Read Uzbek Muqaddas Kitob Yuhanno 7 Bible Online

Yuhanno 7 - Uzbek Muqaddas Kitob bible

Yuhanno 7

¹Shundan keyin Iso Jalila hududini keza boshladi. U Yahudiyani kezishni xohlamagan edi, chunki u yerdagi yahudiylar Uni oʻldirishga qasd qilgan edilar.

²Yahudiylarning Chayla bayrami[76] yaqinlashayotgan edi.

³Ukalari Isoga shunday deyishdi: — Bu yerdan chiqib Yahudiyaga boring. Qilayotgan ishlaringizni shogirdlaringiz ham koʻrishsin.

⁴El nazariga tushaman degan bironta odam yashirincha ish qilmaydi — ku! Bunday ishlarni qilar ekansiz, Oʻzingizni dunyoga taniting!

⁵Hatto ukalari ham Unga ishonmas edilar.

⁶Iso ukalariga shunday dedi: — Mening vaqt — soatim hali kelgani yoʻq. Lekin sizlar uchun har vaqt qulaydir.

⁷Dunyo sizlardan nafratlana olmaydi, lekin Mendan nafratlanadi. Chunki Men uning qilmishlari yomon ekanligini yuziga solaman.

⁸Mayli, sizlar bayramga boringlar. Men hozircha bu bayramga bormayman, chunki Mening vaqtim hali kelgani yoʻq.

⁹Shu soʻzlarni aytib, Iso Jalilada qoldi.

¹⁰Isoning ukalari bayramga ketganlaridan keyin, Isoning Oʻzi ham hech kimga bildirmay, yashirincha bayramga bordi.

¹¹Yahudiylar esa Isoni bayramda qidirar, “U qayoqda?” deb soʻrar edilar.

¹²Omma orasida Iso toʻgʻrisida har xil gap — soʻzlar yoyilgan edi. Ba’zilar: “U yaxshi odam”, desalar, boshqalar: “Yoʻq, U xalqni yoʻldan ozdiryapti”, deyishardi.

¹³Biroq yahudiylardan qoʻrqqanlari uchun U haqda hech kim ochiq gapirmas edi.

¹⁴Bayramning yarmi oʻtganda, Iso Ma’badga kirib, ta’lim bera boshladi.

¹⁵Uni eshitgan yahudiylar hayron qolib deyishdi: — Bu Odam oʻqimagan boʻlsa, qayerdan shuncha narsani biladi?!

¹⁶Iso ularga javoban dedi: — Men oʻrgatayotgan ta’limot Oʻzimniki emas, balki Meni Yuborgannikidir.

¹⁷Kim Xudoning irodasini bajarishni istasa, bu ta’limot Xudodanmi yoki Oʻzimdanmi, bilib oladi.

¹⁸Kim oʻz nomidan gapirsa, oʻziga shuhrat izlaydi. Kim uni yuborganga shuhrat izlasa, haqiqatni soʻzlaydi, uning dilida hiyla boʻlmaydi.

¹⁹Qonunni sizlarga Muso berdi, shunday emasmi? Ammo birortangiz qonunni bajarmaysiz. Nega Meni oʻldirmoqchisizlar?

²⁰— Seni jin uribdi! Kim Seni oʻldirmoqchi ekan? — dedi xaloyiq.

²¹Iso esa Oʻz soʻzida davom etdi: — Men Shabbat kuni bitta moʻjiza qilganim[77] uchun hammalaringiz hayron qolyapsizlar.

²²Oʻzlaringiz esa, Musoning qonuniga amal qilaylik deb, Shabbat kuni oʻgʻil bolani sunnat qilasizlar — ku! Aslida, sunnat odati[78] Musodan emas, Ibrohim davridan qolgan.

²³Musoning qonuni buzilmasin deb, sizlar hatto Shabbat kuni ham oʻgʻil bolani sunnat qilsangizlar, nega Mendan gʻazablanasizlar?! Shabbat kuni odamni butunlay sogʻaytirganim uchunmi?!

²⁴Yuzaki hukm qilmanglar, hukmingiz adolatli boʻlsin.

²⁵Ba’zi Quddusliklar shunday deyishardi: — Yoʻlboshchilarimiz oʻldirmoqchi boʻlgan Odam shu emasmi?

²⁶Mana, U hammaning oldida soʻzlayapti, Unga qarshi hech kim hech narsa demayapti. Nahotki yoʻlboshchilarimiz Uni Masih deb tan olishgan boʻlsa?!

²⁷Ammo bu Odamning qayerdanligini hammamiz bilamiz, Masih kelganda esa, Uning qayerdanligini hech kim bilmaydi.

²⁸Iso Ma’badda ta’lim berar ekan, baland ovozda shunday dedi: — Ha, sizlar Mening kimligimni ham, qayerdanligimni ham bilasizlar. Lekin Men Oʻzimcha kelganim yoʻq. Meni Yuborgan bor, sizlar esa Uni tanimaysizlar. U haqdir.

²⁹Men Uni bilaman, chunki Men Uning oldidan kelganman, U Meni yuborgan.

³⁰Bu gapi uchun Isoni qoʻlga olmoqchi boʻldilar. Biroq hech kim Unga qoʻl tekkizmadi, chunki Uning vaqt — soati hali kelmagan edi.

³¹Shu bilan birga, xalq orasidagi koʻp odamlar Unga imon keltirdi. Ular: — Masih kelsa ham, baribir bunchalik koʻp moʻjizali alomatlar koʻrsata olmaydi! — deyishardi.

³²Odamlar Iso toʻgʻrisida shunday deb pichirlashayotganini farziylar eshitib qolishdi. Shunda bosh ruhoniylar[79] bilan farziylar Isoni qoʻlga olish uchun Ma’bad mirshablarini[80] yuborishdi.

³³Iso dedi: — Men sizlar bilan qisqa bir muddat boʻlib, yana Meni Yuborganning oldiga qaytib boraman.

³⁴Sizlar Meni izlaysizlar — u, lekin topolmaysizlar. Men boradigan joyga sizlar borolmaysizlar.

³⁵Buni eshitgan yahudiylar oʻzaro shunday deb aytishardi: — U qayerga bormoqchiki, biz Uni topa olmasak? Balki U boshqa yurtlarda yashaydigan yahudiylar orasiga bormoqchidir? Gʻayriyahudiylarga[81] ham ta’lim bermoqchidir?

³⁶“Sizlar Meni izlaysiz — u, lekin topolmaysizlar, Men boradigan joyga sizlar borolmaysizlar” degan gaplari bilan nima aytmoqchi ekan?

³⁷Chayla bayramining oxirgi, ulugʻ kunida Iso turib, baland ovozda xitob qildi: — Kim chanqagan boʻlsa, Mening oldimga kelib ichsin.

³⁸Shunda Muqaddas bitiklarda aytilganidek, Menga ishongan odamning ichidan hayotbaxsh suv daryo boʻlib oqib chiqadi.

³⁹Iso shunday deganda, Muqaddas Ruhni nazarda tutgan edi. Unga ishonganlar Ruhni qabul qilib olishlari kerak edi. Lekin Ruh hanuz berilmagan edi, chunki Iso hali ulugʻlanmagan edi.

⁴⁰Olomon ichidan ba’zilari bu soʻzlarni eshitib shunday dedilar: — Haqiqatan ham bu Odam biz kutgan paygʻambar[82] ekan.

⁴¹Boshqalari: — Bu Masih, — deyishsa, yana boshqalari shunday deyishardi: — Masih Jaliladan kelmaydi — ku!

⁴²Muqaddas bitiklarda, Masih Dovudning urugʻidan kelib chiqadi, U Dovud yashagan Baytlahm qishlogʻida tugʻiladi, deb aytilmaganmi?![83]

⁴³Shu tariqa Iso tufayli xalq ikkiga boʻlindi.

⁴⁴Ba’zilar Uni qoʻlga olmoqchi boʻlishdi, ammo hech kim Unga qoʻl tekkizmadi.

⁴⁵Shu payt Ma’bad mirshablari bosh ruhoniylarning va farziylarning oldiga qaytib kelishdi. — Nega Uni olib kelmadingizlar? — deb soʻrashdi ulardan.

⁴⁶— Hech kim hech qachon bu Odamday gapirmagan, — dedi mirshablar.

⁴⁷— Mabodo U sizlarni ham yoʻldan urmadimi? — deyishdi farziylar.

⁴⁸— Bosh ruhoniylar bilan farziylar orasida Unga ishongan bironta odam ham yoʻq!

⁴⁹Tavrotni bilmagan oʻsha qalangʻi — qasangʻilar esa shundoq ham la’nat ostida qolgan!

⁵⁰Shunda farziylardan biri, ilgari Isoning oldiga borgan Nikodim[84] shunday savol berdi:

⁵¹— Qonunimizga koʻra, nahotki biz odamni eshitmay turib, uning aybini topmasdan uni hukm qila olsak?!

⁵²— Sen ham Jaliladan boʻlsang kerak — a? Muqaddas bitiklarni oʻrganib chiq, Jaliladan paygʻambar chiqmasligi aniq, — deyishdi unga[85].

⁵³Shundan keyin hammalari uy — uylariga tarqalib ketdilar.