Read Uzbek Muqaddas Kitob Levilar 3 Bible Online

Levilar 3 - Uzbek Muqaddas Kitob bible

Levilar 3

¹Agar podangizdagi birorta hayvonni tinchlik qurbonligi qilmoqchi boʻlsangiz, nuqsonsiz sigir yoki buqani Egamiz oldiga olib keling.

²Qoʻlingizni qurbonlikning boshiga qoʻying, soʻng uni Uchrashuv chodirining kiraverishida soʻying. Horunning ruhoniy oʻgʻillari qurbonlikning qonini qurbongohning toʻrtala yon tomoniga sepib chiqishsin.

³Siz tinchlik qurbonligining quyidagi qismlarini olovda kuydirib, Egamizga nazr qiling: ichak — chovoqlarini qoplab turgan yogʻlarni, hamma charvini,

⁴ikkala buyrakni, buyrak atrofidagi yogʻlarini va jigarning a’lo qismini[5]. Jigarning a’lo qismi buyraklar bilan birga ajratib olingan boʻlishi lozim.

⁵Soʻng Horunning oʻgʻillari bularni qurbongohda, yonib turgan oʻtin ustidagi kuydiriladigan qurbonlik bilan birga kuydirsinlar. Olovda kuydirilgan bu qurbonlikdan Egamizga yoqimli hid boradi.

⁶Agar Egamizga suruvingizdagi hayvonni tinchlik qurbonligi qilmoqchi boʻlsangiz, nuqsonsiz urgʻochi yoki erkak jonivorni olib keling.

⁷Qoʻyni qurbonlik qilmoqchi boʻlsangiz, uni Egamiz oldiga olib kelib,

⁸qoʻlingizni qurbonlikning boshiga qoʻying. Soʻng uni Uchrashuv chodiri oldida soʻying. Horunning oʻgʻillari qurbonlikning qonini qurbongohning toʻrtala yon tomoniga sepib chiqishsin.

⁹Siz tinchlik qurbonligining quyidagi qismlarini olovda kuydirib, Egamizga nazr qiling: dumgʻazadan boshlab kesib olingan dumbasini, ichak — chovoqlarini qoplab turgan yogʻlarni, hamma charvini,

¹⁰ikkala buyrakni, buyrak atrofidagi yogʻlarini va jigarning a’lo qismini. Jigarning a’lo qismi buyraklar bilan birga ajratib olingan boʻlishi lozim.

¹¹Ruhoniy bularni taom nazri sifatida qurbongoh ustida kuydirsin. Egamizga keltirilib, olovda kuydiriladigan qurbonlik shudir.

¹²Agar Egamizga echkini qurbonlik qilmoqchi boʻlsangiz, uni Egamizning oldiga olib keling.

¹³Qoʻlingizni echkining boshiga qoʻyib, uni Uchrashuv chodiri oldida soʻying. Soʻng Horunning oʻgʻillari echkining qonini qurbongohning toʻrtala yon tomoniga sepib chiqishsin.

¹⁴Siz qurbonlikning quyidagi qismlarini olovda kuydirib Egamizga nazr qiling: ichak — chovoqlarini qoplab turgan yogʻlarni, hamma charvini,

¹⁵ikkala buyrakni, buyrak atrofidagi yogʻlarini va jigarning a’lo qismini. Jigarning a’lo qismi buyraklar bilan birga ajratib olingan boʻlishi lozim.

¹⁶Soʻng ruhoniy bularning hammasini taom nazri sifatida qurbongoh ustida kuydirsin. Olovda kuydirilgan bu qurbonlikdan Egamizga yoqimli hid boradi. Yogʻning hammasi Egamizga tegishlidir.

¹⁷Yogʻ va qonni tanovul qilmang. Qayerda yashashingizdan qat’iy nazar, butun avlodingiz bu qonunga doimo rioya qilsin.