Read Uzbek Muqaddas Kitob Yoshua 19 Bible Online

Yoshua 19 - Uzbek Muqaddas Kitob bible

Yoshua 19

¹Qur’a boʻyicha[160] ikkinchi boʻlib Shimoʻn qabilasi ulush oldi. Shimoʻn qabilasiga ulush qilib berilgan yerlarning atrofi Yahudo qabilasining hududi bilan oʻralgan edi.

²Shimoʻn qabilasiga: Bersheba (ya’ni Sheba)[161], Moʻlodax,

³Xazor — Shuvol, Bala, Ezam,

⁴Eltoʻlad, Batul, Xoʻrmax,

⁵Zixlax, Bayt — Markobot, Xazor — Susa,

⁶Bayt — Laboyoʻt va Shoruxan — hammasi boʻlib oʻn uchta shahar va ularning atrofidagi qishloqlar berildi.

⁷Quyidagi shaharlar ham Shimoʻn qabilasiga tegishli edi: Oyin, Rimmon, Eter va Oshon — toʻrtta shahar va ularning atrofidagi qishloqlar.

⁸Shimoʻn qabilasining hududi yana janubdagi Baalat — Berni, ya’ni Nagav choʻlidagi[162] Ramagacha boʻlgan yerlardagi barcha shaharlarni va ularning atrofidagi qishloqlarni oʻz ichiga olar edi.

⁹Yoshua Yahudo qabilasiga bergan ulush ular uchun keragidan ham ortiq edi. Shuning uchun ularning hududidan bir boʻlagini olib, Shimoʻn qabilasiga ulush qilib berdi.

¹⁰Qur’a boʻyicha uchinchi boʻlib Zabulun qabilasi ulush oldi. Ularga tekkan hududning chegarasi Sorid shahridan boshlanib,

¹¹gʻarb tomonga boradi va Maralo shahridan oʻtadi. Keyin Dabbeshet shahrining yonidan oʻtib, Yoxnayom shahrining sharqidagi soylikkacha yetadi.

¹²Sorid shahrining sharq tomonidan chegara Xisloʻt — Tovur shahrining chegarasigacha choʻziladi. Keyin Dovarat shahrigacha borib, Yofiya shahrigacha davom etadi.

¹³Chegara yana sharq tomonga davom etib, Gat — Xafer va Et — Kozin shaharlarigacha boradi. Keyin chegara Rimmon shahrigacha borib, u yerdan Niyox shahri tomon buriladi[163].

¹⁴Hududning shimoliy chegarasi Xannaton shahridan oʻtib, Yiftox — El soyligida tugaydi.

¹⁵Zabulun qabilasining hududida hammasi boʻlib oʻn ikkita shahar va ularning atrofidagi qishloqlar bor edi. Kattot, Nahalil, Shimron, Yidalo va Baytlahm[164] oʻsha shaharlardan ba’zilari edi.

¹⁶Mana shu shaharlar va ularning atrofidagi qishloqlarning hammasini Zabulun qabilasi ulush qilib oldi.

¹⁷Qur’a boʻyicha toʻrtinchi boʻlib Issaxor qabilasi ulush oldi.

¹⁸Bu qabilaga ulush qilib berilgan yerlarda quyidagi shaharlar bor edi: Yizril, Xasulloʻt, Shunam,

¹⁹Xaforayim, Shiyon, Anaxarat,

²⁰Rabbit, Xishion, Avaz,

²¹Remot, En — Xannim, En — Xaddax, Bayt — Pazez.

²²Shimoldagi bu hududning chegarasi Tovur togʻidan boshlanib, Iordan daryosida tugaydi. Tovur[165], Shaxazimo va Bayt — Shamash[166] shaharlari ham mana shu hududga kirar edi — hammasi boʻlib oʻn oltita shahar va ularning atrofidagi qishloqlar.

²³Mana shu shaharlar va ularning atrofidagi qishloqlarni Issaxor qabilasi ulush qilib oldi.

²⁴Qur’a boʻyicha beshinchi boʻlib Osher qabilasi ulush oldi.

²⁵Ularning hududi quyidagi shaharlarni oʻz ichiga olar edi: Xalkat, Xaliy, Beten, Axshof,

²⁶Alammalek, Emod va Mishol. Hududning janubiy chegarasi Oʻrta yer dengizidan boshlanib, Karmil qirlarining etaklaridagi Shixor — Libnat soyligi boʻylab choʻziladi.

²⁷U yerdan chegara sharq tomonga burilib, Bayt — Doʻgʻon shahrigacha boradi va Yiftox — El vodiysidagi Zabulun qabilasi hududining chegarasi bilan tutashadi. Keyin sharqiy chegara shimol tomonga burilib, Bayt — Emix va Nabiyol shahrigacha boradi. Hududning chegarasi Kavul,

²⁸Abdoʻn[167], Rexob, Xammon, Kanax shaharlaridan oʻtib, Buyuk Sidon shahrigacha yetadi

²⁹va bu yerdan gʻarbga buriladi. Shu yerdan shimoliy chegara boshlanib, Ramaga[168] boradi — da, mustahkam Tir shahrigacha yetadi. Keyin chegara Xoʻsax shahri tomon burilib, Oʻrta yer dengizining oldida tugaydi. Osher qabilasining hududi quyidagi shaharlarni ham oʻz ichiga olar edi: Maxalav, Axsib[169],

³⁰Ummo[170], Ofoq va Rexob — hammasi boʻlib yigirma ikkita shahar va ularning atrofidagi qishloqlar.

³¹Mana shu yerlarning hammasini Osher qabilasi ulush qilib oldi.

³²Qur’a boʻyicha oltinchi boʻlib Naftali qabilasi ulush oldi.

³³Naftali qabilasi hududining janubiy chegarasi Xalef shahridan Zananim shahri yonidagi eman daraxti yonigacha boradi. U yerdan chegara Adamiy — Naxab, Yobnail va Laxum shaharlarigacha davom etib, Iordan daryosida tugaydi.

³⁴Hududning gʻarbiy chegarasi Oznoʻt — Tovur shahridan oʻtib, Huqqoq shahrigacha boradi. Naftali qabilasining hududi janub tomonda Zabulun qabilasining hududi bilan chegaradosh, gʻarb tomonda Osher qabilasining hududi bilan chegaradosh. Sharqiy chegarasi esa Iordan daryosidir[171].

³⁵Naftali qabilasining hududidagi mustahkam shaharlar quyidagilardir: Ziddim, Zer, Xammat, Raxat, Keneret,

³⁶Adamax, Rama[172], Xazor,

³⁷Kedesh, Edrey, En — Xazor,

³⁸Iroʻn, Migdal — El, Xorem, Bayt — Onot va Bayt — Shamash[173] — hammasi boʻlib oʻn toʻqqizta shahar va ularning atrofidagi qishloqlar.

³⁹Naftali qabilasi mana shu yerlarni ulush qilib oldi.

⁴⁰Qur’a boʻyicha yettinchi boʻlib Dan qabilasi ulush oldi.

⁴¹Ularning hududi quyidagi shaharlardan iborat edi: Zorox, Eshtoyoʻl, Ir — Shamash,

⁴²Shalabbin, Oyjavlon, Yitla,

⁴³Eloʻn, Timnax, Exron,

⁴⁴Eltaxa, Gibiton, Baalat,

⁴⁵Yohud, Bani — Baraq, Gat — Rimmon,

⁴⁶Mejarkon, Raxxoʻn va Yaffaning qarshisidagi joylar.

⁴⁷Mana shu shaharlar va ularning atrofidagi qishloqlar Dan qabilasining ulushi edi. Ammo keyinchalik dushmanlar kelib, bu yerlarni bosib oldilar. Shunda Dan qabilasi shimol tomonga borib, Layish[174] shahriga hujum qildi[175]. Ular shaharni qoʻlga kiritib, butun shahar aholisini qirib tashladilar. Oʻzlari esa shu shaharda joylashib, uni oʻz bobosi Dan sharafiga Dan deb atadilar.

⁴⁸

⁴⁹Barcha yerlar Isroil qabilalariga boʻlib berilgandan keyin, Isroil xalqi Yoshuaga ham ulush berdi.

⁵⁰Egamiz Isroil xalqiga, Yoshua xohlagan shaharni unga beringlar, deb amr qilgan edi. Yoshua Efrayim qirlaridagi Timnat — Serax shahrini soʻradi. Isroil xalqi oʻsha shaharni Yoshuaga berdi. Yoshua u shaharni qaytadan qurib, oʻsha yerda joylashdi.

⁵¹Mana shu yerlarning hammasini ruhoniy Elazar[176], Nun oʻgʻli Yoshua va qabilalar boshliqlari Isroil qabilalariga ulush qilib berdilar. Ular bu ishlarni Shiloʻdagi[177] Uchrashuv chodiriga kiraverishda, Egamizning huzurida qur’a tashlab[178] amalga oshirdilar. Xullas, butun yurtni boʻlib olish ham oʻz nihoyasiga yetdi.