Read Uzbek Muqaddas Kitob Yunus 4 Bible Online

Yunus 4 - Uzbek Muqaddas Kitob bible

Yunus 4

¹Bu voqeadan Yunus qattiq xafa boʻlib gʻazablandi.

²U Egamizga ibodat qilib dedi: “Ey Egam! Shunaqa qilishingni oʻz yurtimda ekanimdayoq aytmaganmidim?! Shuning uchun men Tarshishga qochgan edim — da. Sen inoyatli, rahmdil, jahli tez chiqmaydigan, sodiq sevgisi moʻl, gʻazabidan tushib kechiradigan Xudo ekanligingni bilgan edim.

³Endi, iltijo qilaman, Egam, jonimni olib qoʻya qol. Yashaganimdan koʻra, oʻlganim yaxshiroq.”

⁴Egamiz esa: “Nahotki shundan sen xafa boʻlding?!” dedi.

⁵Yunus shahardan chiqib, shaharning sharq tomoniga borib oʻtirdi. Shu yerda chayla yasab, endi shaharga nima boʻlarkin, deb chaylaning soyasida kutib oʻtirdi.

⁶Bir payt, Yunusning boshiga soya boʻlsin, qaygʻusi barham topsin deb, Parvardigor Egamiz bir oʻsimlik oʻstirdi. Oʻsimlik Yunusning tepasida koʻtarildi. Yunus bu oʻsimlik oʻsganidan juda xursand boʻldi.

⁷Keyingi kuni esa tong paytida Xudo bir qurtni yuborgan edi, qurt oʻsimlikni kemirib quritdi.

⁸Quyosh yuqoriga koʻtarilganda, Xudo sharqdan garmsel[11] yubordi. Quyosh Yunusning boshini shunday qizdirdiki, u holdan keta boshladi. Yunus: “Bunaqa yashaganimdan, oʻlganim yaxshiroq”, deb oʻziga oʻlim tiladi[12].

⁹Xudo Yunusga: — Bitta oʻsimlik nobud boʻlganidan jahling chiqdimi? — dedi. — Ha, jahlim chiqdi, oʻlimimga ham rozi boʻldim, — deb javob berdi Yunus.

¹⁰Shunda Egamiz aytdi: — Bu oʻsimlik uchun sen mehnat qilmagansan, ekib — oʻstirmagansan, oʻzi bir kechada oʻsib, bir kechada yoʻq boʻldi. Sen shu oʻsimlik uchun achinganingda,

¹¹Men qudratli Naynavo shahriga[13] achinmasligim kerakmi?! Axir, bu yerda oq — qorani ajrata olmaydigan bolalarning oʻzidan yuz yigirma mingdan ortigʻi va talay hayvonlar yashaydi — ku!