Read Uzbek Muqaddas Kitob Sahroda 1 Bible Online

Sahroda 1 - Uzbek Muqaddas Kitob bible

Sahroda 1

¹Isroil xalqi Misr yurtini tark etib[1], Sinay sahrosiga kelganiga ikki yilu ikki oy boʻldi. Ikkinchi oyning[2] birinchi kunida Egamiz Uchrashuv chodirida Musoga shunday dedi:

²“Sen va Horun jamiki Isroil xalqini urugʻi, xonadoni boʻyicha sanab chiqinglar. Urushga yaroqli boʻlgan yigirma va undan yuqori yoshdagi hamma erkaklarni guruhlarga boʻlib, nomma — nom roʻyxatini tuzinglar.

⁴Har bir qabiladan bittadan urugʻboshi sizlarga yordam bersin.

⁵Sizlarga yordam beradigan urugʻboshilarning ismi quyidagichadir: Ruben qabilasidan — Shaduvor oʻgʻli Elizur.

⁶Shimoʻn qabilasidan — Zurishaday oʻgʻli Shalumiyol.

⁷Yahudo qabilasidan — Ominadav oʻgʻli Naxshoʻn.

⁸Issaxor qabilasidan — Zuvor oʻgʻli Natanil.

⁹Zabulun qabilasidan — Xalon oʻgʻli Eliyob.

¹⁰Yusuf oʻgʻli Efrayim qabilasidan — Omihud oʻgʻli Elishama. Yusuf oʻgʻli Manashe qabilasidan — Padozur oʻgʻli Gamaliyol.

¹¹Benyamin qabilasidan — Gidoʻnax oʻgʻli Avidon.

¹²Dan qabilasidan — Omishaday oʻgʻli Oxazar.

¹³Osher qabilasidan — Oxron oʻgʻli Paxiyol.

¹⁴Gad qabilasidan — Duvel oʻgʻli Eliasaf.

¹⁵Naftali qabilasidan — Enan oʻgʻli Oxir.”

¹⁶Jamoa orasidan tanlangan ana shu urugʻboshilar Isroil qabilalarining yoʻlboshchilari edi.

¹⁷Muso va Horun urugʻboshilar bilan birgalikda ikkinchi oyning[3] birinchi kunida butun jamoani yigʻishdi. Ular Isroil xalqining barcha urugʻlarini va xonadonlarini aniqlab chiqishdi. Soʻng Musoga Egamiz amr etganday, jamoaning yigirma va undan yuqori yoshdagi hamma erkaklarini nomma — nom alohida roʻyxatga olishdi. Shu tariqa Muso Sinay sahrosida Isroil xalqini sanab chiqdi.

²⁰Urugʻi va xonadoni boʻyicha nomma — nom roʻyxatga olingan, yigirma va undan yuqori yoshdagi urushga yaroqli erkaklarning soni[4] quyidagicha edi: Isroilning[5] toʻngʻich oʻgʻli Ruben qabilasidan — 46.500 nafar odam,

²²Shimoʻn qabilasidan — 59.300 nafar odam,

²⁴Gad qabilasidan — 45.650 nafar odam,

²⁶Yahudo qabilasidan — 74.600 nafar odam,

²⁸Issaxor qabilasidan — 54.400 nafar odam,

³⁰Zabulun qabilasidan — 57.400 nafar odam,

³²Yusuf oʻgʻli Efrayim qabilasidan — 40.500 nafar odam,

³⁴Yusuf oʻgʻli Manashe qabilasidan — 32.200 nafar odam,

³⁶Benyamin qabilasidan — 35.400 nafar odam,

³⁸Dan qabilasidan — 62.700 nafar odam,

⁴⁰Osher qabilasidan — 41.500 nafar odam,

⁴²Naftali qabilasidan — 53.400 nafar odam.

⁴⁴Muso, Horun va Isroil xalqining oʻn ikki urugʻboshisi sanab chiqqan odamlar ana shular edilar. Ularning hammasi ota — bobolarining nasli boʻyicha roʻyxatga olindi.

⁴⁵Xullas, Isroil xalqining yigirma va undan yuqori yoshdagi urushga yaroqli hamma erkaklari xonadonlari boʻyicha sanalganda,

⁴⁶603.550 ta chiqdi.

⁴⁷Levi qabilasi esa bu roʻyxatga kiritilmagan edi,

⁴⁸chunki Musoga Egamiz shunday degandi:

⁴⁹“Levi qabilasini roʻyxatga kiritma, ularni Isroil xalqi bilan birga sanama.

⁵⁰Levilarga Muqaddas ahd chodirini[6], uning hamma ashyolarini va Chodirga tegishli boʻlgan barcha narsalarni topshir. Yoʻlga chiqqanlaringizda, levilar Chodirni va undagi hamma ashyolarni koʻtarib yursinlar. Chodirni asrab — avaylab, uning yoniga oʻz chodirlarini tiksinlar.

⁵¹Har safar Muqaddas chodir koʻchirilganda, levilar Chodirni yigʻishsin. Qarorgoh qurganingizda esa Chodirni yana oʻrnatishsin. Chodirning yaqiniga borgan boshqa har qanday odam uchun jazo oʻlimdir.

⁵²Qolgan Isroil qabilalari oʻz qarorgohlarida guruh — guruh boʻlib joylashsin.

⁵³Isroil xalqi Mening qahr — gʻazabimga uchramasligi uchun, levilar oʻz chodirlarini Muqaddas ahd chodiri atrofida oʻrnatib, oʻsha yerda Chodirni qoʻriqlashsin.”

⁵⁴Musoga Egamiz qanday amr etgan boʻlsa, Isroil xalqi shuni qildi.