Read Vaiphei SAM 114 Bible Online

SAM 114 - Vaiphei bible

SAM 114

¹Israelte Aigupta gam ah kipat a pawtdawu ah, Jakob Inkuante pauchuam mite lak ah, kipat a pawt daw lai un,

²Judah chu Pathian â ding ah, mun thiangtho a hung hi’n, Israel chu a lenggam a hung hi.

³Tuipi’n a mu phât in a jamsan ta’n; Jordan lui tui a le’luan tai.

⁴Tângte chu belamchal gual in a kichawm un, mualte le belamno gual in a kichawm tau hi.

⁵Aw tuipi, bang ding ah jam la hem? Aw Jordan, bang ding ah le’luan la hem?

⁶Aw tângte haw, bang ding ah belamchal gual ah kichawm la hiu em? Aw mualte haw, bang ding ah belamno gual ah kichawm la hiu em?

⁷Aw leilung, LALPA âng ah, Jakob Pathian âng ah chun kithing ta’n;

⁸ama’n suangpi dîl ah chansak in, meisuang chule tuinâk a chansak hi.