Read Uzbek Muqaddas Kitob Galatiyaliklar 6 Bible Online

Galatiyaliklar 6 - Uzbek Muqaddas Kitob bible

Galatiyaliklar 6

¹Ey birodarlar, deylik, orangizdan birortasi gunoh qilib qoʻyganini bilib qoldingiz. Sizlar — Ruhning yetakchiligida hayot kechirayotganlar uni muloyimlik bilan toʻgʻri yoʻlga solinglar. Oʻzingizga ehtiyot boʻlinglar, tagʻin oʻzingiz ham vasvasaga yoʻliqib qolmanglar.

²Boshingizga gʻam — tashvish tushganda, bir — biringizni qoʻllab — quvvatlanglar. Shunday qilsangizlar, Masihning amrlarini bajargan boʻlasizlar.

³Axir, biror kishi, garchi oʻzi hech kim boʻlmasa — yu, oʻzini muhim deb hisoblasa, oʻzini oʻzi aldagan boʻladi.

⁴Har kim oʻz ishini tekshirib koʻrsin. Shunda u faqat oʻzidan faxrlansa boʻladi, oʻzini boshqalar bilan solishtirishga hojat boʻlmaydi.

⁵Zotan, har kim oʻz aravasini oʻzi tortishi lozim.

⁶Kalomdan ta’lim oluvchi esa bor — yoʻgʻini ustozi bilan baham koʻrishi kerak.

⁷Oʻzlaringizni aldamanglar! Xudoni laqillatib boʻlmaydi. Inson nima eksa, shuni oʻrib oladi.

⁸Xudbin istaklarini qondirish uchun urugʻ ekkanlar oʻsha xudbin istaklari tufayli halokatni oʻrib oladilar. Ruhni mamnun qilish uchun urugʻ ekkanlar esa Ruhdan abadiy hayot oʻrib oladilar.

⁹Shunday ekan, yaxshilik qilishdan charchamaylik. Agar holdan toyib qolmasak, oʻz vaqtida buning hosilini oʻrib olamiz.

¹⁰Demak, hali fursat bor ekan, hammaga, ayniqsa, Masih xonadoniga tegishli boʻlganlarga yaxshilik qilaveraylik.

¹¹Mana qaranglar, endi sizlarga oʻz qoʻlim bilan[55], qanday yirik harflar bilan yozyapman!

¹²Sizlarni sunnat boʻlishga majbur qilayotganlar sirtdan yaxshi taassurot qoldirmoqchi boʻlyaptilar. Masihning xochi uchun quvgʻinga duchor boʻlmaylik, deya shunday qilyaptilar.

¹³Holbuki, sunnatni tatbiq qilayotganlarning oʻzlari ham qonunga[56] rioya etmaydilar. Ular faqatgina sizlarning sunnat qilinganingiz bilan maqtanishni istaydilar.

¹⁴Men esa Rabbimiz Iso Masihning xochidan boshqa hech narsa bilan maqtanmayman. Oʻsha xoch tufayli bu dunyo men uchun oʻlgan, men esa bu dunyo uchun oʻlganman.

¹⁵Axir, sunnat qilingan yoki qilinmaganlikning hech ahamiyati yoʻq. Muhimi — yangidan yaratilishdir[57].

¹⁶Bu qoidaga koʻra, yashayotganlarning hammasiga, ya’ni Xudoning haqiqiy xalqiga tinchlik va marhamat yor boʻlsin!

¹⁷Endi hech kim menga aziyat keltirmasin. Axir, tanamdagi chandiqlar[58] Isoga tegishli ekanligimni koʻrsatadigan tamgʻalar — ku!

¹⁸Ey birodarlar, Rabbimiz Iso Masihning inoyati sizlarga yor boʻlsin. Omin.