Read Uzbek Muqaddas Kitob 1 Salonikaliklar 5 Bible Online

1 Salonikaliklar 5 - Uzbek Muqaddas Kitob bible

1 Salonikaliklar 5

¹Birodarlar, bular qachon, qaysi payt sodir boʻlishi haqida sizlarga yozishimizning hojati yoʻq.

²Axir, Rabbimiz Iso, kechasi oʻgʻri tushganday, nogahon kelishini oʻzingiz bilasiz — ku!

³Homilador ayolning toʻlgʻoq ogʻriqlari kutilmaganda kelganday, odamlar: “Hamma yoq tinch, osoyishta”, deb yurganlarida, birdaniga boshlariga halokat tushadi. Ular qochib qutula olmaydilar.

⁴Biroq, birodarlar, sizlar zulmatda yurmaysizlarki, bu kun oʻgʻriga oʻxshab, kutilmaganda kelib, sizlarni hayratda qoldirsa!

⁵Sizlar yorugʻlikda yashaysiz, hammangiz kunduz kunga tegishlisiz. Axir, biz zulmatga, tunga tegishli emasmiz.

⁶Shuning uchun boshqalarga oʻxshab uxlab qolmaylik. Biz uygʻoq, hushyor boʻlishimiz kerak.

⁷Chunki uxlaydiganlar kechasi uxlaydi, ichkilikka berilganlar ham kechasi ichadi.

⁸Biz esa kunduz kunga tegishli ekanmiz, kelinglar, imon va sevgi sovutini, boshimizga najot umidi dubulgʻasini kiyib, hushyor turaylik.

⁹Chunki Xudo bizni gʻazabga uchrasin deb emas, balki Rabbimiz Iso Masih orqali najot topishimiz uchun tayinladi.

¹⁰Biz tirik boʻlsak ham, hayotdan koʻz yumsak ham, U bilan birga yashashimiz uchun Rabbimiz Iso biz uchun oʻldi.

¹¹Shuning uchun ham hozir qilayotganingizdek, bundan keyin ham bir — biringizga dalda berib, kuch va gʻayrat bagʻishlang.

¹²Birodarlar, sizlardan oʻtinamiz: orangizda ishlab, Rabbimiz Isoning yoʻlida sizlarga yetakchilik qilayotgan, yoʻl — yoʻriq koʻrsatayotganlarni hurmat qiling.

¹³Qilayotgan ishlari uchun ularni sevib, e’zozlang. Bir — biringiz bilan tinch — totuv yashang.

¹⁴Ey birodarlar, sizlardan oʻtinib soʻraymiz: ishyoqmaslarni ogohlantiring, jur’atsizlarga dalda bering, zaiflarga yordam koʻrsating, hammaga sabr — toqatli boʻling.

¹⁵Hech biringiz yomonlikka yomonlik qaytarmang, balki har doim bir — biringizga va hammaga yaxshilik qilishga intiling.

¹⁶Hamisha xursand boʻlib yuringlar.

¹⁷Tinmay ibodat qilinglar.

¹⁸Har qanday sharoitda ham Xudoga shukur qilinglar, chunki sizlar, ya’ni Iso Masihga imon keltirganlar uchun Xudoning irodasi shudir.

¹⁹Muqaddas Ruhning oʻtini soʻndirmanglar.

²⁰Bashoratlarni kamsitmanglar.

²¹Hammasini tekshirib koʻringlar. Yaxshilikni mahkam tutib,

²²har qanday yomonlikdan qochinglar.

²³Tinchlik manbayi boʻlgan Xudoning Oʻzi sizlarni butunlay poklasin. Rabbimiz Iso Masih kelguncha, butun ruhingiz, joningiz va tanangiz benuqson saqlansin.

²⁴Sizlarni da’vat qilgan Xudo sadoqatlidir, U har doim Oʻz aytganini bajaradi.

²⁵Birodarlar, biz uchun ibodat qiling.

²⁶Hamma birodarlar bilan oʻpishib koʻrishinglar.

²⁷Rabbimiz nomi bilan sizlarga buyuraman, mana shu xatni barcha birodarlarga oʻqib beringlar.

²⁸Rabbimiz Iso Masihning inoyati sizlarga yor boʻlsin[11].