Read Uzbek Muqaddas Kitob Vahiy 10 Bible Online

Vahiy 10 - Uzbek Muqaddas Kitob bible

Vahiy 10

¹Men samodan tushayotgan boshqa kuchli bir farishtani koʻrdim. U bulutga burkangan edi. Uning boshi uzra kamalak bor edi. Yuzi quyoshday porlar, oyoqlari olov ustunlariday lovullab turar edi.

²Uning qoʻlida kichkinagina ochilgan oʻrama qogʻoz[53] bor edi. U oʻng oyogʻini dengiz ustiga, chap oyogʻini yer yuziga qoʻyganicha,

³sher oʻkirganday qattiq hayqirdi. U hayqirganda yetti momaqaldiroq ham tilga kirib, gulduros ovoz bilan gapira boshladi.

⁴Yetti momaqaldiroq gapirganda, men ularning gaplarini yozmoqchi boʻldim. Lekin samodan bir ovoz shunday dedi: — Yetti momaqaldiroqning gaplarini yozma, ularni sir saqla!

⁵Dengiz va yer yuzida turgan, men koʻrgan farishta oʻng qoʻlini osmonga koʻtardi.

⁶U to abad barhayot Xudo haqi ont ichdi. Yeru osmonni, dengiz va ularni toʻldirgan jamiki jonivorlarni yaratgan Xudo haqi ont ichib, shunday dedi: — Xudo paygʻambar qullariga Oʻzining sir tutgan rejasini ma’lum qilgandi. Yettinchi farishta karnay chalganda, Xudo oʻsha rejasini amalga oshiradi. Endi kechiktirmaydi.

⁸Samodan kelgan ovoz menga yana dedi: — Bor, dengiz va yer ustida turgan farishtaning qoʻlidan ochiq oʻrama qogʻozni ol.

⁹Men farishtaning yoniga borib: — Oʻrama qogʻozni menga bering, — dedim. Farishta menga dedi: — Mana, ol! Uni yegin! U ichingni achitib yuboradi, ogʻzingga esa asalday shirin ta’m beradi.

¹⁰Men oʻrama qogʻozni farishtaning qoʻlidan olib yedim. U ogʻzimda asaldek shirin edi. Ammo uni yutganimdan keyin ichim achishib ketdi.

¹¹Soʻng menga shunday deb aytishdi: — Sen yana koʻp elatlar haqida, xalqlar, millatlaru shohlar haqida bashorat qilishing kerak.