Read Uzbek Muqaddas Kitob Havoriylar 2 Bible Online

Havoriylar 2 - Uzbek Muqaddas Kitob bible

Havoriylar 2

¹Hosil bayrami[15] kuni kelganda, hamma imonlilar bir joyda yigʻildilar.

²Birdan osmondan shiddatli shamol esganga oʻxshash ovoz kelib, ular oʻtirgan uyning ichini toʻldirdi.

³Ular til shaklidagi alangani koʻrdilar. Oʻsha alanga yoyilib, har birining ustiga tushdi.

⁴Shunda hammalari Muqaddas Ruhga toʻldilar, Muqaddas Ruh bergan qobiliyatga koʻra, ular boshqa tillarda gapira boshladilar.

⁵Oʻsha paytda Quddusda dunyodagi har bir yurtdan kelgan taqvodor yahudiylar yashar edi.

⁶Ular bu ovozni eshitganlarida, bir talay olomon yigʻilib keldi. Har biri oʻz tilidagi gaplarni eshitib, dovdirab qoldi.

⁷Ular hayrat va hayajon ichida: “Qaranglar, gapirayotgan bu odamlar Jalilaliklar — ku! — deb xitob qildilar. —

⁸Qanday qilib har birimiz tugʻilgan yurtimizning tillarini eshityapmiz?

⁹Oramizda Parfiyadan, Midiya, Elam, Mesopotamiya, Yahudiya, Kappadokiya, Pontus va Asiyadan kelganlar bor.

¹⁰Frigiya, Pamfiliya, Misr, Liviyaning Kirineyaga yaqin yerlaridan kelganlar ham bor. Ba’zilarimiz Rimdan kelganmiz, biz yahudiylarmiz, oramizda yahudiy diniga kirgan[16] Rimliklar ham bor.

¹¹Ba’zilarimiz Krit va Arabistondan kelganmiz. Shunday boʻlsa — da, ular Xudoning qilgan qudratli ishlari toʻgʻrisida bizga oʻz tillarimizda gapirib berayotganini eshitib turibmiz.”

¹²Ular hayratlanib, boshlari qotib, bir — birlaridan: “Bu nimadan darak beradi?” deb soʻrardilar.

¹³Boshqalar esa: “Iye, ular ichib mast boʻlib qolibdilar — ku”, deb masxara qilishardi.

¹⁴Shunda Butrus oʻn bir havoriy bilan oldinga chiqdi — da, olomonga qarata shunday dedi: “Ey yahudiy birodarlar, Quddus aholisi! Gapimga quloq solib, shuni uqib olinglar!

¹⁵Bu odamlarni sizlar mast deb oʻylayapsizlar, ammo unday emas. Axir, endigina ertalab soat toʻqqiz[17] boʻldi — ku!

¹⁶Aksincha, Yoʻel paygʻambarning aytganlari bajo boʻlmoqda:

¹⁷«Xudo aytmoqda: Oxirgi kunlarda[18], Oʻz Ruhimni yogʻdiraman har bir inson ustiga, Vahiylar keladi yigitlaringizga. Bashoratlar qilar sizning oʻgʻil — qizlaringiz. Karomatli tushlar koʻrar qariyalaringiz.

¹⁸Oʻz Ruhimni yogʻdiraman oʻsha kunlarda Hattoki qulu choʻrilaringiz ustiga. Ular bashorat qilarlar.

¹⁹Mening buyuk va dahshatli kunim kelishidan oldin, Men osmonda moʻjizalar yarataman, Yerda alomatlar koʻrsataman: Qon, olov, qalin tuman hosil qilaman. Quyosh qorayadi, oy qon tusiga kiradi.

²⁰

²¹Rabbimizga iltijo qilgan har bir inson qutqariladi.»[19]

²²Ey Isroil xalqi, bu gaplarimni eshitib olinglar: Nosiralik Iso orqali Xudo sizlarning orangizda moʻjizalar va alomatlar koʻrsatdi. Shu yoʻl bilan Isoda ilohiy hokimiyat borligini Xudo tasdiqladi. Buni oʻzlaringiz bilasizlar.

²³Xudo Oʻzining rejasi boʻyicha Isoni sizlarning qoʻlingizga topshirishni azaldan qaror qilgan edi. Sizlar esa gʻayriyahudiylarning qoʻllari bilan Uni xochga mixlatib oʻldirdingizlar.

²⁴Ammo Xudo Uni tiriltirib, oʻlim azoblaridan ozod qildi. Oʻlim oʻz kuchi bilan Isoni ushlab turishga qodir emasdi.

²⁵Dovud U haqda shunday degan edi: «Men doim Egamga koʻz tikaman, U oʻng tomonimda boʻlgani uchun Meni hech narsa qoʻzgʻata olmas.

²⁶Shu bois, ey Egam, yuragim quvonchga toʻla, Tilim ham shod — xurramdir. Tanam umid bilan yashaydi.

²⁷Meni oʻliklar diyorida[20] qoldirmaysan, Taqvodoringni[21] qabrda chiritmaysan.

²⁸Menga hayot soʻqmoqlarini Oʻzing koʻrsatasan, Huzuringda shodlik Meni qamrab oladi.»[22]

²⁹Birodarlarim! Bobomiz Dovud toʻgʻrisida sizlarga ochiq — oydin gapirishim kerak. U oʻldi, dafn qilindi, uning qabri bugungacha shu yerdadir.

³⁰U paygʻambar boʻlgani bois, Xudo unga: «Oʻz naslingdan boʻlgan bittasini taxtingga oʻtqazaman[23]», deb ichgan ontini[24] yodida tutardi.

³¹Dovud kelajakni oldindan koʻrib, Masihning tirilishi toʻgʻrisida gapirgan edi. Xudo Masihni oʻliklar diyorida qoldirmasligi va Masihning tanasi chirimasligi haqida Dovud bashorat qilgandi[25].

³²Ana shu Isoni Xudo tiriltirdi, bunga hammamiz guvohmiz.

³³Xudo Isoni yuksaltirib, Uni taxtining oʻng tomoniga[26] oʻtqazdi. Otasi Xudoning va’dasi boʻyicha Iso Muqaddas Ruhni qabul qilib, Uni bizning ustimizga yogʻdirdi. Buni oʻzlaringiz koʻrib va eshitib turibsizlar.

³⁴Dovud osmonga chiqmagan boʻlsa — da, shunday degan edi: «Egamiz aytmoqda Rabbimga: Dushmanlaringni oyoqlaring ostiga poyandoz qilmagunimcha, Sen Mening oʻng tomonimda oʻtirgin.»[27]

³⁵

³⁶Butun Isroil xalqi shuni aniq bilib qoʻysin: sizlar mixlagan Isoni Xudoning Oʻzi jamiki borliq ustidan hukmdor qildi. Iso ham Masih[28], ham Rabbiydir.”

³⁷Xaloyiq bu gaplarni eshitdi — yu, yuraklari tilka — pora boʻldi. Ular Butrusdan va qolgan havoriylardan: — Birodarlar, endi biz nima qilaylik? — deb soʻradilar.

³⁸Butrus ularga dedi: — Tavba qilinglar, har biringiz Iso Masihning nomi bilan suvga choʻminglar, toki gunohlaringiz kechirilsin. Shunda sizlar Muqaddas Ruhni in’om qilib olasizlar.

³⁹Xudo sizlarga va bolalaringizga, uzoqdagilarga, Egamiz Xudo Oʻziga da’vat etganlarning har biriga va’dasini bergan.

⁴⁰Butrus boshqa koʻp dalillar bilan ularga guvohlik berib: “Oʻzlaringizni bu buzuq nasl ustiga kelayotgan jazodan saqlanglar”, deya oʻtindi.

⁴¹Shunday qilib, Butrusning aytgan xabariga ishonganlar suvga choʻmdirildi. Oʻsha kuni imonlilar soni uch mingtaga koʻpaydi.

⁴²Ular havoriylarning ta’limotini oʻrganishga, birodarlikka, Rabbimiz Isoni xotirlab, non sindirishga[29] va ibodatga oʻzlarini bagʻishladilar.

⁴³Havoriylar orqali Xudo koʻplab moʻjizalar va alomatlar koʻrsatardi, bundan esa hamma hayratga tushgan edi.

⁴⁴Barcha imonlilar tez — tez yigʻilishib turar edilar. Ular hamma narsada hamjihat edilar.

⁴⁵Mol — mulklarini sotib, pulini har kimning ehtiyojiga qarab taqsimlab berardilar.

⁴⁶Imonlilar har kuni Ma’badda yigʻilardilar. Bir — birlarinikiga mehmonga borganda esa Rabbimiz Isoni xotirlash uchun non sindirardilar, soddadillik bilan, yurakdan sevinib ovqatlanishardi.

⁴⁷Xudoga hamdu sanolar aytardilar, xalqning hurmatu e’tiboridan bahramand edilar. Har kuni Egamiz najot topayotganlarni imonlilarning qatoriga qoʻshardi.