Read Uzbek Muqaddas Kitob Vahiy 20 Bible Online

Vahiy 20 - Uzbek Muqaddas Kitob bible

Vahiy 20

¹Men samodan tushayotgan bir farishtani koʻrdim. Uning qoʻlida tubsiz chuqurlikning kaliti va katta zanjir bor edi.

²Farishta ajdarhoni tutib oldi. Iblis va shayton deb atalgan bu almisoq ilonni u ming yil muddatga kishanlab qoʻydi.

³Yana xalqlarni aldamasin deb, uni tubsiz chuqurlikka tashlab, qamab qoʻydi. Ming yil tamom boʻlgunga qadar kiraverishni muhrladi. Ming yil oʻtgandan keyin uni qisqa bir muddatga ozod qilishi kerak edi.

⁴Bundan soʻng, men taxtlarni va taxtlarda oʻtirganlarni koʻrdim. Xudo taxtlarda oʻtirganlarni oqlagan edi[93]. Ular Iso haqidagi shahodati va Xudoning soʻzi tufayli boshi olinganlarning jonlari edi. Ular maxluqqa va uning tasviriga sajda qilmaganlar, peshanalari va qoʻllariga uning tamgʻasini bostirmaganlar. Ular tirilib, Masih bilan ming yil hukmronlik qildilar.

⁵Bu birinchi tirilishdir. Birinchi tirilishda ishtirok etganlar baxtli va muqaddasdir. Ikkinchi oʻlim[94] ularga hokim emas. Ular Xudoning va Masihning ruhoniylari boʻlib, U bilan ming yil davomida hukmronlik qiladilar. Qolgan oʻliklar esa ming yil oʻtmaguncha tirilmadi.

⁷Ming yil oʻtgach, shayton oʻz zindonidan ozod etiladi. U chiqib, yerning toʻrt burchagidagi xalqlarni, ya’ni Goʻg va Magoʻgni[95] aldab, jangga toʻplaydi. Toʻplangan xalqlarning soni dengiz qumiday son — sanoqsiz boʻladi.

⁸Ular butun yer yuzini qoplab oladilar, Xudo azizlarining qarorgohini va Xudo yaxshi koʻradigan shaharni[96] qamal qiladilar.

⁹Shunda osmondan olov tushib, ularni qirib tashlaydi.

¹⁰Ularni aldagan iblis oltingugurtli koʻlga tashlanadi. Maxluq va soxta paygʻambar[97] ham oʻsha koʻlga tashlangan edilar. Ular kechayu kunduz, abadulabad u yerda azob chekadilar.

¹¹Keyin men ulkan bir oq taxtni va taxtda oʻtirgan Zotni koʻrdim. Uning huzuridan yeru osmon qochar edi, biroq ularga yashiringani joy topilmadi.

¹²Men oʻsha ulkan taxt oldida turgan kattayu kichik oʻliklarni koʻrdim. Kitoblar ochildi. Hayot kitobi[98] degan boshqa bir kitob ham ochildi. Oʻliklar kitoblarda yozilgani boʻyicha qilmishlariga yarasha hukm etildi.

¹³Dengiz oʻzidagi oʻliklarni berdi, oʻlim ham, oʻliklar diyori[99] ham oʻzlaridagi oʻliklarni berdi. Har bir kishi qilmishiga yarasha hukm etildi.

¹⁴Oʻlim va oʻliklar diyori olov koʻliga tashlandi. Mana bu olov koʻli ikkinchi oʻlimdir[100].

¹⁵Ismlari hayot kitobida yozilmaganlarning hammasi olov koʻliga tashlandi.