Read Vaiphei JOB 40 Bible Online

JOB 40 - Vaiphei bible

JOB 40

¹Chuleh, Job kiang in LALPA‘nzia gual hin a gen nalai ah:

²“Mi demhatpa chun Hat Chungnung Pathian chu, kinialpi ding la hem? Pathian nialpa chun hun dawnhu ma tiam in,” ti in.

³Ziaphatchun, Job in Pathian zia gual hin a hun dawnhu tai:

⁴Ngaitia, kei hi bangmalo mai ka hi’n, nang hun dawnhu ah bang gen ding ka hem? Ka kam hi huk mai zaw’ng ka.

⁵Khatvei ka la pau ta hen, hun dawnhu ta pua’ng ka; nivei a hita’n, a bân gen zawm ta pua’ng ka.

⁶Ziaphatchun, chîmpei lak ah kipat chun LALPA‘n zia gual hin Job a hun dawnhu ta’n:

⁷Pawsalpha gual in la puan chêng pha’n la, hun dong ing ka tin, ei dawnhu in.

⁸A diklo ah ei koi ding la hem? Nang thiam la kichan theina dingin, kei thiamlo ei chansak ding la hem?

⁹Pathian gual ah khutbân nei ah, van-git gual in aw sua thei ding la hem?

¹⁰Lalna leh za-umna’n kithuam inla, a lopi leh thupi thei pen in hung kivan tiam in.

¹¹La lungnatna dim lêt chu hun suadok in, mi kiletsak zosia chu en inla, koi niam tiam in.

¹²Mi kiletsak zosia chu en inla, hiniam in; mi nunsiate chu a umna mun chiat un tawden ma tiam in.

¹³Leivui lak in sêlmang sik sek inla, khawvel nuai lam ah a mai uh kân piak tia leh.

¹⁴Ziaphat chuleh, la khut changlam in, zaw’na hun pia thei ahi ti, ke’n le hun hetpi ta’ng ka.

¹⁵En in, nang ka hun siam gual in, Behemoth le ka siam in; bawngchal gual in hampa a ne sek hi.

¹⁶A hatna chu a kawng in a um ah, a thilhitheina chule, a gilpi vunthual ah um ahi.

¹⁷Sidar thing gual ah khau in a mei a khawchang ah; a malpi thaguite chu a kiphêk lom ahi.

¹⁸A gute chu sum-eng lawng gual ahi’n, a taksa bâkte chule thiktawn tawhbang ahi.

¹⁹Pathian thilsiam lopite lak ah masa pen ahi’n, a Siampa bep in chemjam in a nai ngam hi.

²⁰Tângte ah chun a nêk ding a piang ah, gamsahangte tat sekna mun ngei ah chun.

²¹Thambal bulnuai ah te leh, pumpêng leh hampa buk nuai ah te chun, a kual sek hi.

²²Thambal kungte chun dailîm a pia’n, phâiguam ah huisûmte chun a ûm kîmvêl hi.

²³Lui tui chu bang gual in kinawk maleh, a lau ngai pua’n; Jordan lui chu a kam tiang hial in lian maleh. Khawk a sa kham puai.

²⁴Kua’n zia chu ngakuai ah khaidok thei in, a nâk chule sunthil thei ding a hem?