Read Uzbek Muqaddas Kitob Xaggey 1 Bible Online

Xaggey 1 - Uzbek Muqaddas Kitob bible

Xaggey 1

¹Shoh Doro hukmronligining ikkinchi yili[3] oltinchi oyining[4] birinchi kuni edi. Egamiz Xaggey paygʻambar orqali Yahudo[5] hokimi Shaltiyol oʻgʻli Zarubabelga[6] va oliy ruhoniy Yohuzadax oʻgʻli Yoshuaga quyidagi soʻzlarini ayon qildi:

²Sarvari Olam shunday demoqda: “Bu xalq: «Egamizning uyini qurish vaqti hali kelgani yoʻq», deb aytadi.

⁴Ey Isroil xalqi, Mening uyim vayron boʻlib yotganda[7], sizlar hashamatli uylarda yashashingizning vaqtimi?!”

⁵Mana endi Sarvari Olam demoqda: “Oʻz ahvolingizga qarab, yaxshilab oʻylab koʻringlar — chi!

⁶Koʻp ekib, kam oʻrasiz. Ovqat yeysiz — u, toʻymaysiz. Ichasiz, ammo chanqogʻingiz qonmaydi, ustingizga kiyasiz — u, isinolmaysiz. Kim pul ishlasa, uning puli yirtiq hamyonga tushadi.”

⁷Sarvari Olamning kalomi shudir: “Oʻz ahvolingizga qarab, yaxshilab oʻylab koʻring, axir!

⁸Togʻlarga chiqib, yogʻoch olib tushinglar — da, Mening uyimni quringlar. Men uni koʻrib zavqlanaman, u yerda ulugʻlanaman, — deydi Egamiz. —

⁹Koʻp hosil olishni umid qilgan edingiz, mana kam oldingiz. Uyga olib kelganingizni sochib yubordim. Nima uchun?” Sarvari Olam shunday demoqda: “Mening uyim vayron boʻlib yotgan paytda, sizlar faqat oʻz uyingiz haqida oʻylaganingiz uchun shunday qildim.

¹⁰Sizlarning dastingizdan osmondan shudring tushmadi, yer ham hosil bermadi.

¹¹Men dalalarga, qirli joylarga qurgʻoqchilik[8] keltirib, don, uzum sharbati va zaytun moyini quritdim. Yerdan chiqqan barcha hosilni yoʻq qildim, odamlar va hayvonlarni qiyinchiliklarga duchor qildim. Insonlarning oʻz qoʻllari bilan qilgan mehnatlarini puchga chiqardim.”

¹²Shundan keyin Zarubabel, oliy ruhoniy Yoshua[9] va surgundan qaytib kelgan barcha xalq oʻzlarining Egasi Xudoga itoat qilishdi. Oʻzlarining Egasi Xudo yuborgan Xaggey paygʻambarning soʻzlariga quloq solishdi, chunki ular Egamizdan qoʻrqardi.

¹³Egamizning elchisi Xaggey Uning quyidagi soʻzlarini xalqqa yetkazdi: — Egamizning kalomi shudir: “Men sizlar bilan birgaman.”

¹⁴Yahudo hokimi Zarubabelni, oliy ruhoniy Yoshuani va surgundan qaytib kelgan butun xalqni Egamiz ruhlantirdi. Shunda ular hammalari kelib, oʻzlarining Xudosi, Sarvari Olamning uyini tiklashni boshladilar.

¹⁵Shoh Doro hukmronligining ikkinchi yili oltinchi oyining[10] yigirma toʻrtinchi kunida Ma’badning qayta qurilishi boshlandi.