Read Vaiphei SAM 10 Bible Online

SAM 10 - Vaiphei bible

SAM 10

¹Aw LALPA, bang ding ah gamla tak ah ding la hem? Bang ding ah lungjin hun ah kisêl sek la hem?

²Michagate chu mi nunsiate’n chapo tak in a gawt sek un; a thil phalo guanggalnau ah chun amau awk tau hen.

³Mi nunsia’n a duthusam chu a kisaktheipi in, lawkna ding hawl ah du-âmte chun LALPA chu hânsialaw in, a pâmpai sek ui.

⁴Mi nunsia chun a kisaktheina mêlpu’n, “Pathian in hawldok pua’n a,” ti zing kawm in, a ngaituanau zosia chun, “Pathian a um puai,” ti ngen ahi.

⁵Bangtik inle a kiheina lam zosia’n a lawting zing un; la vaihawmnate chu sâng tak ah, amau muphâk lo in a um in; a mêlmateu chu a vak simmaw sek ui.

⁶A lungthim un, “Kilîng pua’ng kau, suan zosia tiang inle siatna tuak pua’ng kau,” ti’n a ngaitua zing ui.

⁷A kam uh chu hânsia lawna, mithepna leh engbawlna’n a dim ta’n; a lei un mi siatna ding leh, a khawlona ding ngen uh a um hi.

⁸Ningthip ah kisêl in mi a chângguu a, khua sung ah bangma suselote chu a that sek ui.

⁹A mit un panpi ding neilote a en-gu sek ui. Sakeibaknei in a kaw sung ah a chângûk sek gual in, migenthei man dingin a chânggu sek un; migenthei chu a man ngei un; tichun, a lên un a kaimang sek ui.

¹⁰Bok mât in a kûn suk un, panpi ding neilote chu a thunuai un a pûk lut sek ui.

¹¹A lungthim un, “Pathian in a hemil tai, a mai a sêlgûksan ah; mu ngai ngai talo ding ahi,” ti’n a ngaitua sek ui.

¹²Aw LALPA, hung kipan in; aw Pathian, la khut hun lâm in; chotden ah umte hemil kin.

¹³Bang dingin em mi nunsiate’n Pathian a musit ua, a lungthim un, “Ei gawt pua’n ah,” a ti sek uh?

¹⁴Nang in la mu zing ngal ah! Mi nunsiate’n la khut ah kipat, buaina leh lungjinna a tuak dingteu chu la tepte hi; panpi ding neilote chun a hun bêl sek un; nauchaga panpitu la hi’ngal a.

¹⁵Mi nunsia leh thil phalo bawlte khutbân chu hibong inla; a gitlonau chu pakhat chale mu khial umlo dingin hawldok in.

¹⁶LALPA chu kumtuang, kumtuang â dingin lal ahi’n; a gam ah kipat namtin mangthai ta’n au.

¹⁷Aw LALPA, mi nunnêmte doilam hia’n la tin; a lungthim uh hihât piak in la tin, a lam un la bil daw ding la hi;

¹⁸nauchagate leh tawden ah umte â dingin, dik tak in bawl piak ding la hi’n; tichun, lei ah hin mite’n thil tizat um bawl ta pua’n au.