Read Vaiphei SAM 115 Bible Online

SAM 115 - Vaiphei bible

SAM 115

¹Aw LALPA, keimau hi zaw lo in, keimau ngei hilo in, la hepina chuai lo leh la ja umna ziakin, la min chu lopina pia zaw ta’n.

²Bang ding ah nam tin in, “A Pathian uh khoi ah um a hem,” ti sek a hiu em?

³Ka Pathian uh chu vante ah khin a um in; a nop dan dan in bangkim a bawl sek hi.

⁴A milimteu chu dangka leh sana, mihing khutsuak ngen ahi.

⁵Kam a nei un lah a pau thei puau a; mit a nei un lah a mu thei puau hi.

⁶Bilte a nei un lah a hethei puau a; nâk a nei un lah bangma gim a hethei puau hi.

⁷Khutte a nei un lah bangma a khoi thei puau ah; kengte a nei un lah a chia thei diak puau in; a gawl unle aw gi a pawtsak thei puau hi.

⁸A siampa tawh a thilsiamte chu a kibang bep un, amau gingchate le zia gual ma chu a hiu.

⁹Aw Israel, LALPA ah kinga tau in! LALPA chu nanghaw panpitu leh la phawu ahi.

¹⁰Aw Aron Inkuante haw, LALPA chu ging tau in! Ama chu nanghaw panpitu leh la phawu ahi.

¹¹LALPA laute haw, LALPA ah ki-ngau in! Ama chu nanghaw panpitu leh la phawu ahi.

¹²LALPA chun ei hezing ah, ei maljawl ding ahi; Israel Inkuante maljawl intin, Aron Inkuante chu maljawl in a.

¹³LALPA lau mite chu a lian a neu kidang lo in, maljawl ding ahi.

¹⁴LALPA‘n hun hi’pung hen la, nang leh la chate le.

¹⁵Nangma chu lei leh van siampa, LALPA maljawlna dongpa hung hita’n.

¹⁶Vante khi LALPA vante ahi hen, leilung hi vang mihingte kiang ah a piak ahi tai.

¹⁷Mithite’n LALPA a pâk ngai puau in, munthip ah chia suk taphot chun a pâkcha ta puau hi.

¹⁸Ei un vang tu’kipat kumtuang tiang in, LALPA chu pâk hitiu. LALPA chu pâk tau in!