Read Uzbek Muqaddas Kitob Zakariyo 2 Bible Online

Zakariyo 2 - Uzbek Muqaddas Kitob bible

Zakariyo 2

¹Men yana tepaga qarab, qoʻlida tanobi[15] bor bir kishini koʻrdim.

²Undan: — Qayerga ketyapsiz? — deb soʻradim. U menga: — Quddusni oʻlchashga, eni va uzunligi qancha chiqarkan, shuni bilib kelishga ketyapman, — deb javob berdi.

³Shundan keyin men bilan gaplashgan farishta ketayotgan edi, yana boshqa farishta unga peshvoz chiqib,

⁴shunday dedi: — Yugur, borib oʻsha yigitga[16] ayt: “Egamiz aytmoqda: — Odamlar va mol — qoʻylar koʻpligidan Quddus shahriga sigʻmay qoladi. Ularning koʻplari shahar tashqarisida yashaydi, ammo Men Oʻzim ularning atrofida olov devorday boʻlaman. Oʻzim shahar ichidagi ulugʻvorlik boʻlaman.”

⁶“Qani, turinglar! Shimoldagi yurtdan qochinglar, — demoqda Egamiz. — Men sizlarni yerning toʻrt tarafiga sochib tashlagan boʻlsam ham[17] turinglar, — aytmoqda Egamiz.

⁷— Ey Bobilda yashaydiganlar, Quddusga[18] qochinglar.”

⁸Ey Quddus! Sizlarni talon — taroj qilgan xalqlar oldiga Sarvari Olam meni yubordi. Shu orqali U Oʻz shuhratini namoyon qilmoqchi[19]. U shunday aytmoqda: “Sizlarga tekkanlar xuddi Mening koʻz qorachigʻimga tekkanday boʻladi.

⁹Qarab turinglar, Men Oʻzim ularga qarshi chiqaman. Oʻz qullari ularni talon — taroj qiladilar.” Ha, ana oʻshanda Sarvari Olam meni yuborganligini anglab yetasiz.

¹⁰Egamiz shunday demoqda: “Qoʻshiq kuylab, xursand boʻlgin, ey Quddus xalqi! Men kelib sizlarning orangizda yashayman.

¹¹Oʻsha kuni koʻp xalqlar Menga yuz burib, Mening xalqim qatoriga qoʻshiladilar. Men sizlarning orangizda yashayman.” Ha, ana oʻshanda Sarvari Olam meni yuborganini anglab yetasiz.

¹²Yahudo muqaddas yurtdagi Egamizning mulki boʻladi, Egamiz Quddusni “Oʻz shahrim” deb aytadi.

¹³Ey odamzod, Egamiz oldida sukut saqla. Ana, U muqaddas maskanidan chiqib kelmoqda.