Read Uzbek Muqaddas Kitob Rut 1 Bible Online

Rut 1 - Uzbek Muqaddas Kitob bible

Rut 1

¹Isroilda hakamlar[2] hukmronligi davrida bir muddat ocharchilik boʻlgan edi. Bir odam xotini va ikki oʻgʻli bilan birga birmuncha vaqt yashash niyatida Moʻab yurtiga[3] joʻnadi. U Yahudoning Baytlahm shahridan[4] edi.

²U odamning nomi Elimalek, xotinining oti Naima, oʻgʻillarining ismlari esa Maxloʻn va Xilyon edi. Bu oila Yahudoning Baytlahm shahridan — Efratlik[5] edi. Ular Moʻab yurtiga borib, oʻsha yerda yashab qoldi.

³Ular oʻsha yerda yashayotganlarida, Elimalekning ajali yetdi. Naima ikki oʻgʻli bilan qoldi.

⁴Uning oʻgʻillari Moʻablik qizlarga uylandilar. Qizlardan birining ismi Oʻrpa, ikkinchisiniki Rut[6] edi. Ular oʻsha yerda oʻn yilcha yashashgandan keyin

⁵Maxloʻn va Xilyon ikkalasi ham vafot etishdi. Naima ham eridan, ham farzandlaridan ayrilib, yolgʻiz qoldi.

⁶“Egamiz Oʻz xalqiga e’tibor berib, ularga non berdi” degan xabarni eshitgach, Naima oʻz yurtiga qaytishga qaror qildi. Naima yashab kelgan Moʻab yurtini tashlab, kelinlari bilan birga yoʻlga tushdi va Yahudoga qarab yurishdi.

⁸Yoʻlda davom etisharkan, Naima ikkala keliniga dedi: — Boringlar, ikkovingiz ham onalaringizning uylariga qaytinglar. Menga va marhumlarga boʻlgan izzat — hurmatingiz uchun Egam sizlarga ham marhamat qilsin.

⁹Ikkovlaringizga ham yaxshi joylardan ato qilsin, turmush qurib, oʻz erlaringiz bilan baxtli boʻlinglar! Shunday deb Naima kelinlarini oʻpdi, ikkalasi esa yigʻlab faryod koʻtarishdi:

¹⁰— Yoʻq, biz siz bilan ketamiz, sizning xalqingiz orasida yashaymiz, — deyishdi.

¹¹Naima esa yana kelinlariga: — Qaytinglar, jon qizlarim! — dedi. — Men bilan ketganingizdan nima foyda?! Qornimda yana oʻgʻillarim bormidiki, sizlarga umr yoʻldoshi boʻlsa?![7]

¹²Boʻldi endi, qizlarim, qaytinglar! Men endi keksaydim, erga tegishga ojizman. Bordi — yu, men, hali umid qilsam boʻladi, deb shu kecha erim bilan qovushsam — u, oʻgʻillar tugʻsam,

¹³ular ulgʻayguncha sizlar kutib turarmidingiz?! Orqaga choʻzib, turmushga chiqmay yurarmidingizlar?! Yoʻq, qizlarim. Sizlarni oʻylab juda qaygʻuryapman. Axir, Egam shuncha koʻrgilikni boshimga soldi — ku.

¹⁴Ular yana yigʻlab, dod — voy koʻtarishdi. Nihoyat, Oʻrpa qaynanasi bilan oʻpishib xayrlashib, orqaga qaytib ketdi. Rut esa Naimaga yopishib oldi.

¹⁵Naima Rutga: — Mana, ovsining oʻz xalqi orasiga, oʻz xudolariga[8] sigʻinadigan yurtga qaytib ketdi. Sen ham uning orqasidan borgin, — dedi.

¹⁶— Sizdan ajralishga, qaytib ketishga meni majbur qilmang, — dedi Rut. — Siz qayerga borsangiz, men ham oʻsha yerga boraman, siz qayerda boʻlsangiz, men ham oʻsha yerda boʻlaman. Sizning xalqingizni oʻzimning xalqim, sizning Xudoyingizni oʻzimning Xudoyim deyman.

¹⁷Siz qayerda olamdan oʻtsangiz, men ham oʻsha yerda jon berib, dafn qilinaman. Egam meni ne koʻyga solsa solsin, hatto undan battarrogʻini qilsin. Meni sizdan faqat oʻlim ajrata oladi[9].

¹⁸Naima amin boʻldiki, kelini u bilan ketishga qat’iy ahd qilibdi. Shundan soʻng uni koʻndirishga qayta urinmadi.

¹⁹Ikkovlari yoʻl yurib Baytlahmga yetib kelishdi. Baytlahmga yetib kelganlarida, ularni koʻrib butun shahar gʻimirlab qoldi. Ayollar bir — biriga: “Iyi, nahotki bu oʻsha Naima boʻlsa?!” deb hayron qolishdi.

²⁰Naima ularga dedi: — Endi meni Naima[10] emas, Musibat[11] denglar. Chunki Qodir Xudo boshimga cheksiz qaygʻu — kulfat soldi.

²¹Men bu yerdan toʻkis boʻlib chiqib ketgan edim, Egam esa qup — quruq qaytardi. Endi nega meni Naima deysizlar?! Axir, Egam — Qodir Xudo meni azob — uqubatlarga giriftor qilib, baxtsiz qildi — ku!

²²Shunday qilib, Naima Moʻablik kelini Rut bilan birga Moʻab yurtidan qaytib keldi. Ular Baytlahmga kelgan paytda arpa oʻrimi boshlangan edi[12].