Read Uzbek Muqaddas Kitob Sahroda 14 Bible Online

Sahroda 14 - Uzbek Muqaddas Kitob bible

Sahroda 14

¹Keyin butun jamoa figʻon chekib, tun boʻyi yigʻi — sigʻi qilib chiqdi.

²Jamiki Isroil xalqi Muso va Horundan mingʻirlab nolib, ularga shunday dedi: — Qaniydi, Misrda oʻlib ketganimizda yoki shu sahroda jon berganimizda edi!

³Agar jangda qirilib ketadigan boʻlsak, nima uchun Egamiz bizni oʻsha yurtga olib boryapti? Bizning xotinu bola — chaqalarimiz dushmanga oʻlja boʻladi — ku! Bundan koʻra, Misrga qaytib ketganimiz yaxshiroq emasmi?!

⁴Shundan soʻng ular oʻzaro: “Oʻzimizga bir yoʻlboshchi tanlaymiz — u, Misrga qaytib ketamiz”, deb kelishib olishdi.

⁵Muso bilan Horun esa butun Isroil jamoasi oldida muk tushishdi.

⁶Yurtni koʻrib kelgan aygʻoqchilarning ikkitasi Nun oʻgʻli Yoshua va Yafunax oʻgʻli Xolib qaygʻudan kiyimlarini yirtishdi.

⁷Ikkovi jamiki Isroil jamoasiga deyishdi: — Biz koʻrib kelgan yurt — juda ham yaxshi joy!

⁸Agar Egamiz bizdan mamnun boʻlsa, U bizni oʻsha yurtga olib kiradi, sut va asal oqib yotgan oʻsha yurtni[76] bizga beradi.

⁹Faqat Egamizga qarshi isyon qilmanglar! U yurtning xalqidan qoʻrqmanglar! Ular biz uchun oson oʻlja boʻlishadi. Ular pushti panohidan ayrilgan, Egamiz esa biz bilan boʻladi. Ulardan qoʻrqmanglar!

¹⁰Lekin butun jamoa: “Yoshua va Xolibni toshboʻron qilamiz!” deb poʻpisa qildi. Shunda Egamiz ulugʻvorligini Uchrashuv chodirida jamiki Isroil xalqiga zohir qildi.

¹¹Egamiz Musoga dedi: — Qachongacha bu xalq Meni xoʻrlaydi?! Ularning orasida qancha moʻjiza koʻrsatgan boʻlsam — u, qachongacha Menga ishonmay yuradi?!

¹²Men oʻlat yuborib bu xalqni qirib tashlayman. Sendan esa ulardan ham kuchliroq va buyukroq bir xalq yarataman.

¹³Ammo Muso Egamizga shunday javob berdi: — Sen bu xalqni Oʻz qudrating bilan Misrliklar orasidan olib chiqqan eding — ku! Agar xalqingni qirib tashlasang, Misrliklar bu haqda eshitishadi.

¹⁴Ular bu yurtda istiqomat qilayotgan xalqlarga ham bu haqda xabar berishadi. Ey Egam, oʻsha xalqlar Sen biz bilan ekaningni bilishadi. Sen biz bilan yuzma — yuz koʻrishganingni, Sening buluting doimo bizning tepamizda turganini, Sen bizni kunduzi ustun shaklidagi bulut ichida, kechasi ustun shaklidagi alanga ichida yoʻlga boshlaganingni ular bilishadi, axir!

¹⁵Bordi — yu, Sen xalqingning hammasini birday qirib tashlasang, Sening ulugʻvorliging haqida eshitgan xalqlar: “Isroil xalqining Egasi qasam ichib va’da bergan yurtga Oʻz xalqini olib kira olmagani uchun ularni sahroda nobud qilib yuboribdi”, deb aytishmaydimi?!

¹⁷Yo Rabbiy, iltijo qilaman, Oʻz matonatingni koʻrsat. Sen Oʻzing aytgansan[77]:

¹⁸“Men, Egangizning jahli tez emas, sodiq sevgim moʻldir. Fosiqlikni, isyonni kechiraman. Lekin aybdorni aslo jazosiz qoldirmayman. Men ularni jazolayman, ularning gunohlari oqibatidan farzandlari, nabiralari va chevaralari ham qochib qutulmaydi.”

¹⁹Oʻtinaman, cheksiz sevging tufayli bu xalqning gunohidan oʻt. Axir, Sen ularni Misrdan chiqqanlaridan beri kechirib kelyapsan.

²⁰— Iltimosingga muvofiq ularni kechiraman, — dedi Musoga Egamiz.

²¹— Lekin Men barhayot Xudo boʻlganim haqi, yer yuzini toʻldirgan ulugʻvorligim haqi, ont ichib aytamanki,

²²bu odamlarning birortasi Men otalariga va’da qilgan yurtga kirmaydi. Ular Mening buyuk qudratimni, Misrda va sahroda qilgan moʻjizalarimni koʻra turib Menga quloq solmadilar, Meni qayta — qayta sinadilar. Meni xoʻrlagan bu odamlar Kan’on yurtini koʻrmaydilar.

²⁴Lekin qulim Xolib bundaylardan emas. U Menga sodiq qoldi. Shuning uchun Men uni oʻzi koʻrib kelgan oʻsha yurtga olib kiraman. Uning nasli yurtni egallaydi.

²⁵Endi esa Omolek va Kan’on xalqlari yashaydigan vodiylarga bora koʻrmanglar. Ertagayoq orqaga qaytinglar, Qizil dengiz[78] yoʻlidagi sahroga boringlar.

²⁶Egamiz Muso bilan Horunga dedi:

²⁷— Qachongacha bu qabih jamoa Mendan noliyveradi?! Men Isroil xalqining mingʻirlab nolishini eshitdim,

²⁸borib ularga Mening bu gapimni ayt: “Barhayot Xudo boʻlganim haqi, ont ichib aytamanki, mingʻirlab noliganlaringizni[79] Men boshingizga solaman. Men, Egangiz, aytdim.

²⁹Jasadlaringiz mana shu sahroda qoladi. Roʻyxatga kirgan yigirma va undan yuqori yoshdagilar — Mendan mingʻirlab noliganlarning hammasi

³⁰Men ont ichib, sizlarga yashash uchun bermoqchi boʻlgan yurtga kirishmaydi. U yurtga faqat Yafunax oʻgʻli Xolib bilan Nun oʻgʻli Yoshua kirishadi.

³¹Sizlar, bolalarimiz u yerda dushmanga oʻlja boʻladi, deb aytdingiz. Ammo Men bolalaringizni oʻsha yerga olib kiraman. Sizlar rad etgan oʻsha yurtdan ular bahra olishadi.

³²Sizlarning jasadlaringiz esa mana shu sahroda qolib ketadi.

³³Bolalaringiz sahroda qirq yil tentirab yuradi. Hammangiz mana shu sahroda nobud boʻlmaguningizcha, bolalaringiz sizning sadoqatsizligingiz uchun azob tortishadi.

³⁴Sizlar oʻsha yurtni qirq kun davomida koʻrib qaytib kelgan edingizlar. Endi gunohingiz uchun qirq yil, har bir kun evaziga bir yildan jazo tortib yurasizlar. Menga qarshi chiqqanlarning holi ne kechishini[80] ana shunda bilasizlar!

³⁵Menga qarshi yigʻilgan mana shu qabih jamoaning hammasini Men shunday ahvolga solamanki, ular mana shu sahroda qirilib, yoʻq boʻlib ketishadi. Buni Men, Egangiz, aytdim.”

³⁶Muso Kan’on yurtiga aygʻoqchi qilib yuborgan oʻnta odam boʻlmagʻur gaplar tarqatib, jamoaning Egamizdan mingʻirlab nolishiga sababchi boʻlgan edi.

³⁷Oʻsha yurt haqida noxush xabar olib kelgan bu odamlar oʻlatga chalinib, Egamizning oldida jon berishdi.

³⁸Aygʻoqchilardan faqat Nun oʻgʻli Yoshua bilan Yafunax oʻgʻli Xolib tirik qoldi.

³⁹Muso jamiki Isroil xalqiga shu gaplarni aytganda, xalq chuqur qaygʻuga botdi.

⁴⁰Ertasiga ular tong saharda turdilar, Kan’ondagi qirlarga tomon joʻnayotib shunday dedilar: — Qani, ketdik, gunoh qilganimizni anglab yetdik. Mana endi Egamiz bizga va’da qilgan oʻsha yurtga kirishga tayyormiz.

⁴¹Lekin Muso: — Nima uchun Egamizning amriga yana itoatsizlik qilyapsizlar? — dedi. — Bu bilan hech narsaga erisholmaysizlar — ku!

⁴²U yerga bormanglar. Egamiz sizlar bilan emas! Dushmanlaringiz oldida magʻlub boʻlasizlar!

⁴³Omolek va Kan’on xalqlari sizlarga qarshilik koʻrsatishadi. Qirilib ketasizlar. Sizlar Egamizdan yuz oʻgirganingiz uchun, U sizlar bilan birga boʻlmaydi.

⁴⁴Biroq Isroil xalqi bilganidan qolmay oʻsha yerdagi qirlarga chiqdi. Egamizning Ahd sandigʻi bilan Muso esa qarorgohda qolishdi.

⁴⁵Oʻsha qirlarda yashaydigan Omolek va Kan’on xalqlari pastga tushib, Isroil xalqiga hujum qilishdi, ularni Xoʻrmaxgacha[81] quvib borishdi.