Read Vaiphei JOB 17 Bible Online

JOB 17 - Vaiphei bible

JOB 17

¹Ka hinna hi suksiat in a um in, ka dam sung nite chu a tum hia’i hia’i in; thân chu kei â ding ah bawltup sa’n a um tai.

²Nuisantute’n ei ûm kîmvêl un, ka mit in a lungnatnau a mu zing hi.

³La kiang ah kei â di’n thutiam bawl in; kei â ding ah kua a hem kitiam ding?

⁴Hetthiamna a neilona ding un a ngaituanau la khâk piak tâk ziakin, amau chu gual zawsak lo ding la hi.

⁵Ama lawkna ding ah a lawipha lepbawlte chu, a chateu mitthûm in a.

⁶Mite holimna ding bep in ei siam ah, mi zosia chil sek khum ding bep ka hung hi tai.

⁷Lungkhamna ziakin ka mit a thim ta’n, ka taksa zosia le lîmliap tawh bang bep ahi tai.

⁸Mi muizangte chun zia hi mak sa’n tiu in, mipha chu Pathian ngaisaklote, do dingin a kichokphûl hi.

⁹Midik chun a lampi ngai ma a tuchak in, khut thiangtho neite chu vang hat deu deu in au.

¹⁰Nanghaw vang, la leng un hung kit maleu chin, la lak un miching khat le mu diak pua’ng ka.

¹¹Ka hunte chun ei nusia zo tau a, ka thiltupte leh ka lunggil ah, ka duthusamte chu a se zo tai.

¹²Jan chu sun a chansak un, amau chun, “Vakna chun thimna a nai hi,” a tiu hi.

¹³Sheol chu ka In ding ah hawl in, thim lak ah ka lupna phâ leng,

¹⁴thânkhûk kiang in, “Ka pa la hi,” ti leng, ka thân kiang in, “Ka nu la hi,” a hem, “Ka suapinu la hi,” ti leng,

¹⁵ka kinepna khoilam a tung diam? Ka kinepna chu kua’n a mu ta diam?

¹⁶Sheol kawkhûk ah lût suk ing ka tin, leivui suak khawm talo ding ka hiu em?, ti in.