Read Vaiphei JOB 13 Bible Online

JOB 13 - Vaiphei bible

JOB 13

¹En in, ka mit in zia zosia chu a la mu ta’n, ka bil in a la he ta’n, a hechian tai.

²Nang in la het cheng chu, ke’n le ka hia’i; nanghaw sâng in ka nuainung zaw diak puai.

³Himaleh, Hat Chungnung Pathian kiang ah gen ing ka tin, ka chung thu hi Pathian kiang ah tut nuam ka hi.

⁴Nanghaw vang zuau thu kigen thiang la hiu; la leng un damdawi thiam panna bei ngen la hiu hi.

⁵A la kithip hiat hiat kha zaw leu chin, chutileh, a pil hizaw ding la hiu in!

⁶Tu’hin, ka thil ngaitua hi a la ngaitha tiam un; chuleh, ka ni’na kamsuakte hile ei la ngaithâk piak un.

⁷Pathian â ding ah diklo tak ah thu gen in, a kiang ah zuau thei tak in thu gen ding la hiu em?

⁸Pathian lam kâi ah doichuam bik nei ah, ama â dingin a thubuai genpi ding la hiu em?

⁹A hun mu chian phat leh nang uh â dingin a pha na diam? Mi khat in midang a thep zaw gual in, ama chu la thêm zo na diam uh?

¹⁰A gûk ah doichuam bik nei la hiu chun, hun vau ngei ngei ding ahi.

¹¹A lopina leh ja’umna chu tiza lo ah, ama launa chu neilo him him la hiu em?

¹²La thuching gendawteu chu, meivam gual ah panna bei ahi’n, la kingaknau chule tungman tawhbang bep ahi.

¹³Ei thipsan unla, thu ei gen sak un, ka chung ah tungding ding chule hung tung mai hen.

¹⁴Ka taksaphe hi ka vak pet tha’n, ka hinna hi ka khut in koi ding ka hem?

¹⁵En un, ei that ngei ngei ding ahi, kinepna him ka nei puai; himaleh, ka panna chu a kiang ah tut him him ding ka hi.

¹⁶Pathian neilote chu a kiang ah hung lo ding a hiziak un, zia chu ka hukdamna hiding ahi.

¹⁷Ka kamsuak hi gun tak in a la ngai unla, ka thu puandaw hi la bil un lut ta hen.

¹⁸Ka chung thu gen dingin, ka siamtup zo tai; thiamchang ding ka hi ti ka kihiai.

¹⁹Ei kinialpi ngam kua a hem um? Chutileh, thip bek ah um in thi ziang ing ka.

²⁰Thil pani bep hi ei pia’n la, tichun, la kiang ah kisel pua’ng ka:

²¹la khut hi gamla tak in zâk inla, chuleh, la tizat umna’n ei hilau ki’hen.

²²Ziaphat chuleh ei ko in, hun dawnhu ing ka, ahiloleh, ei gensak inla, nang in ei dawnhu in.

²³Ka khawlona leh ka gitlonate chu, bang zat ah tam ahi em? Ka bawlkhialna leh ka gitlona chu ei hiatsak in.

²⁴Bang ding ah ei kisêl mang san ah, la mêlma ei ngai la hem?

²⁵Hui in a tawmang na’pathel chun a hun suklau ah, busi keugawp chu delzui ding la hem?

²⁶Keima kãl ah demna thu kha tak tak la zikdok in, ka khangdawng lai ah, ka thulimlona ga lei luaksak ta’ngâl a.

²⁷Ka keng ah kol bu’sak in, ka chiana zosia lei kansui ah; ka keng in a chot phâk theina ding chin gamgi la thung tai.

²⁸Thil muat gual leh puan nget in, a nêk zaw gual in, ka mangthai tai.