Read Uzbek Muqaddas Kitob 2 Korinfliklar 6 Bible Online

2 Korinfliklar 6 - Uzbek Muqaddas Kitob bible

2 Korinfliklar 6

¹Xudoning hamkorlari sifatida sizlarga yolvoramiz: Xudoning inoyati hayotingizda samarasiz boʻlmasin.

²Xudo shunday deb aytyapti: “Muruvvat payti kelganda, Men senga quloq solaman. Najot kuni kelganda, Men senga yordam beraman.”[26] Oʻsha muruvvat payti hozirgi paytdir, oʻsha najot kuni bugungi kundir.

³Xizmatimizda birorta ayb topilmasin deb, biz hech kimni zarracha ranjitmaymiz.

⁴Xudoning haqiqiy xizmatkorlari ekanligimizni oʻz harakatlarimiz bilan isbotlayapmiz. Har xil qiyinchiliklaru kulfatlar boshimizga tushganda, tang ahvolda qolganimizda sabr — toqat koʻrsatyapmiz.

⁵Bizni urganlarida, qamoqqa tashlaganlarida, gʻalayonlarda qolganimizda, mashaqqat bilan mehnat qilganimizda, uyqusizlikda va och qolganimizda, hammasiga bardosh berdik.

⁶Poklik, donolik, sabr — toqat bilan yashab, mehribon boʻlib, Muqaddas Ruh bizda maskan qilganini koʻrsatib, samimiy muhabbatimiz bilan Xudoning xizmatkorlari ekanimizni isbotladik.

⁷Biz haqiqatni e’lon qilyapmiz, Xudoning qudratiga tayanib xizmat qilyapmiz. Ham oʻng qoʻlimizda, ham chap qoʻlimizda solihlik qurollarini[27] tutib yuribmiz.

⁸Sharafga erishamizmi yoki isnodga qolamizmi, boshqalar bizni haqorat qiladimi yoki maqtaydimi, har qanday vaziyatda Xudoning xizmatkorlari ekanligimizni koʻrsatyapmiz. Bizni yolgʻonchi, deb aytishadi, ammo biz haqiqatgoʻymiz.

⁹Mashhur emasmiz, ammo bizni bilishadi. Bizni oʻlgan deb hisoblaydilar, ammo mana, tirikmiz. Bizni jazoga tortadilar, ammo oʻlimga mahkum qilmaydilar.

¹⁰Bizni xafa qilyaptilar, ammo doimo xursandmiz. Oʻzimiz kambagʻalmiz — u, koʻp kishilarni boyitamiz. Hech narsamiz yoʻgʻ — u, ammo hamma narsaga egamiz.

¹¹Ey Korinfliklar! Sizlarga bemalol, ochiq — oydin gapirdik. Sizlarga bagʻrimizni keng ochdik.

¹²Biz sizlardan mehr — muhabbatimizni ayamadik, sizlar esa oʻz mehringizni bizdan qizgʻanasiz.

¹³Sizlarga oʻz farzandlarimga gapirayotganday gapiryapman. Biz sizlarga qanday muomala qilsak, sizlar ham bizga shunday muomala qiling: bizga bagʻringizni keng oching.

¹⁴Imonsizlar bilan sherik boʻlmanglar[28]. Solihlik bilan qabihlikning orasida qanday aloqa bor?! Nur bilan zulmat orasida qanday umumiylik boʻlishi mumkin?!

¹⁵Masih bilan shayton[29] orasida qanday ittifoq boʻlishi mumkin?! Imonli bilan imonsizning orasida qanday sheriklik boʻlishi mumkin?!

¹⁶Xudoning ma’badi bilan butlar orasida qanday umumiylik bor?! Axir, biz barhayot Xudoning ma’badimiz — ku! Xudo shunday deb aytgan: “Men ularning orasida yashayman, Ularning orasida yuraman. Men ularning Xudosi boʻlaman, Ular esa Mening xalqim boʻladi.”[30]

¹⁷Binobarin, Egamiz shunday degan: “Xalqlar orasidan chiqinglar, Ulardan ajralib chiqinglar, Haromga qoʻl tekkizmang, Shunda Men sizlarni qabul qilaman.”[31]

¹⁸Qodir Xudo — Egamiz yana shunday deb aytgan: “Men sizlarga ota boʻlaman, Sizlar esa Menga oʻgʻil — qizlar boʻlasizlar.”[32]