Read Vaiphei JOB 22 Bible Online

JOB 22 - Vaiphei bible

JOB 22

¹Teman mi Eliphaz chun zia gual hin a hun gen a:

²Mihingte hin Pathian â ding ah, phatchuamna a nei awm? mipil pen pen te ziang hile, a mat tak ding a um ua a hem?

³La dikna ziak ah chun, Hat Chungnung Pathian â dingin kipakna a um ah, la umchan demna bei ahi chu, ama â dingin lawkna a um him him em?

⁴Ama â ding ah la kipiak zaw’na ziak ah, a hun kophil leh, vaihawmna mun ah a hun lutpi la ngai a hem?

⁵La gitlona hi huaisia ma ma hilo a hem? La khawlona hin chintawk a nei ngai em?

⁶Bangma kham hilo, la chanaute leibat a ting in la sîk ah, a sil leh chên tiang un, la chom nâm piak ngâl ah.

⁷Basamte dawn dingin tui la pia nuam pua’n, gilkialte nêk dingle an la pia nuam diak puai.

⁸Mi thahât in gam chu a kinei in, a doisak cha cha a chênsak hi.

⁹Meithâite khutngawn in la sawldok ah, nauchagate khutbânte chu la hi’bot piak hi.

¹⁰Ziaziakchun, thâng ah ûm kîmvêl in la um in, phutlopi’n launa’n a hun chup hi;

¹¹ahiloleh, khua la mutheilona ding khop ah, thim in hun khû in, tuisuagiat in a hun chup la hi.

¹²Pathian chu van chung sâng, tak ah um hilo a hem? Aksi gamla pen pente chu en tiam in, a sâng na lawm lawm e!

¹³Ziaziakchun, nang in, “Pathian in bang a hia a hem? Thimpi lak in vai a hawm thei na a hem?

¹⁴A muthei lo ding khop in thim in a tuamvel ah, van hulliap ah chun, a mawk vâk vêl vêl mai tai,” la ti’n.

¹⁵Migilote zawi lui chu zui nalai ding la hem?

¹⁶A hun a tun ma’n lak mang in a um tau ah, a kingaknau chu tuisânglet in a tokmang tai.

¹⁷Pathian kiang in, “Ei nusia in, Hat Chungnung Pathian chun, bang ei law thei ding la hem?” a tiu a.

¹⁸Chutimaleh, a Inteu chu, thilpha chitin in a sukdim piak hi; himaleh, mi gilote thil guanggal chu, ka ki’dak lam tak ahi.

¹⁹Midik te’n zia chu a muu ah, a kipak ui; mi poikhoilote chun musit tak ah nuisan in,

²⁰“I mêlmateu chu paithâk in a um un, a nutsiateu chule mei in a kâng tum tai,” a tiu hi.

²¹Pathian tawh kihothei unla, thamuang tak in um in, zia gual ah chu la um chun, nanghaw â ding ah thilpha hung tung ding ahi.

²²A kam ah kipat thuhilna ngai inla, a thute chu la lunggil in khol khawm ta’n.

²³Hat Chungnung Pathian kiang lam ah la kile’kit chun, tundin kit hi’n la tin; la puanbûk ah kipat diklona la koidok chun,

²⁴sana chu leivui gual mai ah la hun ngai ah, Ophir sana chu luicha suang gual bep ah la ngai ah,

²⁵Hat Chungnung Pathian chu, sana leh dangka lûl tak gual ah la nei chun,

²⁶zia phat chuleh, Hat Chungnung Pathian ah chun, kipak ta’n la tin, Pathian lam hun nga ta’n la.

²⁷A kiang ah pauchap in la tin, ama’n hun ngaitha ding ahi; chuleh, la thutiamte chu mualsua ta’n la.

²⁸La duthusam gual tak in bawl piak hi’n la tin, la lampi zosia salvâk piak hi’n la.

²⁹Mite tawden ah a um phat ua leh, a kiletsak ziak ahi la tiu ah; mi kingainiamte ama’n a hukdok sek ngâl a.

³⁰Mi mantheilote natiangle a hukdok hi; la khut thianthona ziak ah chun, suachât khawlaw’n au, ti in.