Read Vaiphei JOB 8 Bible Online

JOB 8 - Vaiphei bible

JOB 8

¹Ziaphatchun, Shuhi mi Bildad in a dawnhu a:

²Zia gual thil chu bang chan gen nalai ah, la kam ah kipat huipi pawt, batsak nalai ding la hem?

³Pathian in diklo tak in vai a hawm ngai em? ahiloleh, Hat Chungnung Pathian chun, diklo tak in a bawl ngai em?

⁴La chate’n a chung ah thil a hi’khial uh chun, a bawsiatnau dungzui ah gawt a hiu.

⁵Pathian hawl ah, Hat Chungnung Pathian kiang ah, la dot nop ahi chun,

⁶thiangtho leh lamzang hilechin, nang ziakin hung kipan ngei ta’n tin, la um ding dan dik tak ah chun, hun tungding kit ma ma ding ahi.

⁷La kipatna chu neu maleh, la hinkhua tawpna lam chu, thupi tak hung hiding ahi.

⁸Malai mite kha vak ngaitua inla, a pu leh pateu in a la suidok teu kha, vak ngaitua veng veng tiam in;

⁹eihaw hi ja’ni mi bep I hiu ah, bangmacha helo leh, I lei hinkhuau hi lîm gual bep ahi ngâl a.

¹⁰A hetnau ah kipat a kamsuakteu chun, pilna thu neucha bêkle hun hil lo a hiu em?

¹¹Dawp lak lo’ngâl in phâiluang a kek ngai em? tui umlona’n phâiluang nângbuk a um ngai em?

¹²a tui a kan chun, a sat hun ma’nle, hampa dang cheng sâng in a vuai vak zawi.

¹³Pathian helote lampite chu, zia gual chu ahi him ah; Pathian neilote kinepna chu, mangthai ding ahi.

¹⁴A kisuanpi’u chu momgâng gual bep ahi’n, momgâng ah kinga gual bep a hiu.

¹⁵Momgâng In chu vak kinêl mai inle a chim ziang in, vak mat ding ziang inle a pang zo puai.

¹⁶Mi nunsia chu nisa nuai ah hin, a pung ma ma ziang un, huan sung in a jam dim pai ziang ui.

¹⁷Suang kisep lom chu a zung un a zem chak un, suangpi kawm kâl te’n a jam sek ui.

¹⁸Sâtthial ahi’phat ua leh vang, Ka hun mu kha paw na e!, ti’thei ding khop in a mangthai tau hi.

¹⁹Ngaitia, a hinkhua nuam uh chu, zia gual mai chu ahi, zia gual chun a dangle, lei ah kipat in hung kekdok zel in au.

²⁰“Ngaitia, dem kâi lo mi chu, Pathian in pâmpai pua’n tin, mi nunsiate khutbân chule panpi diak pua’n a.

²¹La kam chu nuina’n hun hi’dim intin, la mûk chu kipak ah kiko dawna’n, hun matsak zaw’n a.

²²Nangma hun mudate chu, mualphona’n tuam intin, mi nunsiate puan In chule bei ta’n a”.