Read Vaiphei JOB 5 Bible Online

JOB 5 - Vaiphei bible

JOB 5

¹Tu’hin vak ko tiam in, kua a hem hun dawnhu ding? Mi thiangthote lak ah, kuapen a hem la bêl ding chu?

²Mingol chu a lungkhamna’n thi khawlaw in, mimawl chu itsikna’n a that sek ngâl a.

³Mingol In buldet ka la mu ta’n, maleh, thakhat in a chênna In chu, hânsia ka lawkhum mai hi.

⁴A chate chu bitna tawh a kigamlau in, khawpi kotbul ah khet gawp in a um un, amau hukdok ding kuama a um puau hi.

⁵A thaigateu chu mi gilkialte’n a ne zo un, ling lak ah um nasan a lau ah; mi dangchâkte’n a neithilteu chu a duchau hi.

⁶Gentheina hi lei ah piang a hipua’n, buaina hile lei tual ah kipat, hung pawtdok ahi diak puai;

⁷meisi te chung lam zuan ah a lên to gual un, mihingte hile a buai ding mawng ah piang a hiu.

⁸Keima’n vang Pathian hawl ing ka tin, Pathian ah chun ka chung thu nga’ng ka.

⁹Ama’n thil thupi tak leh hawldaw sên gual lo, simsên gual lo thilmak tak takte, ei bawl piak ngâl a.

¹⁰Ama’n lei chung ah gua zuksak in, loute chung in tui a hun pia’n;

¹¹mi dinmun niamte a domsâng in, lusûnte chu bitna mun ah a langkâi sek hi.

¹²Mi kipilsakte guanggalna a hibuai ah, tichun, a khut nasepteu chu a lawting ngai puai.

¹³Mipilte chu a lemhiatna lam un a awksak in; mi dawhathûkte guanggalna chu, kin-gang tak in a tawp sek hi.

¹⁴Sun khawvak lai inle khawthimna a tuak un, sûnchang lai tak inle, jan lai gual in a kisui sek ui.

¹⁵Himaleh, mi chaga chu a kam ua, chemjam lak ah pat in a hukdok in, mi hat khut ah kipat chun a hukdok sek hi.

¹⁶Tichun, mi chagate chun kinepna a nei un, diklona’n vang mi kam a huk piak hi.

¹⁷Pathian in a thununte chu a hampha nau e! Ziaziakchun, Hat Chungnung Pathian in, a thununna chu ngaitawm ki’hen.

¹⁸Ama’n a suliam ah, a tuam kit ah; a vua hen, a khut ma ma’n a sudam kit sek hi.

¹⁹Buaina paguk lak ah kipat in hun hukdok intin; pasagi lak inle bangma’n hun sukha pua’n a.

²⁰Kial hun tun inle thi’na lak ah kipat in, hun hukdok intin, kido hun inle chemjam thilhitheina, lak ah kipat hun hukdok in a.

²¹Mi gensiatna lak ah kipat in hun sêlgu’n tin, siatna hung tung maleh lau pua’n la.

²²Siat ni leh kial hun inle nui zing in la tin, khawvel ah gam sahângte chu lau him him pua’n la.

²³Loulai ah suang zosia chu la gualpha hi’n tin, gam sahângte le kihotheipi ta’n la.

²⁴La puanbûk a bit hi ti hia’n la tin, la gancha huang ah vaen la tin, bang ma a mangthai mu pua’n la.

²⁵La suan leh pâkte chu lei ah hampa gual ah tam, hung hi’n au ti hia’n la.

²⁶Bu pianpha chu a hun tak ah, buphual puak tung a hisek gual in, têkkûn nung in la thân ding zuan inla.

²⁷En tiam in, zia chu a dik ngei hi, ti ka mudok uh ahi. Ngai inla, nang â dingin, kihiat ta’n, ti in.