Read Uzbek Muqaddas Kitob Rimliklar 2 Bible Online

Rimliklar 2 - Uzbek Muqaddas Kitob bible

Rimliklar 2

¹Ey boshqalarni hukm qilayotgan inson! Sen kim boʻlishingdan qat’iy nazar, boshqalarni hukm qilishga hech haqing yoʻq. Sen boshqa odamni hukm qilib, oʻzingni ham mahkum etasan. Axir, oʻzing ham shu ishlarni qilyapsan — ku!

²Bunday ishlar qilib yurganlarni Xudo mahkum qilishga haqli ekanini bilamiz.

³Ayni shu ishlarni oʻzing qila turib, shunday ishlarni qiluvchilarni hukm etsang, Xudoning hukmidan qochib qutulaman, deb oʻylaysanmi?!

⁴Xudoning cheksiz mehribonligi va sabr — toqatini pisand qilmayotganingni qara. Axir, Uning muruvvati seni tavbaga yetaklashini bilmaysanmi?!

⁵Ammo sen oʻjarlik qilib, gunohlaringdan tavba qilmayapsan. Xudoning adolatli hukmi ayon boʻladigan qahr — gʻazab kunida boshingga tushadigan jazoni yanada koʻpaytiryapsan.

⁶Xudo har kimni qilgan ishiga yarasha taqdirlaydi.

⁷Yaxshi ishda qunt qilib, sharaf, hurmat — ehtirom va mangulikka intilganlarga Xudo abadiy hayot ato qiladi.

⁸Ammo xudbinlik qiladigan, haqiqatni rad etib, adolatsizlikka ergashadiganlar qahr — gʻazabga duchor boʻladi.

⁹Yovuzlik qiladigan har bir inson iztirobda qoladi, uning boshiga falokat tushadi, bu inson yahudiymi, gʻayriyahudiymi — farqi yoʻq.

¹⁰Yaxshilik qiladiganlarga esa — yahudiylarga ham, gʻayriyahudiylarga ham, sharaf, hurmat — ehtirom va tinchlik nasib etadi.

¹¹Zero, Xudo tarafkashlik qilmaydi.

¹²Xudoning qonunini[8] bilmasdan turib gunoh qilganlar, qonunga aloqasiz ravishda hukm qilinadilar. Qonunni bila turib gunoh qilganlar esa qonun boʻyicha hukm qilinadilar.

¹³Axir, qonunni eshitganlar emas, balki qonunga rioya qiladiganlar Xudoning oldida oqlanadilar.

¹⁴Gʻayriyahudiylarda Xudoning qonuni yoʻq. Ammo qonunni bilmay turib, ular tabiiy ravishda qonunning buyurganlarini bajarsalar, oʻzlariga oʻzlari qonundirlar.

¹⁵Bu bilan ular qonunning talablari oʻz yuraklarida yozilganini koʻrsatadilar. Ularning vijdoni ham bunga shahodat beradi, chunki ularning xayollari ularni goh qoralaydi, goh oqlaydi.

¹⁶Xudo insonlarning yashirin oʻy — xayollarini Iso Masih orqali hukm qiladigan kunda bularning hammasi ayon boʻladi. Men keltirgan Xushxabarda ana shular bayon etilgan.

¹⁷Mana, orangizdagilarning ba’zilari: “Men yahudiyman”, deydilar, qonunga[9] suyangan holda, “Xudoga yaqinman”, deb maqtanadilar.

¹⁸Ey yahudiy! Sen Xudoning xohish — irodasini bilish va yaxshini yomondan farq qilishni qonundan oʻrganib olibsan.

¹⁹Xudoning qonunida barcha ilm — ma’rifat va haqiqat mujassam. Senda mana shu qonun borligi uchun sen koʻrlarga yoʻl koʻrsatuvchi, zulmatda qolganlarga nur, gʻofillarga murabbiy, gʻoʻr bolalarga esa muallim ekanligingga ishonching komil.

²¹Shunday ekan, sen qanday qilib boshqalarga ta’lim bera turib, oʻzingga ta’lim bermaysan?!

²²“Oʻgʻrilik qilma”, deb nasihat qilib turib, oʻgʻrilik qilasanmi?! “Zino qilma”, deb turib, oʻzing zino qilasanmi?! “Butlardan jirkanaman”, deb turib, kufrlik qilasanmi?![10]

²³Qonunni bilaman, deb maqtanasan — u, lekin qonunni buzib, Xudoning nomiga dogʻ tushirasanmi?!

²⁴Axir, Muqaddas bitiklarda shunday yozilgan — ku: “Sizlarni deb, xalqlar orasida Xudoning nomi haqorat qilinmoqda.”[11]

²⁵Sunnat[12] masalasiga kelaylik. Agar sen qonunga rioya qiladigan boʻlsang, sunnatning foydasi bor. Ammo qonunni buzsang, sening sunnating sunnatsizlikdan hech farq qilmaydi.

²⁶Xuddi shuningdek, agar sunnat qilinmaganlar qonunga amal qilsalar, ularning sunnatsizligi sunnatday qabul qilinmaydimi?!

²⁷Shunday ekan, sunnatsiz boʻla turib, qonunga amal qiladigan odam seni mahkum qilmaydimi?! Axir, senda Muqaddas bitiklar bor, sen sunnat qilingansan — u, lekin baribir Xudoning qonunini buzasan.

²⁸Yahudiy urf — odatlari bilan yashaydiganlarning hammasi ham asl yahudiy emas. Jismoniy sunnatning oʻzi ham sunnatning asl maqsadini bajarmaydi.

²⁹Asl yahudiylik yurakdan kelib chiqadi. Asl sunnat, ya’ni yurakning sunnati qonunga amal qilishdan kelib chiqmaydi, balki Ruh tomonidan qilinadi. Asl yahudiy insonlarning emas, balki Xudoning maqtoviga sazovor boʻladi.