Read Vaiphei SAM 111 Bible Online

SAM 111 - Vaiphei bible

SAM 111

¹LALPA chu pâk un! midiktat te tawh, mipi kikhopna chun, ka lungthim zosia’n LALPA kiang ah kipak thu gen ing ka.

²LALPA thilbawlte a lopi in, a kipakpi tapo in a sût sek ui.

³A thilbawl chu ja umna leh lopina’n a dim a, a dikna’n kumtuang a dai hi.

⁴A thilbawl danglamte ziakin minthanna a law in; LALPA chu hepina leh lainatna dim ahi.

⁵Ama laute nêk ding a pia hen, a thuthung a hezing hi.

⁶A thilbawl in a hat dan a mite kiang in a etsak a; namtin a gochan ding un a piai.

⁷A khut nasepte chu a ginum in, a dik hi; a thununna thu zosia chu a muan um hi.

⁸Ziate chu kumtuang â dingin phudet ahi’n; ginumna leh dikna ah bawl ding ngen ahi.

⁹A mite kiang in tatna a hun sawl a, a thuthung chu kumtuang â dingin a guat tai. A min chu Thiangtho leh tizat um ahi.

¹⁰LALPA launa chu pilna bul ahi; zia mangcha taphot chun hetthiamna pha a nei ui. Ama pâkna chun kumtuang a dai hi!