Read Uzbek Muqaddas Kitob 2 Korinfliklar 8 Bible Online

2 Korinfliklar 8 - Uzbek Muqaddas Kitob bible

2 Korinfliklar 8

¹Endi birodarlar, Xudoning Makedoniyadagi jamoatlarga[37] koʻrsatgan inoyati haqida sizlarga aytmoqchimiz.

²Ular ogʻir kulfatlarga yoʻliqib, sinalgan boʻlsalar — da, joʻshqin bir sevinchga toʻlib — toshdilar, oʻta kambagʻal boʻlsalar — da, yuraklari saxiylikka boy ekanligini koʻrsatdilar.

³Ular oʻz xohishlari bilan, qoʻllaridan kelgancha, hatto imkonlaridan ortiq xayr — ehson berganlariga men shohidman.

⁴Ular, Xudoning Quddusdagi azizlariga[38] yordam berishda ishtirok etaylik, deb bizdan oʻtinib soʻradilar.

⁵Hatto umid qilganimizdan ham ziyodrogʻini qildilar. Xudoning irodasi boʻyicha ular oʻzlarini avval Rabbimiz Isoga, keyin esa bizga bagʻishladilar.

⁶Titus sizlarning orangizda boshlagan xayrli ishini bitirsin deb, uni ragʻbatlantirdik.

⁷Sizlar imon va ilm — ma’rifatga boy, gapga chechan, notiqlikda mohirsizlar, gʻayratu tirishqoqlikda hech kimdan qolishmaysizlar, biz tufayli qalbingizda uygʻongan mehr — muhabbatingiz[39] cheksizdir. Shunday ekan, bu xayrli ish orqali saxiyligingizning cheksizligini ham koʻrsating.

⁸Men buni sizlarga buyruq tariqasida emas, balki mehr — muhabbatingizning samimiyligini isbot qilishingiz uchun aytyapman. Shuning uchun boshqalarning gʻayratiyu tirishqoqligiga e’tiboringizni qaratyapman.

⁹Axir, oʻzingiz Rabbimiz Iso Masihning koʻrsatgan inoyatini bilasizlar — ku, U boy boʻlsa ham, sizlarni boy qilish uchun kambagʻal boʻldi[40].

¹⁰Yuqorida aytib oʻtilgan xayr — ehsonlar haqida maslahatim quyidagichadir: oʻtgan yili nafaqat oʻsha xayrli ishni qilishni boshladingiz, balki bu ishga qoʻshilish haqida oʻzingiz xohish bildirgan edingiz. Endi oʻz manfaatingiz uchun xayrli ishingizni oxiriga yetkazinglar, qanday niyat bilan boshlagan boʻlsangiz, shunday qilib, qoʻlingizdan kelganicha bitirishga harakat qilinglar.

¹²Agar inson hadya berishni xohlasa, undan yoʻq boʻlgan narsa talab qilinmaydi, balki oʻzida bor narsasini bergani qabul qilinadi.

¹³Boshqalarning hayoti yengillashib, sizlar esa ogʻir ahvolda qolishingizni istamaymiz. Hammaning orasida tenglik boʻlsin.

¹⁴Hozirgi paytda sizlardagi baraka ulardagi yetishmovchiliklarni toʻldirsin, payti kelganda ulardagi baraka sizlardagi yetishmovchiliklarni toʻldiradi, shunday qilib tenglik boʻladi.

¹⁵Muqaddas bitiklarda quyidagicha yozilgan: “Koʻp yigʻib olganlardan hech narsa ortib qolmadi, oz yigʻib olganlar uchun esa yetarli boʻldi.”[41]

¹⁶Xudoga shukur! Men sizlarga qanday gʻamxoʻr boʻlsam, Xudo sizlarga nisbatan shunday gʻamxoʻrlikni Titusning diliga jo qildi.

¹⁷Axir, Titusdan sizlarning oldingizga borishni iltimos qilganimda, u nafaqat rozi boʻldi, balki xohish va ishtiyoq bilan bordi.

¹⁸U bilan birga barcha jamoatlarda Xushxabarning voizi deb maqtalgan birodarni ham yubordik.

¹⁹Xayrli ishda yordam qilib, ular bilan birga Quddusga borsin deb, jamoatlar uni bizga yoʻldosh qilib saylagan edilar[42]. Biz bu ishni Egamizni ulugʻlash uchun hamda oʻzimizning ishtiyoqimizni koʻrsatish uchun qilyapmiz.

²⁰Saxiylik bilan berilgan xayr — ehsonlarni atalgan odamlarga yetkazishda hech qanday ayb ish qilmayapmiz.

²¹Biz nafaqat Egamizning nazarida, balki insonlar oldida ham toʻgʻri ish qilishga harakat qilyapmiz.

²²Titus va va’zxon birodarga qoʻshib, yana bir birodarni ham yuboryapmiz. U biz tomondan koʻp sinalgan va har jihatdan gʻayratli ekanligini koʻrsatgan. Sizlarga nisbatan ishonchi komil boʻlgani uchun uning sizlarga xizmat qilish ishtiyoqi yanada koʻpaygan.

²³Agar Titus haqida kimdir soʻrasa, u mening hamrohim va sizlar uchun xizmat qilayotgan hamkorim ekanligini aytinglar. Haligi ikki birodar esa jamoatlar tomonidan yuborilgan va ular Masihga ulugʻvorlik keltiradilar.

²⁴Shunday qilib, jamoatlar oldida oʻsha birodarlarga boʻlgan mehr — muhabbatingizni koʻrsatib, ularga sizlarni maqtaganimiz bekor emasligini isbotlang.