Read Uzbek Muqaddas Kitob Yoqub 2 Bible Online

Yoqub 2 - Uzbek Muqaddas Kitob bible

Yoqub 2

¹Ey birodarlarim, ulugʻvor Rabbimiz Iso Masihga ishonar ekansiz, yuz — xotirchilik qilmanglar.

²Sizlarning yigʻilishingizga oltin uzuk taqqan, bashang kiyingan bir boy bilan ust — boshi juldur bir gadoy kirdi deb faraz qilaylik.

³Agar sizlar bashang kiyinganga qarab: “Marhamat qilib toʻrga chiqing”, gadoyga esa: “Sen ostonada tur” yoki “Shu yerda, poygakda oʻtir”, desangiz,

⁴sizlar bir odamni boshqasidan ustun qoʻygan boʻlmaysizlarmi?! Bu bilan sizlar yomon niyatli qozilarga oʻxshab qolasizlar — ku!

⁵Ey aziz birodarlarim, quloq solinglar: Xudo bu dunyodagi kambagʻallarni imonda boy qilish uchun tanladi! U Oʻzini sevganlarga va’da qilganday, ularga Oʻz Shohligini meros qilib berdi.

⁶Ammo sizlar — chi, kambagʻalni beobroʻ qilib tashladingiz! Sizlarga jabr — zulm qilgan boylar emasmi?! Sizlarni mahkamalarga sudrab olib borgan ular emasmi?!

⁷Sizlar Rabbimiz Isoga tegishlisizlar. Ammo bu boylar Rabbimizning ezgu nomini haqorat qilyaptilar!

⁸Agar sizlar Muqaddas bitiklardagi: “Oʻzgani oʻzingizni sevganday seving”[7] degan Xudoning Shohligiga oid qonunga amal qilayotgan boʻlsangiz, toʻgʻri qilayotgan boʻlasizlar.

⁹Biroq yuz — xotirchilik qilayotgan boʻlsangiz, gunoh qilyapsiz va qonunbuzar sifatida hukm qilinasiz.

¹⁰Kimki qonunning hammasiga rioya qilsa — yu, faqat bir narsada gunoh qilsa, u butun qonunni buzgan hisoblanadi.

¹¹Chunki “Zino qilmang” degan Xudo “Qotillik qilmang”[8] deb ham aytgan. Agar siz zino qilmasangiz — u, ammo odam oʻldirsangiz, qonunni buzgan boʻlasiz.

¹²Shuning uchun har bir gapingiz va ishingiz Xudoning ozodlik beruvchi qonuniga[9] muvofiq boʻlsin. Zero, Xudo har bir odamni oʻsha qonun boʻyicha hukm qiladi.

¹³U shafqatsiz odamga rahm qilmaydi. Rahmdil inson esa hukm paytida Xudodan shafqat topadi.

¹⁴Ey birodarlarim, agar biror kishi imonim bor, desa — yu, xayrli ishlar qilmasa, nima foydasi bor?! Bunday imon uni qutqararmidi?!

¹⁵Faraz qiling, imonli birodaringiz och — yalangʻoch boʻlsa — yu,

¹⁶siz unga: “Yaxshi bor! Isinib, qorningni toʻydirib yur”, desangiz — u, ehtiyojini qondirmasangiz, bundan nima foyda?!

¹⁷Shunga oʻxshab quruq imonning oʻzi amalsiz oʻlikdir.

¹⁸Kimdir: — Ba’zilarning xayrli ishlari, boshqalarning esa imoni bor — ku, — deb noroziligini bildirishi mumkin. Unday odamga men shunday javob bergan boʻlardim: — Kel, senga imonimni xayrli ishlarim orqali koʻrsatay. Sen esa imoning samimiyligini qaysi dalil bilan isbotlay olasan? Axir, sen xayrli ishlar qilmaysan — ku!

¹⁹U odam: — Men Xudoning yagonaligiga ishonaman! — deb aytishi aniq. Men esa unga: — Ishonib, yaxshi qilasan! — deyman. — Ammo sening bu ishonching jinlarning ishonchidan aslo farq qilmaydi. Zero, jinlar ham Xudoning yagonaligiga ishonib, dahshatdan titraydi.

²⁰Ey ahmoq, amalsiz imoning foydasiz ekanligini nahotki tushunmasang?!

²¹Otamiz Ibrohim[10] oʻz oʻgʻli Is’hoqni qurbon qilmoqchi boʻlgani uchun Xudo uni solih deb bildi!

²²Ana, koʻrdingmi?! Ibrohimning bu ishiga imon asos boʻldi. Uning qilgan ishi imonining chinligini koʻrsatdi.

²³Shu tariqa Tavrotdagi: “Ibrohim Xudoga ishondi, Xudo uni ishonchi uchun, solih deb bildi”[11], — deya yozilgan soʻz amalga oshdi. Ibrohim Xudoning doʻsti deb ataldi[12].

²⁴Ey birodarlarim, koʻrdingizmi, inson quruq imoni uchun emas, balki qilgan ishlari uchun solih deb tan olinadi.

²⁵Fohisha Rahoba[13] ham buning yana bir misolidir. Nima uchun Xudo uni solih deb tan oldi? Rahoba Isroil xalqining aygʻoqchilarini uyiga kirgizib, bexatar yoʻl bilan qochib ketishlariga yordam bergani uchun Xudo uni solih deb bildi.

²⁶Xullas, amalsiz imon jonsiz tanaday oʻlikdir.