Read Uzbek Muqaddas Kitob 1 Timo‘tiy 2 Bible Online

1 Timo‘tiy 2 - Uzbek Muqaddas Kitob bible

1 Timo‘tiy 2

¹Avvalambor, nasihatim shuki, butun insoniyat uchun iltijo qilinglar, toat — ibodatda boʻlib, duolar oʻqinglar, shukronalar aytinglar.

²Taqvodor, obroʻ — e’tiborli, osoyishta, sokin hayot kechirishimiz uchun, hukmdorlaru boshliqlar uchun ibodat qilinglar.

³Bu xayrli ish boʻlib, najotkorimiz Xudoga maqbuldir.

⁴U hamma insonlarning najot topishlarini va haqiqatni bilib olishlarini istaydi.

⁵Zero, hammamizga ma’lumki, Xudo yagonadir, Xudo bilan insonlar orasidagi Vositachi ham yagonadir. Bu Vositachi Iso Masihdir. U Oʻzi inson edi

⁶Va butun insoniyatni qutqarish uchun Oʻz jonini fido qildi. Shu orqali Xudo Oʻzi belgilagan paytda najot rejasini ayon etdi.

⁷Men najot haqidagi bu xabarni e’lon qiluvchi havoriy etib tayinlandim. Toʻgʻrisini aytyapman[8], yolgʻon gapirayotganim yoʻq! Haqiqatan ham, men turli xalqlarga imon va haqiqatni oʻrgatish uchun yuborilganman.

⁸Erkaklar[9] hamma joyda qoʻllarini duoga ochib, chin qalbdan ibodat qilsinlar. Ular gʻazab va nizodan yiroq boʻlsinlar.

⁹Xotinlar soddagina, did bilan kiyinsinlar. Ular sochiga ortiqcha oro bermay, oltin va marvarid taqinchoqlar yoki qimmatbaho kiyimlar bilan emas, balki or — nomus bilan bezansinlar.

¹⁰Xudojoʻy xotinlarga munosib xayrli ishlar bilan oʻzlariga zeb bersinlar.

¹¹Ta’lim berilayotganda, xotinlar sukut saqlasin, muallimning gapini ikki qilmasin[10].

¹²Xotin erkakka ta’lim berishiga[11] va uning ustidan oʻz hukmini oʻtkazishiga ruxsat bermayman. Xotin sokin tabiatli boʻlsin.

¹³Axir, oldin Momo Havo emas, balki Odam Ato[12] yaratilgan — ku.

¹⁴Odam Ato emas, xotin shaytonga aldanib, gunoh qildi.

¹⁵Oʻshandan buyon, xotinlar tuqqanda la’nat tufayli[13] dardu azob chekadigan boʻldilar. Biroq shunga qaramay, agar ular kamtaru bama’ni boʻlishsa, Masihga boʻlgan imonda sobit qolib, mehr — oqibatli boʻlib, taqvodor hayot kechirishsa, najot topadilar.