Read Uzbek Muqaddas Kitob Yeremiyo 39 Bible Online

Yeremiyo 39 - Uzbek Muqaddas Kitob bible

Yeremiyo 39

¹Yahudo shohi Zidqiyo hukmronligining toʻqqizinchi yili oʻninchi oyida[230] Bobil shohi Navuxadnazar[231] oʻzining jamiki lashkari bilan Quddusga kelib, shaharni qamal qildi.

²Zidqiyo hukmronligining oʻn birinchi yili toʻrtinchi oyining[232] toʻqqizinchi kunida Bobilliklar Quddus devorini yorib, shaharga kirdilar.

³Shahar qoʻlga olingach, Bobil shohining hamma a’yonlari shaharning Oʻrta darvozasidagi mahkamalarda qoʻmondonlik qarorgohini joylashtirdilar[233]. A’yonlarning orasida Nargal — Sharazar, Samgarnavu, bosh maslahatchi Sarsahim[234] va amaldor Nargal — Sharazar bor edilar.

⁴Yahudo shohi Zidqiyo va uning jamiki lashkari ularni koʻrdilar — u, qochdilar. Ular yarim kechasi shohning bogʻi orqali oʻtib, ikki devor orasidagi darvozadan chiqdilar — da, Iordan vodiysiga[235] qarab ketdilar.

⁵Ammo Bobil[236] sipohlari ularning orqasidan quvib, Yerixo tekisligida Zidqiyoga yetib oldilar. Ular Zidqiyoni qoʻlga olib, Xomat yurtidagi Rivlo shahriga[237] — Bobil shohi Navuxadnazarning huzuriga olib borishdi. Shoh Navuxadnazar Zidqiyoni hukm qildi,

⁶Rivloda Zidqiyoning oʻgʻillarini koʻzi oldida oʻldirdi, soʻng hamma Yahudo a’yonlarini qatl qildi.

⁷Zidqiyoning esa koʻzlarini oʻyib, Bobilga olib ketish uchun kishanladi.

⁸Bobilliklar[238] shoh saroyiga va odamlarning uylariga oʻt qoʻyib, Quddus devorlarini yiqitdilar.

⁹Qoʻriqchilar sardori Nabizaradon shaharda qolgan butun xalqni, Bobil shohi tomonga oʻtgan qochoqlarni Bobilga asir qilib olib ketdi.

¹⁰U Yahudo yurtida hech vaqosi boʻlmagan qashshoq odamlarnigina qoldirdi. Oʻsha odamlarga dala va uzumzorlarni berdi.

¹¹Shoh Navuxadnazar qoʻriqchilar sardori Nabizaradon orqali Yeremiyoga oid quyidagi amrni berdi:

¹²“Yeremiyoni qaramogʻingizga olib, unga yaxshi qaranglar. Aslo zarar yetkazmanglar, sizlardan nima soʻrasa bajaringlar.”

¹³Qoʻriqchilar sardori Nabizaradon, bosh nazoratchi Navushazbon, shoh maslahatchisi Nargal — Sharazar va Bobil shohining hamma bosh amaldorlari odam yuborib, unga:

¹⁴“Yeremiyoni qoʻriqchilar hovlisidan olib kel”, deb buyurdilar. Uni eson — omon uyiga eltib qoʻyish uchun Gadaliyoga topshirdilar. Gadaliyo Oxixamning oʻgʻli, Shofoning nevarasi edi. Shunday qilib, Yeremiyo oʻz xalqining orasida qoldi.

¹⁵Yeremiyo soqchilar hovlisida qamoqda oʻtirganda, unga Egamizning soʻzi ayon boʻlgan edi:

¹⁶“Habashistonlik[239] Obidmalekning[240] oldiga borib, shunday deb ayt: «Isroil xalqining Xudosi — Sarvari Olam aytmoqda: Men aytgan soʻzlarimni bajo qilaman. Bu shaharga yaxshilik emas, yomonlik keltiraman. Sen oʻzing buning guvohi boʻlasan.

¹⁷Lekin oʻsha kuni Men seni qutqarib qolaman, — deb aytmoqda Egamiz. — Oʻzing qoʻrqadigan odamlarning qoʻliga seni bermayman.

¹⁸Seni, albatta, qutqaraman, jangda halok boʻlmaysan. Menga umid bogʻlaganing uchun joning omon boʻladi, — deb aytmoqda Egamiz.»”