Read Vaiphei THILSIAM THU 5 Bible Online

THILSIAM THU 5 - Vaiphei bible

THILSIAM THU 5

¹Zia hi Adam suante khangthu chuanna lekhabu chu ahi: Pathian in mihing a siam ni khan Pathian tawh kipua in a la siam ah.

²Amau chu pawsal leh numei in a la siam ah, a maljawl ah, a siam ni ma ma khan a min ding un Mihing a la sak tai.

³Adam chu kum za leh sawmthum ahi in, ama mêlpu chapa a hun nei ta’n, a min in Seth a sak a.

⁴Seth a nei nung in Adam chu kum za giat a dam nalai ah; chapa leh chanu dang dang le a nei nalai hi.

⁵Adam dam sung chu kum za kua leh sawmthum ahi’n, tichun, a thi tai.

⁶Chun, Seth chu kum za leh panga ahi in chapa pakhat Enosh a hing a.

⁷Enosh a nei nung in Seth chu kum za giat leh pasagi a dam nalai ah, chapa leh chanu dang dang le a nei nalai hi.

⁸Seth dam sung chu kum za kua sawm leh ni ahi’n, tichun, a thi tai.

⁹Chun, Enosh chu kum sawmkua ahi in chapa pakhat Kenan a hing a.

¹⁰Kenan a neinung in Enosh chu kum za giat sawm leh nga a dam nalai ah, chapa leh chanu dang dang le a nei nalai hi.

¹¹Enosh dam sung chu kum za kua leh panga ahi’n, tichun, a thi tai.

¹²Chun, Kenan chu kum sawmsagi ahi in chapa pakhat Mahalalel a hing a.

¹³Mahalalel a neizaw in Kenan chu kum za giat leh sawmli a dam nalai ah, chapa leh chanu dang dang le a nei nalai hi.

¹⁴Kenan dam sung chu kum za kua leh sawmkhat ahi’n, tichun, a thi tai.

¹⁵Chun, Mahalalel chu kum sawmguk leh nga ahi in chapa pakhat Jared a hing a.

¹⁶Jared a nei nung in Mahalalel chu kum za giat leh sawmthum a dam nalai in, chapa leh chanu dang dang le a nei nalai hi.

¹⁷Mahalalel dam sung chu kum za giat sawmkua leh nga ahi’n, tichun, a thi tai.

¹⁸Chun, Jared chu kum za sawmguk leh ni ahi in chapa pakhat Enok a hing a.

¹⁹Enok a nei nung in Jared chu kum za giat a dam nalai in, chapa leh chanu dang dang le a nei nalai hi.

²⁰Jared dam sung chu kum za kua sawmguk leh ni ahi’n, tichun, a thi tai.

²¹Chun, Enok chu kum sawmguk leh nga ahi in chapa pakhat Mathuselah a hing a.

²²Mathuselah a nei nung in Enok chu kum za thum sung Pathian tawh a kivop zing nalai un; chun, chapa leh chanu dang dang le a nei nalai hi.

²³Enok dam sung chu kum za thum sawmguk leh nga ahi;

²⁴Enok chu Pathian tawh a kivop zing nalai un; chun, ama chu Pathian in a lâkmang tâk ziakin, a um ta puai.

²⁵Chun, Mathuselah chu kum za khat sawmgiat leh sagi ahi in chapa pakhat Lamek a hing a.

²⁶Lamek a nei nung in Mathuselah chu kum za sagi sawmgiat leh ni a dam nalai in, chapa leh chanu dang dang le a nei nalai hi.

²⁷Mathuselah dam sung chu kum za kua sawmguk leh kua ahi’n, tichun, a thi tai.

²⁸Chun, Lamek chu kum za sawmgiat leh ni ahi in chapa pakhat a hing a.

²⁹Zia ngei hi LALPA’n lei chung a hânsia law ziak ah I nasepnau leh khut ah I sepgimnau ah hin ei thamuan ta’n ah, ti’n a min dingin Noah a sak tai.

³⁰Noah a nei nung in Lamek chu kum za nga sawmkua leh nga a dam nalai in, chapa leh chanu dang dang le a nei nalai hi.

³¹Lamek dam sung chu kum za sagi sawmsagi leh sagi ahi’n, tichun, a thi tai.

³²Noah chu kum za nga ahi’nung in, chapa Shem, Ham leh Japheth te hi a hun hing tai.