Read Uzbek Muqaddas Kitob Yeremiyo 13 Bible Online

Yeremiyo 13 - Uzbek Muqaddas Kitob bible

Yeremiyo 13

¹Egamiz menga shunday dedi: “Bor, oʻzing uchun zigʻir qiyiqcha sotib ol. Uni belingga bogʻla, ammo suvga tekkizma.”

²Egamizning amriga binoan, men qiyiqcha sotib olib, belimga bogʻlab oldim.

³Keyin Egamiz menga shu soʻzini ayon qildi:

⁴“Sotib olgan belingdagi qiyiqchani qoʻlingga olgin — u, Poro anhorining[79] boʻyiga tush. Qiyiqchani qoyaning yoriq joyiga yashirib qoʻy.”

⁵Men Egamiz buyurganidek qildim. Qiyiqchani Poro anhorining boʻyiga yashirib qoʻydim.

⁶Oradan ancha kun oʻtgandan soʻng, Egamiz menga shunday dedi: “Qani, Poro anhorining boʻyiga bor, Mening amrimga binoan, u yerga yashirib qoʻygan qiyiqchangni olib kel.”

⁷Shunda men borib, qiyiqchani oʻzim yashirib qoʻygan joydan kovlab oldim. Ammo qiyiqcha chirib ketgan, hech narsaga yaramaydigan boʻlib qolgan edi.

⁸Shunda Egamiz menga Oʻz soʻzini ayon qildi.

⁹Egamiz shunday demoqda: “Men Yahudo xalqining magʻrurligini va Quddus aholisining takabburligini qiyiqcha kabi chiritaman.

¹⁰Bu fosiq xalq soʻzlarimni eshitishdan bosh tortdi, yovuz yuragining oʻjarliklariga itoat qildi. Begona xudolarga ergashdi, ularga xizmat qilib, sajda etdi. Ular oʻsha chirib ketgan qiyiqcha kabi, hech narsaga yaramaydigan boʻlib qoladilar.

¹¹Qiyiqcha odamning beliga yopishib turgani kabi, Men jamiki Isroil va Yahudo xalqlarini Oʻzimga yaqin tutar edim: ular Mening xalqim boʻlishadi, Menga shon — shuhrat, olqishlar va sharaf keltirishadi deb, shunday qilgan edim. Ammo ular Menga quloq solmadilar.” Egamizning kalomi shudir.

¹²Isroil xalqining Xudosi — Egamiz menga shunday dedi: “Ey Yeremiyo, xalqqa ayt: «Sharob meshlari sharob bilan toʻldirilishi kerak.» Bordi — yu, ular senga: «Sharob meshlari sharob bilan toʻldirilishi kerakligini oʻzimiz ham bilamiz», deb aytishsa,

¹³sen ularga shunday deb javob ber: «Egamiz demoqda: Men bu yurtdagi hamma odamlarni mast[80] qilaman. Dovud taxtida oʻtirgan shohdan tortib, ruhoniylar, paygʻambarlar va Quddusning butun aholisigacha — hammasini mast qilaman.

¹⁴Men ularni bir — birlariga, ota — onalarni bolalariga qarshi qilib qoʻyaman, — deb aytmoqda Egamiz. — Ularni ayamay yoʻq qilib tashlayman, ularga achinmayman, rahm — shafqat qilmayman.»”

¹⁵Eshitinglar, quloq solinglar, Katta ketmanglar, Zotan, Egamiz gapirmoqda.

¹⁶Xudo ustingizga zulmat yubormasdan oldin, Qorongʻi qirlarda qoqilmasingizdan oldin, Egangiz Xudoni ulugʻlang. Aks holda, siz kutayotgan yorugʻlikni U zulmatga aylantiradi, Oʻsha yorugʻlikni tim qorongʻi qiladi.

¹⁷Agar siz gaplarimga quloq solmasangiz, Magʻrurligingiz uchun qalbim pinhon yigʻlaydi. Men achchiq — achchiq koʻz yosh toʻkaman, Axir, Egamizning qoʻylari Asirlikka olib ketiladi.

¹⁸Egamiz menga dedi: “Shohga va ona malikaga[81] shunday degin: «Taxtdan tushinglar, Axir, chiroyli tojingiz Boshingizdan tushib ketdi.»

¹⁹Nagav choʻlidagi shaharlar berkitilgan, Darvozalarni ochadigan kimsa yoʻq. Yahudo xalqi asirlikka olib ketildi, Ha, butun xalq surgun qilindi.”

²⁰Ey Quddus, shimoldan kelayotganlarga bir qara! Qani sening chiroyli qoʻylaring? Qani senga topshirilgan suruving?

²¹Sen ittifoqdoshlaringga oʻzing ustozlik qilgan eding, Egamiz oʻshalarni boshingga chiqarganda, nima der ekansan? Shunda sen toʻlgʻoq tutgan ayolday boʻlib qolasan — ku! Dard azobida qolib ketasan — ku!

²²“Nega bular boshimga tushdi?” dersan. Sen koʻp gunoh qilding, Etaging koʻtarildi, xoʻrlanding.

²³Habashistonlik[82] oʻz terisining rangini oʻzgartira oladimi?! Qoplon oʻz terisidagi xollarini yoʻqota oladimi?! Shu singari, sizlar ham yaxshilik qila olmaysizlar, Yomonlik qilishga odatlanib qolgansizlar!

²⁴Egamiz shunday deb aytmoqda: “Garmsel[83] somonni toʻzgʻitganday, Men sizlarni sochib tashlayman. Bu sizlarning qismatingizdir, Men boshingizga yogʻdiradigan kulfat shudir. Sizlar Meni unutdingizlar, Soxta xudolarga inondingizlar.

²⁶Men koʻylagingiz etagini baland koʻtaraman, Sharmandangizni chiqaraman.

²⁷Dalalarda, qirlarda qilgan Jirkanch ishlaringizni Men koʻrdim, Zino va shahvoniy qiyqiriqlaringizni eshitdim. Uyatsizlarcha qilgan fohishabozligingizning guvohi boʻldim[84]. Ey Quddus, holingga voy! Qachongacha bulgʻanib yurasan?!”