Read Uzbek Muqaddas Kitob Ishayo 11 Bible Online

Ishayo 11 - Uzbek Muqaddas Kitob bible

Ishayo 11

¹Essayning[69] tomiridan novda oʻsib chiqadi, Ha, uning ildizidan koʻchat yoyiladi.

²Uning ustida boʻladi Egamizning Ruhi. Bu donolik hamda aql — idrok, Nasihat va kuch — qudrat Ruhidir, Egamizni bilish va Undan qoʻrqish Ruhidir.

³Oʻsha Essay farzandi Egamizdan qoʻrqishdan zavq olar, Hukm qilmas koʻzlari koʻrgani ila, Ajrim qilmas eshitganlari ila.

⁴U adolat ila bechorani hukm qiladi, Toʻgʻrilik ila yer yuzi mazlumlarini ajrim qiladi. Bir ogʻiz soʻzi bilan zolimni jazolaydi, Nafasi ila fosiqni oʻldiradi.

⁵Adolat uning belidagi kamar boʻladi, Haqqoniyat uning belidagi belbogʻ boʻladi.

⁶Shunda boʻri qoʻzi bilan yashar, Sirtlon bilan uloqcha birga yotar, Buzoq, sher, boʻrdoqi birgadir, Yosh bola ularni yetaklab yurar.

⁷Sigir bilan ayiq birga oʻtlaydi, Bolalari ham birga yotadi, Sher hoʻkizga oʻxshab somon yeydi.

⁸Goʻdak qora ilon uyasi ustida oʻynar, Yosh bola qoʻlini ilon iniga suqar.

⁹Muqaddas togʻimning[70] gir atrofida Ular zarar keltirmas yo chaqmas. Ha, suvlar toʻldirganiday dengizni, Yer yuzi toʻliq bilib oladi Egamizni.

¹⁰Mana, Essayning tomiridan chiqqan[71] shoh oʻsha kuni xalqlar uchun baland koʻtarilgan bayroq kabi boʻladi. Elatlar maslahat soʻragani uning huzuriga keladi, Uning maskani ulugʻvorlikka toʻladi.

¹¹Oʻsha kuni Rabbiy qoʻlini ikkinchi marta uzatadi. U Oʻz xalqidan qolganlarini qutqaradi. Ularni Ossuriyadan, Misrning shimoliy va janubiy hududlaridan[72], Habashistondan[73] yigʻib keladi. Elamdan[74], Bobildan[75], Xomatdan[76] va dengiz sohillaridan olib keladi.

¹²Elatlarga U belgisini koʻrsatib, Isroilning quvilganlarini toʻplaydi. Yer yuzining toʻrt burchagidan yigʻadi Yahudoning tarqalib ketganlarini.

¹³Efrayimning[77] hasadgoʻyligini qirqadi, Yahudoning xusumatini toʻxtatadi, Efrayim Yahudoga hasad qilmas, Yahudo Efrayimga xusumat qilmas.

¹⁴Gʻarbda ular Filistlarga changal soladi, Birgalikda Sharq xalqini talaydi, Edom, Moʻab[78] ularga boʻyin egadi, Ommon xalqi[79] tiz choʻkadi.

¹⁵Egamiz tamomila qirib yuborar Qizil dengizning qoʻltigʻini[80]. Furot daryosiga qarshi qoʻl koʻtaradi. Garmsel[81] keltirib, jizgʻanak qilib, Daryoni yetti sayoz irmoqqa boʻlib tashlaydi, Irmoqlardan bir — bir hatlab oʻtsa boʻladi.

¹⁶Ha, Isroil Misrdan chiqqanda, Ularga yoʻl ochilganiday Egamizning xalqidan qolganlarga Ossuriyadan katta yoʻl ochiladi.