Read Vaiphei 1 KHANGTHU 9 Bible Online

1 KHANGTHU 9 - Vaiphei bible

1 KHANGTHU 9

¹Tichun, Israelte zosia chu a phunggui uh kisuina dungzui chiat ah chun zik lut a hiu a; zia haw zosia chu Israel Lengte Lekhabu ah chun zik lut vek ahi. Chun, Judah mipite chu a ginum lo ziak un Babulon gam ah sal ah pui mang in a um zo tau hi.

²Amau gam ah a khawpiteu hun lua kit masa pente chu Israelte, thiampute, Levite leh tempul ah suak nasemte haw chu a hiu hi.

³Chun, Judah, Benjamin, Ephraim leh Manasseh phung ah mi khenkhatte chu Jerusalem khua’n a chêng lut tau a:

⁴Judah chapa Perez chate lak ah Bani chapa Imri chapa Omri chapa Ammihud chapa Uthai ahi.

⁵Chuleh, Shilonte lak ah chun: A cha upa pen Asaiah leh a chate a hiu.

⁶Zerah chate lak in: Jeuel leh a chanaute za guk leh sawmkua a hiu.

⁷Benjamin Inkuan lak ah: Hasenuah chapa Hodaviah chapa Meshullam chapa Sallu tawh,

⁸Jehoram chapa Ibneiah, Mikhri chapa Uzzi chapa Elah tawh, Ibnijah chapa Reuel chapa Shephatiah chapa Meshullam tawh,

⁹a phunggui kisuidan ua amau Inkuan ah mi za kua sawmnga leh guk a hiu a. Zia haw zosia hi amau Inkuan chiat ah hotute a hiu hi.

¹⁰Thiampute lak ah chun: Jedaiah, Jehoiarib, Jakin;

¹¹chuleh, Pathian In ah hotu lian Ahitub chapa Meraioth chapa Zadok chapa Meshullam chapa Hilkiah chapa Azariah tawh;

¹²Immer chapa Meshillemith chapa Meshullam chapa Jahzerah chapa Adiel chapa Maasai chapa Malkhijah chapa Pashhur chapa Jeroham chapa Adaiah tawh,

¹³a chanauteu leh amau Inkuan chiat ah hotute tawh a leng un sangkhat za sagi leh sawmguk, Pathian In ah sep leh bawl bangkim ah pang ziang thei ding ah tit ma ma ngen a hiu.

¹⁴Levi Inkuante lak ah chun: Merari chapate lak ah Hashabiah chapa Azrikam chapa Hasshub chapa Shemaiah;

¹⁵chuleh, Bakbakkar, Heresh, Galal leh Asaph chate Zikhri chapa Mika chapa Mattaniah tawh;

¹⁶Netophath khawpelte ah chêng Elkanah chapa Asa chapa Berekhiah chapa, Jeduthun chapa Galal chapa Shemaiah chapa Obadiah tawh a hiu hi.

¹⁷Kotkhak vêng ah pangte chu: Shallum, Akkub, Talmon, Ahiman; chuleh, a chanau uh Shallum chu a hotu pen ahi;

¹⁸tu’ma lam ah khan amau chu lengpa kotpi sualam pang ah a la um sek a hiu hi. Ziate hi Levite giabuk kotkhak vêng ah pangte chu a hiu.

¹⁹Korah chapa Ebiasaph chapa Kore chapa Shallum chu, a phunggui suidan ua a chanauteu Korahte chu nasepna ding ah mawpua leh, puanbûk huang vêng dingah, a pu leh pateu in LALPA giamun leh a lutna a la vêntup sek gual ua pang dingah guat a hiu.

²⁰Malai ah chun Eleazar chapa Phinehas chu a lak ua hotu lianpen in a la pang ah; LALPA‘n a la kithuapi a;

²¹Meshelemiah chapa Zekhariah chu biakbûk kotkhak vêng in a pang hi.

²²Tichun, kotkhak leh a huang sung veng ding ah kiguatte chu a leng un za ni sawm leh pani a hiu. A leng un a phunggui dungzui chiat leh a chênnau khua dungzui in zik lut chiat a hiu a. David tawh thil mulawk thei Samuel chun amau sepna ding chiat ah chun a koidet tau hi.

²³Chutichun, amau leh a suanteu haw zosia chu, biakbûk, LALPA hona In kotkhakte ngak leh vêng dingin mawpuakna piak a hiu hi.

²⁴Kotkhak vêngte chu ki-ângngat tua chiat in sualam, tumlam, mallam leh simlam in a pang un;

²⁵chuleh, a chanauteu khawneu ah chêngte chule ni sagi sung hung panpi dingin, a hung jel sek un;

²⁶Levi mi kotkhak vêngte lakah a hotu palite chu, Pathian hona In ah pindante leh thawlawm enkoltu le ahi kit ui.

²⁷Janvên hun etthâk leh jingkal si’n ah kotkhak hon haw chule amau mawpuak ahiziak in, Pathian hona In kiang ah chun jan leh a giakden uh a ngai sek hi.

²⁸A lak ua khenkhatte chun, kithoina matchâkte chu lakdaw leh thaklut a hi si’n leh a sim uh ngai ahiziak in, a mawpaw chuam in a pang ui.

²⁹Khenkhatte chu biakbûk van leh a matchâk thiangthote; chuleh, changbuang, uain, sathau, hâl gimtui leh thil gimtui te enkol ding ah guat chuam ahi.

³⁰Thiampu chate lak ah a dangte chun gimtui helkhawm dingte chu a guanggal un,

³¹Levite phung ah Korah chate lak ah Shallum chapa upa pen Maththiah chu vaithum siamna mawpua ahi.

³²Chuleh, Kohathte lak ah a chanau khenkhatteu chu sabbath ni si’n ah vaithum koi ding leh a tian ding dan ah mawpua ahi kit ui.

³³Chun, a sun a jan ah mawpua a hiziak un, Levi Inkuante lakah La sakna lam ah hotute chu tempul pindan ah chun a chêngden un; mawpuakna dang vang bangma piak belap ahi puau hi.

³⁴Zia Levi suante lak ah a hotu ah a la pangte chu a khanggui dungzui un guat a hiu a; zia hotute hi Jerusalem khua’n a chêng den ui.

³⁵Gibeon khua satpa Jeiel chu Gibeon khua chun a chêng ah, a ji min chu Maakah ahi;

³⁶a cha upa pen chu Abdon ahi’n, a ban ah Zur, Kish, Baal, Ner, Nadab,

³⁷Gedor, Ahio, Zekhariah leh Mikloth a hiu a;

³⁸Mikloth in Shimeam a hing a; ama leh a chanauteu chu Jerusalem khua’n kigâlchân in a chêng ui.

³⁹Ner in Kish a hing a, Kish in Saul a hing a, Saul in Jonathan, Malkhishua, Abinadab tawh Esh-baal cheng hi a hing a;

⁴⁰Jonathan in Merib-baal a hing a; Merib-baal in Mikah a hing hi.

⁴¹Mikah chate chu: Pithon, Melek, Tahrea leh Ahaz a hiu a;

⁴²chuleh, Ahaz in Jarah, Jarah in Alemeth, Azmaveth tawh Zimri a hing a; Zimri chun Moza a hing hi.

⁴³Moza in Binea a hing a; Binea in Rephaiah, Rephaiah in Eleasah, Eleasah in Azel a hing hi;

⁴⁴Azel in chapa paguk a nei ah, a min uh chu ziate hi a hiu: Azrikam, Bokheru, Ishmael, Sheariah, Obadiah leh Hanan; ziate hi Azel chate chu a hiu hi.