Read Vaiphei JOB 35 Bible Online

JOB 35 - Vaiphei bible

JOB 35

¹Elihu in zia gual hin a gen zui pek a:

²Nang in, “Pathian âng ah dik suak ka hi,” la ti chu dik la sa em?

³“Thil a la bawl khial lo hileng, bang phatchuamna ka nei in, kei â ding ah lawkna bang a um diak em?” la ti ziakin.

⁴Nang leh la gualte tawh hun dawnhu ding ka hi.

⁵Van lam ah dak inla, van sûmte khi en tiam in, nang sâng ah sâng zaw a hiu.

⁶Thil bawl khial a la hi lechinle, ama kãl in bang la bawldok sam em? La bawl khial bang jat in tam maleh, ama â ding ah bang khawk a hem?

⁷Midik la hileh ama bang a hem la piak; la khut ah kipat bang a hem a chan ding um?

⁸La nunsiatna chun, nangma gual ah mihingte bep a khoikha’n, la dikna’n le mihingte bep a huap hi.

⁹Nuaisiana a tam bêk ziakin mipite chu a kapdok un; mihat khut thakna ziakin, panpi ngai in a kikojak ui.

¹⁰Himaleh, kuama’n, “Ei siampa Pathian, jan ah hatna ei pesekpa,

¹¹gamlak ah gamsate leh chunglêng vachate sâng ah, pilzaw ah ei hilpa chu khoilam ah um a hem?” ti ah kan a um puau hi.

¹²Zia tak ah chun a kikodok un la a dawnhu puai, thil phalo bawlte kiletsakna ziakin.

¹³Mawk pauchap mai maite chu, Pathian in dawnhu ngai pua’n a, Hat Chungnung Pathian chun a ngaisak ngai puai.

¹⁴Nang tak chun la, ka chung thu gen ding chu, ama kiang ah um ahi, ti’n a hung ding chu ngak in, ama ka mu nai puai! la ti pona chu.

¹⁵Tu’hin chu, lungna tak ah a hun gawt lo ziak leh, la sukkhialna bangma a ngai piak lo la ti ziakin;

¹⁶nang Job in thu la mawk gen mai mai ah, hetthiamna nei lo ah mawk gen jaijap la hi.