Read Vaiphei 1 KHANGTHU 18 Bible Online

1 KHANGTHU 18 - Vaiphei bible

1 KHANGTHU 18

¹Ziazaw chun, David in Philistinte chu a vado ah, a zo ta’n; Philistinte ah kipat in Gath khawpi leh a khawpelte chu a lâkpiak tai.

²Chuleh, Moabte a vado ah, a zaw phatin Moabte chu David nuai ah um in leiman a pia tau hi.

³Chun, David in Euphrates luipi gei ah gamgi suang phu ding ah a kuan lai in, Zobah gam ah lengpa Hadadezer chu Hamath khua’n a nuaisia malam hi.

⁴David in sakol kângtalai sangkhat, sakol chungchuang mi sang sagi tawh, keng sepai sîng ni le a lâkpiak ah. David in sakol kângtalai kai lak ah za khat chu hawi in, a dang cheng chu a zapi gui uh a sat tan a,

⁵Zobah khua lengpa Hadadezer panpi ding ah Damaska khua Aram mi hung kuante chu David in Aram mi ngen sîng ni leh sang ni a that hi.

⁶Ziaphatchun, David in Damaska khua chun Aram mite veng ding sepai hon a koi ah; tichun, Aram mite chun leiman pia’n, David thunuai in a um tau hi. LALPA chun a chiana lam lam in David chu zaw’na a pia pek tai.

⁷Hadadezer sepaite sana phaw haw chu David in a lakhawm ah, Jerusalem a paw tung tai.

⁸Hadadezer khawpi Tibhath leh Kun ah kipat in David in sum-eng tam tak a chom khawm ah; ziate chu mang in Solomon in tuibêm leh, sum-eng khuamte tawh ûm leh bêlte haw chu a siam ahi.

⁹Hamath khua lengpa Tou in, Zobah khua lengpa Hadadezer sepai zosia chu David in a zo tai ti thu a het phat in,

¹⁰Hadadezer do ah a zaw tak ziak ah, Lengpa David kiang ah kipak thu gen ding leh, chibai bûk dingin a chapa Hadoram chu a sawl a. Zia hun lai ah chun, Hadadezer in Tou chu a do zing sek ziakin, sana, dangka, thik leh sum-eng ah kisiam thilpiak chitin a thot a;

¹¹ziate haw chu tawh gam chuam chuam, Edom, Moab, Amnon, Philistin, leh Amalekte leh namtin lak ah kipat a chom khawm dangka thik leh sana zosia chu, David in LALPA kiang in a la’n tai.

¹²Zeruiah chapa Abishai inle, Chi Phâijawl ah chun Edomte sîng khat leh sang giat zet le a that nalai hi.

¹³Edom ah sepai hon a koiden ah; chuleh, Edomte chu a leng un David thunuai in a um tau hi. Chun, David chu a chiana lam lam in LALPA‘n zaw’na a pia pek tai.

¹⁴Tichun, David in Israelte zosia chung in vai a hawm tai; chuleh, a mipite zosia chung ah dik tak leh kibang tak in vai a hawm hi.

¹⁵Sepai hotu lianpen in Zeruiah chapa Joab a pang a; lekha ziktu ding in Ahilud chapa Jehoshaphat a pang a;

¹⁶Ahitub chapa Zadok tawh Abiathar chapa Ahimelekh chu thiampu’n a pang un; Shavsha chu lekhazik in a pang a;

¹⁷Jehoiada chapa Benaiah chu Kherethte leh Pelette chung ah vaihawm in a pang un; chuleh, David chate chu lengpa nasemte lakah hotu’n a pang chiat ui.