Read Vaiphei SAM 102 Bible Online

SAM 102 - Vaiphei bible

SAM 102

¹Aw LALPA, ka pauchapna hi ngaitha’n la, ka kiko thawm hi la kiang tung ta hen.

²Ka lungngai nikhua hin la mai sêl mang kin. Ka lam ah la bil hun daw inla, ka hun ko tak leh ei hun dawnhu kawm ziang in.

³Ka damsung hi meikhu gual in a jam mang in, ka gute hi tummeipi gual in a kuang ta’i.

⁴Ka thinlung hi hampa gual ah, tawden leh vuai in a um ta’n; an ziang le nepei lo in ka um tai.

⁵Ka thûm git nasat ziakin, ka gute le ka vun in a bek hial tai.

⁶Gamthip ah simbupi gual leh, khawhawm simbu gual ka hi tai.

⁷Ka ipmu thei puai; Inchung ah vachong lungleng gual mai ka hi.

⁸Nitum tum in ka mêlmate’n ei engho sek un; ei nuisante chun ka min hi, midang hânselawna’n a mang sek ui.

⁹Vut chu an gual in ka ne ta’n, ka dawn dingte chu ka mitthi tui tawh ka hel in,

¹⁰la lungnatna leh hachang thakna ziakin; nang in ei domkâng in, lei paimang ta’ngal a.

¹¹Ka damsung nite hi nitâk nilîm gual a hita’n; hampa gual in ka vuaitha gawp tai.

¹²Aw LALPA, nang vang kumkhua’n, lalchutpha chu zing in; la minle suan zosia tiang in a um zing hi.

¹³Tho inla tin, Zion khawtua ding la hi, doisak hun lai tak ahi ngal a; hun guat chu a tung tai.

¹⁴La suakte’n a suangte chule a ngainau hen, a leivui natiangle a ngaina ngal un.

¹⁵Namtin in LALPA min chu lau intiu in, lei ah lal zosia’n le la lopina chu lau ta’n au.

¹⁶LALPA‘n Zion chu tung ding kit intin, a lopina kithuam in hung kilang kit in a.

¹⁷Tasamte dotna ngaitha’n tin, a pauchapnau musit pua’n a.

¹⁸Zia thu hi khangthak hung um dingte leh, a piang nai lo mipi hung um dingte’n, LALPA min a hun pâk theina ding un, tepte ah zik hi hen la;

¹⁹a mun thiangtho sâng tak ah kipat a hun et suk a, van ah kipat LALPA‘n khawvel a hun et suk ah,

²⁰suangkul tângte thûmna a het ah, thi ding ah umte thâdok ding leh,

²¹Zion ah LALPA min puanjak ahi a, Jerusalem ah a min a pâk theina ding uh leh,

²²namtin leh lenggam tinte LALPA nasem ding ah, a hung punkhawm theina ding un.

²³Ama’n ka vanglai ni’n ka thâ a hi’kia’n, ka damsung nikhua a hi’chom tai.

²⁴Keima’n, “Aw ka Pathian, ka vanglai nite hin ei lamang kin la, la kumte chun suan zosia tiang a dai hi,” ka ti tai.

²⁵Masanglai ah kipat khan leilung kingakna hi, la phûmsa a hita’n; vante khi la khutsuak ahi.

²⁶Ziate chu hung mang intin, nang vang um zing inla; ziate chu pua’n gual in hung chul ta’n a. Puanlui gual in theng in la tin, mangthai ta’n au;

²⁷nang vang a ngai ngai ahi’n, la kum inle tawpni a nei puai.

²⁸La suakte chate chu bit tak in um intiu in; a suan leh pâkteu chu la ma’n phudet hi’n au.