Read Vaiphei JOB 32 Bible Online

JOB 32 - Vaiphei bible

JOB 32

¹Chutichun, Job chu thiam a kichan ma ma ziakin, a gualte pathum chun a dawnhu ta puau a.

²Ziaphatchun, Ram suante lak ah mi, Buz mi Barakhel chapa Elihu chu a hung lungna ta’n. Pathian sâng ah le dikzaw’n a kikoi ziakin, Job chung in a lungna ta ma ma a.

³Job gualte pathum chunle, Job chu a dik puai ti hezing ngâl ah, a dawnhu nop tâk lo ziak un amau chung inle a lungna ma ma a.

⁴Tu’hin, Elihu chun a lak ua chapang pen ahi ziakin, Job a dawnhu theina ding chu a la ngâk zing a.

⁵Himaleh, a gualte pathum chun a dawnhuna ding he talo a hiu ti a het ziakin, Elihu chun a hun dawnhu ta’n.

⁶Buz mi Barakhel chapa Elihu in zia gual hin a hun dawnhu a: Nanghaw tawh te’ in naupang nalai ka hi’n; ziaziakchun, la kiang ua ka ngaidan hun gen ding hi ka kisuangla ah, ka kiphalam ma ma hi.

⁷“Nite chun gen uh hen la, kum tam tak haw chun, pilna thu zilsak uh hen,” ka ti’n.

⁸Himaleh, hetthiam sakna chu, mihing ah thagau um chu, Hat Chungnung Pathian hu thakhumna chu ahi.

⁹Kum tam man ah pil a hipua’n, teksiat man ah hiatthiamna nei ziang le ahi diak puai.

¹⁰Ziaziakchun, a la ngaitha tiam un; ke’nle ka ngaidan hun gen ing ka.

¹¹Ngai tiam un, gen ding hawl ah la kingaitua lai unle, la pilna thugenteu chule ka la ngaitha zing in,

¹²Gunchu tak in ka la ngaitha’n, la lak ua khat inle Job la nial zo puau ah, khat cha’nle a thugente chu la dawnhu thei puau hi.

¹³“Pilna ka mudok tau in; mihing hilo in Pathian bep in a zo thei hi,” ti kiu in.

¹⁴Keima nial ah thugen a hipua’n, nanghaw gual in vang nial pua’ng ka.

¹⁵Mak a sau ah, a dawnhu thei ta puau hi; kam khat le gen ding a nei ta puau hi.

¹⁶Bangma dawnhu lo ah a din sungsiau chu, thipbek ah ka ngak zing mai ding a hem?

¹⁷Ke’nle dawnhu in, ka ngaidan vak gen him him ing ka.

¹⁸Ka gen nop a tam ta’ngâl in; ka sung lam ngaituana a kichok ziang tai.

¹⁹Ka lungthim hi uain a hu pawtna ding umlo, uain thak thawl puakkek ziang ding gual ahi tai.

²⁰Ka lungthim ah chawldamna ka nei khak leh hun gen ing ka; ka kam hun ka’n hun dawnhu tiam ka.

²¹Kuama doichuam leh pâkchât chuamle hun nei pua’ng ka.

²²Mi pakchat lêm ka thiam paw’ngâl a, chutilo hileng, ei siampa’n ka hinkhua, la mai ding ahi ngâl a!