Read Uzbek Muqaddas Kitob Yoshua 21 Bible Online

Yoshua 21 - Uzbek Muqaddas Kitob bible

Yoshua 21

¹Levi qabilasi urugʻboshilari kelib, ruhoniy Elazar[183], Nun oʻgʻli Yoshua va Isroil qabilalarining boshliqlari bilan gaplashishdi.

²Isroil xalqi hali ham Kan’on yurtidagi Shiloʻ shahrida[184] edi. Levi qabilasidan kelganlar shunday deyishdi: “Levi qabilasiga yashash uchun shaharlar, qoʻy — mollarini boqish uchun esa shaharlarning atrofidagi yaylovlarni ber, deb Egamiz Musoga amr qilgan edi[185].”

³Isroil xalqi Egamizning oʻsha amri boʻyicha, oʻzlarining yerlaridan Levi qabilasiga ba’zi shaharlarni va ularning atrofidagi yaylovlarni berdi.

⁴Qur’a[186] birinchi boʻlib, Levi qabilasining Qohot[187] urugʻiga tushdi. Qohot urugʻidan boʻlgan Horun[188] nasliga Yahudo, Shimoʻn va Benyamin qabilalariga qarashli oʻn uchta shahar berildi.

⁵Yana qur’a boʻyicha Qohot urugʻining qolgan oilalariga Iordan daryosining gʻarbidagi Manashe qabilasining yarmiga tegishli hududdan, Efrayim va Dan qabilalari hududidan oʻnta shahar berildi.

⁶Qur’a tashlanib, Gershon urugʻidan boʻlganlarga Iordan daryosining sharqidagi Manashe qabilasining yarmiga tegishli Bashandagi hududdan, Issaxor, Osher va Naftali qabilalari hududidan oʻn uchta shahar berildi.

⁷Qur’a boʻyicha Marori urugʻiga Ruben, Gad va Zabulun qabilalarining hududidan oʻn ikkita shahar berildi.

⁸Isroil xalqi Egamizning Musoga bergan amriga koʻra, qur’a tashlab mana shu shaharlarni va ularning yaylovlarini Levi qabilasiga berdi.

⁹Quyida aytib oʻtilgan, Yahudo va Shimoʻn qabilalari hududlaridagi shaharlarni Isroil xalqi qur’a boʻyicha, birinchi boʻlib Horunning nasli boʻlgan Qohot urugʻiga berdi.

¹¹Ularga Yahudo qirlaridagi Xirat — Arba[189], ya’ni Xevron shahri va uning atrofidagi yaylovlar berildi. Arba Onoq avlodining[190] bobokaloni edi.

¹²Ammo Xirat — Arba yonidagi dalalar va atrofidagi qishloqlar Yafunax oʻgʻli Xolibga mulk qilib berilgan edi[191].

¹³Panoh shaharlaridan biri boʻlgan Xevrondan tashqari ruhoniy Horun nasliga yana quyidagi shaharlar va ularning atrofidagi yaylovlar ham berildi: Libna,

¹⁴Yatir, Eshtamoʻva,

¹⁵Xoʻlun, Davir,

¹⁶Oyin, Yutto va Bayt — Shamash — hammasi boʻlib Yahudo va Shimoʻn qabilalarining hududlaridagi mana shu toʻqqizta shahar va ularning atrofidagi yaylovlar.

¹⁷Benyamin qabilasining hududidan esa quyidagi toʻrtta shahar va ularning atrofidagi yaylovlar berildi: Givon, Gebo,

¹⁸Onotoʻt, Elmoʻn.

¹⁹Mana shu oʻn uchta shahar Horun naslidan boʻlgan ruhoniylarga berildi.

²⁰Qohot urugʻining qolgan oilalariga Efrayim qabilasi hududidan quyidagi toʻrtta shahar va ularning atrofidagi yaylovlar ajratib berildi:

²¹Efrayim qirlaridagi panoh shahri boʻlgan Shakam, Gezer,

²²Xivzayim, Bayt — Xoʻron.

²³Dan qabilasining hududidan quyidagi toʻrt shahar va ularning atrofidagi yaylovlar ham ruhoniylarga berildi: Eltaxa, Gibiton,

²⁴Oyjavlon, Gat — Rimmon.

²⁵Iordanning gʻarb tomonidagi Manashe qabilasining yarmiga berilgan hududdan quyidagi ikkita shahar va ularning atrofidagi yaylovlar ruhoniylarga berildi: Tanax, Bilom[192].

²⁶Qohot urugʻining qolgan oilalariga mana shu oʻnta shahar va ularning atrofidagi yaylovlar berildi.

²⁷Iordanning sharqidagi Manashe qabilasining yarmiga berilgan hududdan Levi qabilasining Gershon urugʻiga quyidagi ikki shahar va ularning atrofidagi yaylovlar berildi: Beshtara shahri va Bashandagi panoh shahar Goʻlon.

²⁸Issaxor qabilasining hududidan ularga yana quyidagi toʻrtta shahar va ularning atrofidagi yaylovlar ham berildi: Xishion, Dovarat,

²⁹Yarmut va En — Xannim.

³⁰Osher qabilasining hududidagi quyidagi toʻrtta shahar va ularning atrofidagi yaylovlar ham Gershon urugʻiga berildi: Mishol, Abdoʻn,

³¹Xalkat va Rexob.

³²Ular yana Naftali qabilasi hududidan quyidagi uchta shahar va ularning atrofidagi yaylovlarni ham oldilar: Xammutdoʻr, Kartan va Jaliladagi panoh shahar Kedesh.

³³Gershon urugʻiga mana shu oʻn uchta shahar va ularning atrofidagi yaylovlar berildi.

³⁴Levi qabilasining qolganlariga, ya’ni Marori urugʻiga Zabulun qabilasining hududidan quyidagi toʻrtta shahar va ularning atrofidagi yaylovlar berildi: Yoxnayom, Kartax,

³⁵Dimna, Nahalil.

³⁶Ruben qabilasining hududidan quyidagi toʻrtta shahar va ularning atrofidagi yaylovlar ham Marori urugʻiga berildi: Bazer, Yaxaz[193],

³⁷Kadamoʻt, Mifat.

³⁸Gad qabilasining hududidan esa quyidagi toʻrtta shahar va oʻsha shaharlarning atrofidagi yaylovlar ularga berildi: Giladdagi panoh shahar Ramoʻt, Moxanayim,

³⁹Xashbon, Yazir.

⁴⁰Levi qabilasining Marori urugʻiga mana shu oʻn ikkita shahar berildi.

⁴¹Isroil xalqining yerlaridan Levi qabilasiga hammasi boʻlib qirq sakkizta shahar va ularning atrofidagi yaylovlar berildi.

⁴²Mana shu shaharlarning har birining atrofida yaylovlar bor edi.

⁴³Egamiz Isroil xalqiga butun yurtni berdi. Egamizning Oʻzi Isroil xalqining ota — bobolariga, mana shu yerlarni sizlarga beraman, deb va’da qilgan edi. Isroil xalqi u yerlarni egallab, oʻsha yerlarda joylashdi.

⁴⁴Egamiz ularning ota — bobolariga va’da qilganday, butun yurt boʻylab Isroil xalqiga osoyishtalik berdi. Hech bir dushman ularga bas kela olmadi, chunki Egamizning Oʻzi Isroil xalqiga dushmanlarining ustidan gʻalaba bergan edi.

⁴⁵Egamiz Isroil xalqiga bergan ezgu va’dalarning hammasi roʻyobga chiqdi, birortasi ham bajarilmay qolmadi.