Read Uzbek Muqaddas Kitob Ishayo 39 Bible Online

Ishayo 39 - Uzbek Muqaddas Kitob bible

Ishayo 39

¹Oʻsha paytlarda Bobil shohi Baladon oʻgʻli Marduxbaladon[233] shoh Hizqiyoga maktublaru hadyalar joʻnatdi. U Hizqiyoning xastalanib, keyin sogʻayganini eshitgandi.

²Hizqiyo elchilarni koʻrib xursand boʻldi. Xazinasidagi bor narsa — omborlardagi hamma qimmatbaho ashyolarini, oltinni, kumushni, xushboʻy ziravorlarni va moylarni, butun qurol — yarogʻ omborini ularga koʻrsatdi. Hizqiyoning saroyidayu oʻz shohligida ularga koʻrsatmagan hech narsasi qolmadi.

³Ishayo paygʻambar shoh Hizqiyoning huzuriga kelib: — Bu odamlar qayerdan kelibdi? Senga nimalar dedi? — deb soʻradi. — Uzoq bir yurtdan, Bobildan kelibdilar, — deb javob berdi Hizqiyo.

⁴— Ular saroyingda nimalarni koʻrdi? — deb soʻradi Ishayo. — Saroyimdagi hamma narsani koʻrdilar, — deya javob berdi Hizqiyo. — Xazinalarimda men ularga koʻrsatmagan hech narsa qolmadi.

⁵Shunda Ishayo aytdi: — Endi Sarvari Olamning soʻziga quloq sol.

⁶Egamiz aytmoqdaki: “Bir kun kelib, saroyingdagi hamma narsa, ota — bobolaringning bugungacha toʻplab qoldirganlari Bobilga tashib ketiladi. Hech narsa qolmaydi.

⁷Sening pushti kamaringdan bino boʻlgan oʻgʻillaringdan ba’zilari ham olib ketiladi. Ular Bobil shohining saroyida bichilgan qullar boʻlib xizmat qiladi.”

⁸Hizqiyo Ishayoga: — Egamiz sen orqali aytgan soʻzlar xosiyatlidir, — dedi — da, ichida: “Umrim oxirigacha tinch, xotirjam yashar ekanman — ku”, deb oʻyladi.