bezatganlar.

¹¹Chiqinglar, ey Sion qizlari! Shoh Sulaymonga qaranglar. Toʻyi kuni, yuragi shodlik bilan toʻlgan kuni Onasi kiydirgan tojga qaranglar.