Read Uzbek Muqaddas Kitob Levilar 14 Bible Online

Levilar 14 - Uzbek Muqaddas Kitob bible

Levilar 14

²xasta odamning poklanish marosimiga oid quyidagi qoidalarni berdi: teri kasalligidan[33] forigʻ boʻlgan odamni ruhoniyning oldiga olib keling.

³Ruhoniy uni qarorgohdan tashqarida koʻrsin. Agar oʻsha odam haqiqatan ham kasalligidan forigʻ boʻlgan boʻlsa,

⁴ruhoniy uni poklash uchun ikkita halol tirik qushni, sadr yogʻochini, qirmizi ipni va bir tutam issop oʻtini[34] keltirsin.

⁵Ruhoniyning amriga binoan qushlarning bittasi yangi buloq suvi solingan sopol idish ustida boʻgʻizlansin.

⁶Soʻng ruhoniy tirik qushni, sadr yogʻochini, qirmizi ipni va issopni olib, buloq suvi ustida boʻgʻizlangan qushning qoniga botirsin.

⁷Keyin qonni teri kasalligidan poklanadigan odamning ustiga yetti marta sepsin. Ruhoniy oʻsha odamni pok deb e’lon qilsin va tirik qushni dalaga qoʻyib yuborsin.

⁸Poklanadigan odam kiyimlarini yuvsin. Hamma sochini qirib tashlab, yuvinsin, shunda u pok boʻladi. Shundan keyin u qarorgohga kirsin, lekin yetti kun davomida chodirining tashqarisida yashasin.

⁹Yettinchi kuni u yana sochini, soqolini, qoshlarini va hamma tuklarini qirsin. Soʻng kiyimlarini yuvib, oʻzi ham yuvinsin, shunda u pok boʻladi.

¹⁰Sakkizinchi kuni u ikkita nuqsonsiz qoʻchqor qoʻzini va bitta bir yoshli nuqsonsiz urgʻochi qoʻzini, don nazri sifatida zaytun moyi qoʻshilgan oʻn ikki kosa[35] sifatli unni va bir kosa[36] zaytun moyini olib kelsin.

¹¹Poklanish marosimini olib borayotgan ruhoniy poklanadigan odamni va uning olib kelgan qurbonligu nazrlarini Egamizning huzuriga, Uchrashuv chodiri kiraverishiga qoʻysin.

¹²Soʻng qoʻzining bittasini bir kosa zaytun moyi bilan birga ayb qurbonligi sifatida keltirsin. Oʻsha narsalarni Egamizga bagʻishlaganini koʻrsatib, yuqoriga koʻtarsin.

¹³U qoʻzini muqaddas joyda, gunoh qurbonligi va kuydiriladigan qurbonlik boʻgʻizlanadigan joyda soʻysin. Ayb qurbonligi gunoh qurbonligi singari, ruhoniyga tegishlidir. Bu qurbonlik nihoyatda muqaddasdir.

¹⁴Ruhoniy ayb qurbonligining qonidan olib, poklanayotgan odamning oʻng qulogʻi solinchagiga[37], oʻng qoʻlining bosh barmogʻiga va oʻng oyogʻining bosh barmogʻiga surtsin.

¹⁵Soʻng kosadagi zaytun moyidan olib, oʻz qoʻlining chap kaftiga quysin.

¹⁶Oʻng qoʻlining barmogʻini chap kaftidagi zaytun moyiga botirib, yetti marta Egamizning huzurida sachratsin.

¹⁷Chap kaftida qolgan zaytun moyidan poklanayotgan odamning oʻng qulogʻi solinchagiga, oʻng qoʻli bosh barmogʻiga va oʻng oyogʻi bosh barmogʻiga — ayb qurbonligining qoni surtilgan joyga surtsin.

¹⁸Ortib qolgan moyni esa poklanayotgan odamning boshiga surtsin. Shu yoʻsin, ruhoniy Egamizning huzurida poklanish marosimini oʻtkazsin.

¹⁹Keyin ruhoniy gunoh qurbonligini keltirib, poklanish marosimini oʻtkazsin. U kuydiriladigan qurbonlikni soʻyib,

²⁰don nazri bilan birga qurbongoh ustida kuydirsin. Ruhoniy shu yoʻsin poklanish marosimini oʻtkazsin, shunda kasallikdan forigʻ boʻlgan odam pok boʻladi.

²¹Bordi — yu, u odam kambagʻal boʻlib, bularni qurbonlik qilishga qurbi yetmasa, u poklanishi uchun yuqoriga koʻtariladigan ayb qurbonligi sifatida bitta qoʻchqor qoʻzini, don nazri uchun zaytun moyi qoʻshilgan toʻrt kosa[38] sifatli unni va bir kosa zaytun moyini olib kelsin.

²²Bulardan tashqari, imkoniyatiga koʻra, ikkita kaptarni yoki ikkita musichani olib kelsin. Biri gunoh qurbonligi, ikkinchisi kuydiriladigan qurbonlik uchundir.

²³U shu narsalarni sakkizinchi kuni poklanish uchun Uchrashuv chodiri kiraverishiga, Egamizning oldiga olib kelib, ruhoniyga bersin.

²⁴Ruhoniy ayb qurbonligi uchun keltirilgan qoʻzini va bir kosa zaytun moyini olib, Egamizga bagʻishlaganini koʻrsatish uchun Egamizning huzurida yuqoriga koʻtarsin.

²⁵Soʻng qoʻzini soʻysin, qonidan olib, poklanayotgan odamning oʻng qulogʻi solinchagiga, oʻng qoʻlining bosh barmogʻiga va oʻng oyogʻining bosh barmogʻiga surtsin.

²⁶Keyin ruhoniy chap qoʻlining kaftiga zaytun moyidan quysin.

²⁷Oʻng qoʻlining barmogʻi bilan oʻsha moyni yetti marta Egamizning huzurida sachratsin.

²⁸Soʻng qoʻlidagi moydan poklanayotgan odamning oʻng qulogʻi solinchagiga, oʻng qoʻlining bosh barmogʻiga va oʻng oyogʻining bosh barmogʻiga — ayb qurbonligining qoni surtilgan joyga surtsin.

²⁹Qoʻlidagi ortib qolgan moyni poklanayotgan odamning boshiga surtsin. Shu yoʻl bilan ruhoniy poklanish marosimini oʻtkazsin.

³⁰Soʻng ruhoniy kaptarlarni yoki musichalarni qurbon qilsin.

³¹Bittasini gunoh qurbonligi, ikkinchisini kuydiriladigan qurbonlik qilib, don nazri bilan birga keltirsin. Shu yoʻsin, ruhoniy Egamizning huzurida poklanish marosimini oʻtkazsin.

³²Bu qoidalar teri kasalligidan forigʻ boʻlgan, lekin poklanish marosimi uchun kerakli qurbonliklarni keltirishga qurbi yetmagan odam uchundir.

³³Egamiz Muso va Horunga

³⁴mogʻor bosgan uylarga oid quyidagi qonunlarni berdi: Egamiz sizlarga mulk qilib beradigan Kan’on yurtiga borganingizdan keyin sizlarga qarashli yurtdagi uyni mogʻor bostirishi mumkin.

³⁵Shunda xonadon sohibi ruhoniyning oldiga borib: “Uyimni mogʻor bosganga oʻxshaydi”, — deb aytsin.

³⁶Uydagi narsalar harom deb e’lon qilinmasligi uchun, ruhoniy mogʻorni koʻrishga kirishdan oldin, uydagi hamma narsalarni chiqartirishni buyursin. Shundan soʻng uyni koʻzdan kechirish uchun ichkariga kirib,

³⁷mogʻor bosgan devorlarni koʻrsin. Agar mogʻorning koʻkimtir yoki qizgʻish dogʻlari boʻlib, devorga chuqur botib kirgan boʻlsa,

³⁸ruhoniy tashqariga chiqib, uyni yetti kunga berkitib qoʻysin.

³⁹Yettinchi kuni ruhoniy qaytib kelib, uyni yana koʻrsin. Agar mogʻor devorga yoyilib ketgan boʻlsa,

⁴⁰ruhoniy mogʻor yoyilgan devordagi toshlarni koʻchirtirib, shahar tashqarisidagi harom joyga olib borib tashlashni buyursin.

⁴¹Soʻng uy ichkarisidagi devorlarning suvogʻini koʻchirtirib, shahar tashqarisidagi harom joyga chiqartirib tashlatsin.

⁴²Koʻchirib olingan toshlar oʻrniga boshqa toshlar qoʻydirib, uyning ichini yangidan suvoq qildirsin.

⁴³Agar shundan keyin ham uyni mogʻor bossa,

⁴⁴ruhoniy kelib uyni koʻrsin. Mogʻor devorlarga yoyilgan boʻlsa, bu yoyiladigan zamburugʻdir. Uy harom hisoblanadi.

⁴⁵Uy buzib tashlansin, uning tosh, yogʻoch va suvogʻini shahar tashqarisidagi harom joyga olib chiqib tashlashsin.

⁴⁶Uy yopiq paytida u yerga kirgan har qanday odam kechgacha harom hisoblanadi.

⁴⁷Oʻsha uyda uxlagan yoki u yerda ovqatlangan har qanday odam kiyimlarini yuvsin.

⁴⁸Bordi — yu, uy yangidan suvoq qilingandan keyin ruhoniy kelib, uyni koʻrganda devorlarni mogʻor bosmagan boʻlsa, ruhoniy uyni pok deb e’lon qilsin. Mogʻor yoʻq boʻlgan boʻladi.

⁴⁹Uyni poklash uchun ruhoniy ikkita qushni, sadr yogʻochini, qirmizi ipni va bir tutam issop oʻtini olsin.

⁵⁰Qushning birini sopol idishdagi yangi buloq suvi ustida soʻysin.

⁵¹Soʻng sadr yogʻochini, issop tutamini, qirmizi ipni va tirik qushni olib, ularni buloq suvi ustida boʻgʻizlangan qushning qoniga botirsin — da, uyga yetti marta sepsin.

⁵²Shu yoʻl bilan uyni poklagandan keyin,

⁵³tirik qushni shahar chekkasiga olib chiqib, dalaga qoʻyib yuborsin. Shu tariqa ruhoniy uy uchun poklash marosimini oʻtkazsin, shunda uy pok boʻladi.

⁵⁴Teri kasalligiga va yoyiladigan zamburugʻlarga oid qoidalar shulardir. Bu qoidalar teridagi qichitmaning,

⁵⁵uy va kiyimlardagi mogʻorlarning, teridagi shish, toshma yoki dogʻlarning

⁵⁶halol yoki harom ekanligini bilish uchun xizmat qiladi. Xullas, teri kasalligi va yoyiladigan zamburugʻlarga oid qoidalar shulardan iborat.