Read Vaiphei JOB 26 Bible Online

JOB 26 - Vaiphei bible

JOB 26

¹Job in zia gual hin a dawnhu a:

²Tha neilote hi nang in, bang gual ah panpi la hita em? Bân tha him neilote hi nang in bang gual in, la kithuapi em leh?

³Pilna neilo chu bang gual ah hil in, thuhilna pha tak pia la hita?

⁴Kua sawl ah zia thu chu gen ah, kua’n a hun gensak la hem?

⁵Nuai lam ah mithi khua chu, a sung ah tuite leh a chêngte pum in a kithing ui.

⁶Pathian mit mu in Sheol chu a kihongsa ahi’n, Abaddon chule bangma’n a lia puai.

⁷Thawveng tak in Zaphon chu a kaimal ah, A khaina umlo in lei hi a kitûl sak hi.

⁸Sûmpi sa’tak ah chun tuite chu a chûn khawm ah, sûmpi chu a phukek diak puau hi.

⁹Thalik mâi a tuam piak ah, a âng ah a sûmpi a ji’nsak hi.

¹⁰Vak leh thim kigamgitna zul in, tuisuagiat chung ah gamgi a zik kual piak hi.

¹¹Van do-na khuamte chu a kithing ah, a vauhilna chu mak a sau hi.

¹²A thilhitheina’n tuipi chu a thipsak in, a hetthiamna ziakin Rahab chu a khênlum hi.

¹³Vante mêlpha tak ah siam chu a huizang ahi’n, a khut in gulpi jam ah tai lai a sunthil hi.

¹⁴Ziate hi a thilbawl dan them khat bep ahi; a thilbawldan I het uh a tawm na lawm lawm e! Himaleh, van-gite chu, kua’n hechian thei ding a hiu em?