Read Vaiphei 1 KHANGTHU 2 Bible Online

1 KHANGTHU 2 - Vaiphei bible

1 KHANGTHU 2

¹Ziate hi Israel chapate min chu ahi: Reuben, Simeon, Levi, Judah, Issakhar, Zebulun,

²Dan, Joseph, Benjamin, Naphtali, Gad leh Asher.

³Judah chate chu: Er, Onan leh Shelah; zia cheng thum hi Kanaan numei Bath-shua in a hinpiakte chu a hiu a. Judah chapa upa pen Er chu LALPA mit mu ah a gitlo ziakin a la that tai.

⁴Chuleh, a monu Tamar inle Perez tawh Zerah le a hinpiak a, Judah chun chapa panga a nei hi.

⁵Perez chapate chu: Hezron leh Hamul a hiu.

⁶Zerah chapate chu: Zimri, Ethan, Heman, Kalkol leh Dara a leng un panga a hiu.

⁷Karmi chapa chu, thil thiangtho chung ah a la sukkhial ziak ah Israelte subuaipa Akhar chu a la hi tai.

⁸Ethan chapa chu Azariah ahi.

⁹Hezron chapa, ama hin ngei ngeite chu: Jerahmeel, Ram, leh Khelubai a hiu hi.

¹⁰Ram in Amminadab a hingah, Amminadab in Judah leng suante lak ah mi minthang Nahshon chu a hing hi.

¹¹Nahshon in Salma a hingah, Salma in Boaz a hingah,

¹²Boaz in Obed a hing ah, Obed in Jesse a hing hi.

¹³Jesse in a cha upapen Eliab a hing ah, a pani’na’n Abinadab, a pathumna’n Shimea,

¹⁴a pali’na’n Natharel, a pangana’n Raddai,

¹⁵a pagukna’n Ozem, a pasagi’na’n David a hingah;

¹⁶chuleh, a suapiu numeite chu Zeruiah tawh Abigail a hiu hi. Zeruiah chapate chu: Abishai, Joab leh Asahel; zia cheng thum hi a hiu a,

¹⁷Abigail in Amasa a hing a; Amasa pa min chu Jether ahi’n, ama chu Ishmael mi ahi.

¹⁸Hezron chapa Kaleb in a ji Ajubah tawh Jerioth ah kipat in chapa a nei un; a chapateu min chu: Jesher, Shobab leh Ardon a hiu a;

¹⁹Azubah a thi phatin Kaleb in Ephrath a kichenpi ah, ama chun Hur a hinpiak a,

²⁰Hur in Uri a hingah, Uri in Bezalel a hing hi.

²¹Zia nung ah chun, Hezron in Gilead pa Makhir chanu a va hêl ah, ama kum sawmguk ahi lai ah a kichenpi kha ahi; zia nu chu tawh Segub a nei ui;

²²tichun, Segub chun Jair a hing ah; ama chun Gilead gam ah khawpi sawmni leh thum a nei hi.

²³Himaleh, Geshur tawh Aram in Havvoth-jair, Kenath tawh a khawpi sawmgukte chu a lâkpiak ui. Ziate zosia chu Gilead pa Makhir suante ngen a hiu.

²⁴Kaleph-Ephrathah khua Hezron thi’nung in, Hezron ji Abijah chun Tekoa pa Ashur chu a hing hi.

²⁵Hezron chapa masa pen Jerahmeel chate chu: a upa pen Ram ban ah Bunah, Oren, Ozem leh Ahijah a hiu.

²⁶Jerahmeel in ji dang le a nei ah, a min chu Atarah ahi; ama chu Onam nu ahi.

²⁷Jerahmeel cha upapen Ram chate chu: Maaz, Jamin leh Eker a hiu hi.

²⁸Onam chate chu: Shammai leh Jada a hiu hi. Shammai chate chu: Nadab leh Abishur a hiu a;

²⁹Abishur ji min chu Abihail ahi’n, ama chun Ahban leh Molid a hing hi.

³⁰Nadab chate chu: Seled leh Appaim a hiu ah; Seled chu cha nei lo in a thi tai.

³¹Appaim chapa chu Ishi ahi. Ishi chapa chu Sheshan ahi. Sheshan chapa chu Ahlai ahi.

³²Shammai suapipa Jada chate chu: Jether leh Jonathan a hiu a; Jether chu cha neilo in a thi tai.

³³Jonathan chate chu: Peleth leh Zaza a hiu ah, ziate chu Jerahmeel suante chu a hiu.

³⁴Sheshan chun chapa nei lo in, chanu ngen a nei ah; Sheshan in Aigupta mi suak pakhat a nei ah, a min chu Jarha ahi.

³⁵Tichun, Sheshan in a chanu tawh a suakpa Jarha chu a kichensak ah; ama chunle cha Attai a hinpiak ah,

³⁶Attai chun Nathan a hing ah, Nathan in Zabad a hing ah,

³⁷Zabad in Ephlal, Ephlal in Obed a hing hi.

³⁸Obed in Jehu a hing ah, Jehu in Azariah;

³⁹Azariah in Helez a hing ah, Helez in Eleasah;

⁴⁰Eliasah in Sismai a hing ah, Sismai in Shallum a hing hi.

⁴¹Shallum in Jekamiah a hing ah, Jekamiah in Elishama a hing hi.

⁴²Jerahmeel suapipa Kaleb chate chu: a upapen Mesha a hing ah, ama chun Ziph a hing hi. Hebron pa Mareshah chate chu a hiu hi.

⁴³Hebron chate chu: Korah, Tappuah, Rekem leh Shema a hiu hi.

⁴⁴Shema chu Rekem pa Jorkeam pu ahi; Rekem in Shammai a hing hi.

⁴⁵Shammai chapa chu: Maon ahi; Maon in Beth-zar a hing hi.

⁴⁶Kaleb thâikem Ephah inle Haran, Moza leh Gazez a hing ah; Haran in Gazez a hing hi.

⁴⁷Jahdai chate chu: Regem, Jotham, Geshan, Pelet, Ephah leh Shaaph a hiu hi.

⁴⁸Kaleb thâikem Maakah in Sheber leh Tirhanah a hing ah,

⁴⁹Madmannah pa Shaaph tawh, Makhberah tawh Gibeah pa Shera le a hing ah; chuleh, Kaleb chanu min chu Akhsah ahi.

⁵⁰Ziate chu Kaleb suante chu a hiu hi. Ephrathah cha upa pen Hur chate chu: Kiriath-jearim pa Shobal,

⁵¹Beth-lehem pa Salma tawh Beth-gader pa Hareph a hiu.

⁵²Kiriath-jearim pa Shobal chun chapa dang dang le a nei a: Haroeh tawh Menuhoth gam ah mi a kimkhatte tawh a hiu hi.

⁵³Kiriath-jearim Inkuante chu: Ithri, Put, Shumat leh Mishra a hiu ah; ziate ah kipat hin Zorath tawh Eshtaol mite hung piang a hiu.

⁵⁴Salma chate chu: Beth-lehem, Netophath, Atroth-beth-joab tawh Manahath kimkhatte tawh, Zorte hi a hiu hi.

⁵⁵Jabez ah lekhaziktu zosiate chu: Tirat, Shimeath leh Sukathte chule a hiu ah. Ziate zosia hi Rekab Inkuante pa, Hammath ah kipat hung, Kent mite chu a hiu hi.