Read Vaiphei EZRA 10 Bible Online

EZRA 10 - Vaiphei bible

EZRA 10

¹Ezra in gitlona thu pha chawi ah, kap kawm ah Pathian In mai tual ah a kipek ziang phatah chun, Israelte lak ah a mei a pa, a si a sên in mipi tam tak a kiang in a hung khawm tau a; mipite chule nasa tak in a kap jak ziang tau a.

²Elam suante lak ah mi, Jehiel chapa Shekaniah in Ezra kiang in zia gual hin a hun gen a: “Zia gam ah numeite hi a la kichenpi in, I Pathian chung un thil ka la bawlkhial tau ahi; himaleh, zia chungchâng thu ah hin Israelte â dingin kinepna a um nalai hi.

³Tu’hin, zia I jiteu leh amau tawh I chateu zosia chu, ka LALPAu hin lei lemguat piak dungzui in, I Pathian uh thupiak lau ah kithing zosia chun, sawl mang ta dingin I Pathian kiang un thutiam bawl hitiu in; dan dungzui tak in bawl mai hitiu.

⁴Zia gual ah chun bawl ngal ziang in, la mawpuakna ahi ngal ah, hun panpi ing kau; hangsan tak in um inla, bawl ngal ziang in,” ti’n a gen a.

⁵Ziaphatchun, Ezra chu a thodok ah, zia thu kigen gual ah chun thiampute lak ah challang deu deu leh Levite leh Israel mi zosia chu thutiam a bawlsak ta’n. Tichun, a leng un thutiam a bawl tau hi.

⁶Ziaphatchun, Pathian In mai ah kipat chun Ezra chu a thodok ah, Eliashib chapa Jehohanan pindan in a chia ah, zia tak ah chun zia jan chu a giak den tai. Ama chun saltâng ah puimang ah umte gitlona ziak ah lusûn ahiziak in, an ne lo in tui le a dawn puai.

⁷Judai gam leh Jerusalem ah saltâng kile’kit zosiate kiang in, Jerusalem khua hung khawm dingin tâng a sam tau a,

⁸“Kuale ni thum sung ah hung lo tapo chu, lengpa nasêmte leh upate thupiak dungzui in, a nei leh lam zosiau lâkpiak ah, amau chule saltâng kile’kit mipite lak ah kipat paithâk ding a hiu,” a tiu a.

⁹Ziaphatchun, Judah leh Benjamin phung ah mite zosia chu Jerusalem khua’n ni thum sung in a hung khawm kim tau a; zia hun chu a tha kuana, a ni sawmni tin ni ahi’n. Mipi zosia chu Pathian In mai tual lai thu ziak leh gawpi nasa tak ah a zuk ziakin lau in a kithing tau a.

¹⁰Ziaphatchun, thiampu Ezra chu a hung dingdok ah, a kiang un, “Nanghaw hin Israelte thiammaw channa belap ding ah gam dang numeite ji’n la la nei tâk ziakun, thil la la hi’khial tau hi.

¹¹Tu’hin, la pu leh pateu Pathian, LALPA kiang ah thupha chawi unla, a lung lam bawltau in; gam sung ah mite leh nam dang mi la jiteu lak ah kipat kikoi thiangtho tau in,” ti’n a gen a.

¹²Ziaphatchun, mipi kikhawm zosia chun aw ngai tak in, “La gen chu a dik hi; la ti gual ah chun bawl ing kau.

¹³Himaleh, mipi ka tam ma mau ah; chuleh, gua a zuk nasat bêk tawh, In mai tual lai in ka mawk din ziang thei puau hi. Chuleh, mi tam tak in ka la sukkhial uh ahi tâk ziakin, ni khat a hem, ni ni a hem sung bep ah bawlzaw ziang thei ding gual ahi puai.

¹⁴Tu’hin, lengpa nasêmte hi mipi kikhawm zosia thasâng in pang phot uh hen la, I Pathian lungnatna a dam masangsia, khawpi tin ah kipat gam dang mi tawh a la kichengte tawh, upate leh vaihawm zosia tawh a ban ban in a hung khawm theina ding uh hun lemchâng guat hi tiu,” a tiu a.

¹⁵Asahel chapa Jonathan leh Tikvah chapa Jahzeiah bep in zia thu chu a nial un; Levi mi Meshullam tawh Shabbethai te hin amau chu a panpiu hi.

¹⁶Ziaphatchun, saltâng kile’kitte chun zia gual ah chun a bawl tau a. Thiampu Ezra chun, a Inkuan tin lak ua kipat a luchang ding uh a min uh zikdok in a têl daw piak chiat tai. Zia thu chu enchian dingin, a tha sawmna a ni khat ni chun a kichukhawm tau a.

¹⁷A kum kit ah a tha khatna, a ni khat ni chun, gam dang numeite tawh a la kicheng pawsal zosia chun a jiteu a hawldok zo tau hi.

¹⁸Thiampute lak ah le nam dang numeite a la kichenpi mudaw in a um un, ziate chu: Jozadak leh a unaute chapate suan leh pâk lakah mite chu: Maaseiah, Eliezer, Jarib leh Gedaliah.

¹⁹A jiteu chiat nol dingin a kitiam tau a; chuleh, a gitlonau thoidamna dingin a belam hon lak ua kipat in belamchal pakhat a lân tau hi.

²⁰Immer suante lak ah chun: Hanani leh Zebadiah a hiu a.

²¹Harim suante lak ah chun: Maaseiah, Elijah, Shemaiah, Jehiel leh Uzziah a hiu a.

²²Pashhur suante lak ah chun: Elioenai, Maaseiah, Ishmael, Nethanel, Jozabad leh Elasah a hiu a.

²³Levite lak ah chun: Jozabad, Shimei, Kelaiah (zia chu Kelita le a kiti’n,) Pethahiah, Judah leh Eliezer a hiu hi.

²⁴La sa mite lak ah chun: Eliashib ahi’n. Kul kotkhak vêngte lak ah chun: Shallum, Telum leh Uri a hiu.

²⁵Chuleh, Israel phung lak ah chun: Parosh suante lak ah chun: Ramiah, Izziah, Malchijah, Mijamin, Eleazar, Hashabiah leh Benaiah a hiu.

²⁶Elam suante lak ah chun: Mattaniah, Zekariah, Jehiel, Abdi, Jeremoth leh Elijah a hiu.

²⁷Zattu suante lak ah chun: Elioenai, Eliashib, Mattaniah, Jeremoth, Zabad leh Aziza a hiu.

²⁸Bebai suante lak ah chun: Jehohanan, Hananiah, Zabbai leh Athlai a hiu.

²⁹Bani suante lak ah chun: Meshullam, Mallukh, Adaiah, Jashub, Sheal leh Jeremoth a hiu.

³⁰Pahath-moab suante lak ah chun: Adna, Khelal, Benaiah, Maaseiah, Mattaniah, Bezalel, Binnui leh Manasseh a hiu.

³¹Harim suante lak ah chun: Eliezer, Isshijah, Malchijah, Shemaiah, Shimeon,

³²Benjamin, Mallukh leh Shemariah a hiu.

³³Hashum suante lak ah chun: Mattenai, Mattattah, Zabad, Eliphelet, Jeremai, Manasseh leh Shimei a hiu.

³⁴Bani suante lak ah chun: Maadai, Amram, Uel,

³⁵Benaiah, Bedeiah, Cheluhi,

³⁶Vaniah, Meremoth, Eliashib,

³⁷Mattaniah, Mattenai leh Jaasu a hiu.

³⁸Binnui suante lak ah chun: Shimei,

³⁹Shelemiah, Nathan, Adaiah,

⁴⁰Makhnadebai, Shashai, Sharai,

⁴¹Azarel, Shelemiah, Shemariah,

⁴²Shallum, Amariah leh Joseph a hiu.

⁴³Nebo suante lak ah chun: Jeiel, Mattithiah, Zabad, Zebina, Jaddai, Joel leh Benaiah a hiu.

⁴⁴Ziate zosia hin gam dang numeite a la kichenpi tau a; tichun, a jiteu leh a chateu a leng un a sawl mang chiat tau hi.